mah, ongenehm. de sunn scheint eina do beim birofensta. is direkt worm, wennst so in de strohln sitzt. ausse derfst holt nit gehn. obw i tua des hiatzand trotzdem. weil i hob an hunga....
ah maanst leicht, wenn i zmiad bin, vabussl i mi vielleicht? oba na, i denk, es kummt schon on de richtign stölln on. und wenn nit, miassts es holt zrechtschiabn
brrrr, do is es kolt. und sooooo noss. von sunn kaa spur.
so, den zweitn montog in der wochn weri doch aa obebiagn denk i ma. wert zwor a bissle a längara tog, owa wos solls. am obnd kummt a freindin auf besuch, de i schon länga nimma gsegn hob. werm uns an punsch kochn und a bissle weiwakram bequatschn...
hobn i schon xogt, das i heite miad bin? na? na donn, i bin heite sooooooo miad!!!
a dickes, wenn aa miades bussale in olle richtungen!
gääääääääähnuuuuaaaaahhhhhh.... mah, bin i heite miad. oba klor, olte weiwa solltn aa daham bleibn unta da wochn und sich nit auf konzerte umatreibn. oba es wors wert. mir homse gitaugt. die haustierbubm ;-) hätt i ma nit gidocht. wor a bissale skeptisch. oba hot echt gipasst. wor guat. heite tuan ma holt meine haxn weh vom vüln umahupfn. oba aa des ghert zu an konzert dazua. stehplotz und vül wockln. worn eh ginug durt, de wie ongipickt durtgstondn send und nit amol mit da klaanen zechn gwippt hobn. denen tuat holt dafir heite nix weh....
eich an vaspätetn dunnastogsgruass von do noch ibaroll.....
de erste hölfte des toges hätt ma schon gschofft. föhlt lei mehr de zweite. und de wert aa nuch obegibogen.
heite am obnd geh i zum petshopboys-konzert in de gasometa. mol schaugn, wos de tierhandlungsbubm so kennen oda ob i fluchtortig de halle valossn muass
@ruflo: jo danke, geht ma eh so holbwegs. sixt eh, imma wos los holt :) und wenn nit mit mein katastrovsky-kanikl, donn auf ana ondren eckn. oba sunst is ma jo longweilig. geht jo aa nit ;-)
hobts schon des erste kastale aufgmocht? i muass erst aufd nocht iba mein adventkalenda dribafolln. in da frih vur da orbeit hob i glott vagessn. oba donn wert des schoki-stückal vazwickt...
mei killakanikl hot ma heite in da noch wieda gach herzflattan gmocht. kurz vurm schlofngehn, hots gmaant, so, und hiatzand hob i a bissale bauchweh. olso paspertintropfen aufgizogn in de spritzn, eine in den klaanen ormen hosn damit und obwortn, ob de krämpfe leichta werdn. noch ana zeit is donn eh wieda bessa gwesn und de klaane laus wor a bissle muntara. zm so, daas i aa schlofn gehn hob kennen. wobei guat gschlofn honi nit. hob dauernt ausse gschaut, wos des orme hascherl mocht...
