|
|
|
| Waldschneck am 29.11.2010 19:58 (vua 5108 Tåg) |
Servus mitanand, da erschte Tag beim Bixnmacha isch glaufn. De Arbat hot gepasst. Aufm Hamweg isch ma des Autono vareckt - do geht blos no da 3-te und 4-te Gang nei. Ez bin i glei no in de Werkstatt gehopplt. Natürlich war bei da Vasicharung koiner mehr do. Noch a Ewigkeit hob i dann endlich an Leihwagn kriagt. Und wex da Rechnung bin i au no gschpannt ob des de Anschlußgarantie übanimmt. Ansonstn bin i do wida an guatn Hundata los. (offiziell üba 170)  @Schobarin, zum Weckn warsch scho z`schpät drann. Do hob i des Verkehrscaos scho hinta mia ghabt. Wegs dene paar cm sind se heit wida umanandagschlichn daß an Anfall kriagn kenntsch.  So - und ez hon i Hunga! |
| coolati am 29.11.2010 15:37 (vua 5108 Tåg) |
mei hupfarei is fir heite vurbai. es schneibt noch imma. oba es kummt nix zom
29.11.2010 15:52:
is jo klor wen da ebna drauf is konn de sallly nit weit sein.
a schenes pfoto.
29.11.2010 18:37:
juhuuuu a bierle is ongsogt!
und a klane jausn a. |
| schoba am 29.11.2010 12:02 (vua 5108 Tåg) |
@feifale - i bin schon um kurz noch säckse in da orbat !!! mein erschtn sempf schreib i ollm beim kaffee im biro an eich und uns viel-locha !! so schaugs aus
@ruflo - dabei is bei enk im vagleich zua wean eh vull leise .... i beneid di um die ruah und um den wold rundummadum ... dege zwaa autilan, wos warscheindlich de post und da nochtbor sein, folln do nit ins gericht ..... oda? eppa doch?
oda lieg i hetztan gonz folsch und do foahrt no a drittes ah? ha?
i mirk jo sölba wia lärmempfindlich i mit zuanehmenden olta wear .....
wenn i zaubarn kennat wia da härri potta, tatat i mi af a olmhittn zaubarn und mächat durtn sennarin sein - viel holz zam hatzn hobm und a klane sollaronloge um a bissl strom fian peceh zum azeign !!! endlich ruah!!!
oba i bin ka härri potta - und ka ollmbesitza - leida - bleib i lei da ! in wean!
moooohlzeit |
| Phoebe am 29.11.2010 11:41 (vua 5108 Tåg) |
jo, a bissle ongezuckat is do aa. und wenn ma de augn zu an klaan schlitz zommendruckt und lei auf de wiesnflächn und baam schaut, donn kennt ma sich vurstölln, es schaut aus wie so aa wintawondaländ, von dem unsa bea red. oba groß terfst nit schaugn, donn kummt de schiache gatschige wohrheit aussa von wean im "matsch" |
| coolati am 29.11.2010 09:28 (vua 5108 Tåg) |
es schneibt noch imma! am voglheisl sen 40cm schnee drauf!
guatn morgn olle zommen. und i terf wieda zua hupfarei gehn wenn da roate greiz kummt.
29.11.2010 09:47:
sen de flåtter-engalan. nit fledameise?
|
| ruflo am 29.11.2010 07:27 (vua 5108 Tåg) |
www.flickr.com/photos/dueller
farm5.static.flickr.com/4104/5217441154_e84718b69c_b.jpg
"wientawondaländ" håmma bei uns. schneeweißa, feina pulfriega schnee, wia vazaubert ies ålles. apfent ohne kietschglietzakugalan und lamettastrafelen, ohne tschingelpells und aufdringlich-siaßes weinnåchtzgikliempa - ohne liachtakettn in furm von schneemannkalan und renntierviechern und ångfressanen säntaklauses und flåtter-engalan. aanfåch ruhig, still und bescheidn, zuagschniebm hålt und wundascheen. und es schneibt noch ållaweil a biessale.
åba die ruah dauert niet lång und schon går niet bies weinnåchtn. schon reißt da schneepfluag wieda die stråßn auf, die erstn aute rumpln mit schneekettn durch die gegend und schreien "aus miet da ruah und besinnlichkeit! aufwåchn, des traamtänza! mir läben im aanezwanzigstn jåhrhundat!"
jå - so ies es. und mir tuatz a biessale laad um die åltn zeitn. åba kånnst hålt es radl niamma hientadrahn. wås friaha amål besinnlichkeit und stille wår, ies heit kauforgie und schtress und betriebsåmkeit.
frieher wår's da floh im uhrwaschl vom christkindle (k. h. waggerl), der a lächln auf die gsiechta der kinder und groaßn leit gezaubert håt - heit ies es "se rednousd reindier rudolf" aus amerika. und wo frieher es christkindle leichtende kiendaäuglen beschert håt, tuat des heitigntågs da säntaklohs oda da weinnåchtsmånn, der dauernd "hohohooo"schreit.
åba låsstz eich die weinnåchtzvurfreid niet von aan vaderbn, der genauso haaßt wia des (vom glühwein bedudlte?) renntier und der mit seina einstellung wåhrscheinlich genau so aa årt hiersch ies. fahlt ihm lei es gweich und die roate nåsn.
29.11.2010 07:31:gfrei mi pfeiferle, dass die hosn niet giplatzt ies, hihi. ies wåhrscheinlich noch a kwallitätzbrodukt aus öltara zeit und niet aane ausm fetznsuppamårkt "meid in tschaina". i wientsch da a guate nåcht mit ångenehme traam.
und ålln åndern då heriennen wientsch i an guatn morgen und an scheenen tåg. |
| schoba am 29.11.2010 06:47 (vua 5108 Tåg) |
gmorgn
es feifale vull af kuh - ltur !! guat, dass dei hosn koltn hot - stöll da vur, es hättat an kläsch gmocht und ..... vur lauta daschreckn a aaaaaaarie hättascht singen miassn ---- hihi, luschtige vurstöllung ..... nana, gott segne is nix passiert
in wean is leida lei schneegatsch und solzgatsch .... nojo, tram i holt vom wintawondaländ .... und gfrai mi iba schneeweisse bildlan von eich und dem ruflo!
@schnecke, aufwochn, ORBATN gehan !!!! guatn erschtn tog!!!!!
i wear a wos tuan ....
also - olln an scheen montig |
| smokedinpeace am 29.11.2010 06:26 (vua 5108 Tåg) |
mir sei grod hamkuman vom theata anatevca (fiddler on the roof )wår gånz scheen. wahl i den film schon long amål gsegn håb und do håb i glei mitgsungan ,åba erika håt gmant i soll afhern.
@ruflo ,mei hosn håt`s ibastond,ka nåht is geplazt
@schneck donkscheen firs pic einfuegn, i winsch da an guatn erfolreichn årbeit`s tåg
FIBI, a scheen`s weihnåchts liadle, amålh wås non comercial. thank you
bea,du kånnst ma ruhig apic schickn von deiner stellage ånlage,du experte beim ikea.i fång mit dem zeig iberhaupt nit ån
i sog eich GnM bis speta i geh schlofn pfeiferle |
|
|
|
|
