so, bini wieda zruck von da kraxlarei durch de ötschagräbn.
mah, wor des scheen und beeindruckend. oba onstrengend. von ölfe am vurmittog (noch ana 2 stündign onreisefohrt mitn auto) sema durch de ötschagräben kraxlt aufe - owe - aufe owe und uma siebene sema donn am ondren ende wieda aussa kummen. de letzte stund nur bergauf. pooh!!
hui, oooba, i hobs gschofft und bis hiatzand honi nuch kaan musklkota.
donn sema lei mehr noch mitterboch gfohrn, hobn uns durt in an lokal wos zum essen geleistet und schwups, umgflogn in da pension im bett, wie a stickale holz.
heite worma noch auf an klaan obstecha in mariazell, eine in de kirchn, donn zum erlaufsee, damit ma den aa amol siggt - soooo scheen aa der see. bissale wie da faaka see. oba lei a bissale ;) schod, daas es gregnet hot. i warat gern amol eineghupft. wenn ma scho amol durt is :(
oba da wettagott hot jo nit den an tog noch lossn kennen... auf den warats aa neama onkummen
und hiatzand, jo, wos soll i sogn: i bin streichfähig!
oba des worn glaab i de bestn 2 tog seit longem.... sovül alebt und mi gitraut und vur ollem aa zuagetraut. direkt stolz bin i auf mi. aa wenn ma des von sich sölbst nit sogn soll. oba de schlucht wor echt a wohnsinn. und i hätt ma nia nit gedocht, doss i des dapock. soooooo genial!!
winsch eich a guate nocht.
i wer wohl heite schlofn wie a staan und von mein obnteiaausflug traamen
lee