Servus mitanand,
@Ruflo, brauchsch Da koine Sorgn machn. Zwar macht ma de Pumpn, des Schnaufn und de Erschöpfung no zum schaffn aba es isch nix akutes.
An Stress hob i mit de Ämta. Des Krankngeld lauft aus und ez tuat a jeda gscheid und stellt Gutachtn aus. Soweit wär ja nix einzumwendn. Aba seit am Johr hot mi koi Arzt von dene gsehn und de Arztbriaf lesn se au it gscheid. De Rentnvasicherung sagt daß i a Bissl Rücknprobleme hob und leichte Lungenprobleme. Wenn i damit kurz zum Doc geh, bin i scheinbar wida pumperlgsund. Des Arbeitsamt sagt daß i a Bissel Asthma hob, a Bissl Rücknprobleme, daß i Übagwicht und Depressionen hob aba voll arbeitsfähig bin. Und laut da Kranknkasse hob i blos leichte Probleme mit da Lunge und`m Kreiz und den Rescht bild i ma blos ein.
Es isch scho intaressant zum erfahrn wia guat es mia geht und auf da anderen Seitn zum erfahrn was i hob ohne daß i des gwußt hob.
Scho seit`m Auguscht bemüh i mi um a Wiedaeingliederung bzw. a Umschulung. (laut Gesetz miaßt i des erscht ab heit) Vor a guatn Wochn muaß i ma anhörn daß i mi it um mei Zukunft kümma und daß se mir des Geld sperrn wolln. Derweil hob i von dene no koi Geld kriagt weil i no im Kranknstand bin. Na muasch no nochweisn daß se seit Monatn scho de Anträg ham..........
Des isch blos a klana Ausschnitt aus meim momentanen Wahnsinn.
Sei ma it bes, aba ab und zua hob i oifach koin Bock was zum schreibn.
@Fibi, dankschen für de Film
@Coolati, Breslteppich mit Erdäpflsalat hot`s gebn.
