Grias eich und an scheenen guatn Morgen in olle Richtungen!

I wor gestan auf da Insl mit unsara Bea und noch ana Freindin von uns. Und an männlichn Begleita homa aa mitghobt. Den Flucky!
Leida konn i do nit so Büldlen einetuan wie da Ruflo. Irgendwie bring i des nit zommen, sunst hätt i eich unsa "Gruppnbüld" gezaagt :-)

Seima gsessn bei da Donau und homa Fiass eine gholtn. Brrrr wor des kolt....oba ongenehm.....

@Kuh: Na, i glaab es gibt kaane solchane Kämpfe mehr. I maan, des is schon anige Johr her, doss se durt noch wos gmocht hobn.
Im Winta is durt hiatzand imma zum Eislaafn gwesen und im Summa homse Sond aufgschittet und lauta Fress-und Saufstandln. Olle mäglichn Spezialitätn aus verschiedenen Ländern. Bissale so wie am Rothausplotz. Is imma voll nett durt sitzn am Obnd mit de Fiass im Sond und mit an Cocktail in da Hond, wenns noch scheen worm is.

Dix Bussale.....

na, na, na, es geht goooor nit....i konn neama länga bei dem scheenen Wetta do im Biro sitzn und draussdn scheint de Sunn gonz fir sich allan.
I wert ihr Gesöllschoft leistn... ;-)

Pfiat eich und scheenen Nochmittog!

@Kuh: Guats Nochmittogsschlaferl ;-)

Grias eich und guatn Morgn!

Maaaahhhh, i bin soooooo glicklich.
De Sunn scheint udn worm is und des is des anzige wos i brauch :-)
Wenns lei des gonze Johr so warat.
Do gehts  ma glei vüüüül bessa

Gestan am Nochmittog wori a bissale bei ana Freindin. Seima mit kurze Hosn im Gortn gsessn bei kaffee und Kuchn. Wie Urlaub sog i eich

I gfrei mi schon so aufs erste Mol Bodngehn. Oba do weri wohl noch bissle wortn miassn. Des Wossa hot glaab i noch Eiskostntemperatur. Sölbst wenn se de Beckn a bissle aufhaazn tuam.
Oba wos waaß ma, vlt weris jo in de näxtn Tog amol ausprobiern fohrn. Zumindest Fiasswaackn...

I winsch eich an scheenen Tog!
Dix Bussale.....

An wundascheenen guatn Morgen!

Naaaaa, ihr traamts nit...... joooooooo, i bin schon im Biro.
Ka Ohnung, wos mi grittn hot.
Oba i wor woch und donn honi ma gidocht, steh glei auf, bevursd do bleed umaliegst, dei Hirnkastl onstrengst, und geh anfoch ins Biro. So konnst wieda amol friha hamgehn. Heit werts eh scheen.

Und, do bin i

@Ruflo: Jo donkscheen. Weri ihr gern ausrichtn. Se muass eh nächste Wochn wieda untas Messa, de Orme. Desmol is de Schulta dron

Dix Bussaleeeee.....

kruschpln, knuspan, krabbln....

I kenn aa Kruschpln. Des send de Teile, de auf ana Stölzn drauf send und so scheen Stickalan bei de Zähnt ausbrechn lossen, wenn i einebeiß ;-)

Scheen wors mei Wochnend, wenn aa des Wetta nit guat wor.
Am Freitog Obnd wori in ana voll liabn Runde zum Essn mit eingloden.
Is ziemlich spät wurdn.
Am Somstog und am Sunntog am Nochmittog honi mit unsan Beisserle Spielenochmittog gmocht. Seima gsessn mitnond, a Glasale Wein gitrunkn, a poor Gesöllschoftsspüle gspült und a bissle trotscht.
So wors uns egal, obs drausdn litaweise des Wossa vom Himml platschgan losst....

Sodale, meine Kinda. fir heite is genug do im Biro gsessn. I wert ham gehn.

Dix Bussale in de Runde.....

......und es regnet imma noch....dennoch an scheenen Tog eich ollen. Freitog is! Wochnende steht vur da Tir....und wenns so schlecht bleibt, konn i mi ja wenixt amol ausschlofn daham ;-)
De heitige gonze Nocht wor i eh wieda munta....grod a bissle dazwischn imma weggschlofn....oba lei kurz....


dix Bussaleeee......

guatn morgen meine liaben!

seids ausgschlofn?

i nit. oba i konn jo hiatzand a poor stund im biro weitaschlofen ;-)

winsch eich wos scheenes!!!

I winsch eich an wundascheenen guatn Morgen!

Vabringts den Tog recht scheen.

Dix Bussale aus Wien! :-*

Meina is definitiv z'dick. Oba kolt is ma trotzdem

Oba hella is hiazand wurdn. neama so grau am Himml. schaut direkt scheen aus, so vom ghaztn Biro ausse durchs Fensta.

Hiatzand gfrei i mi schon aufs Bett. A bissle muass i noch durchholtn, donn konn i hamgehn...

Und da Winta konn kummen.... oda is er schon do??

Mah, i gfrier mia mein ob..... brrrrrr.... so kolt heast.

I hob echt de Hazkörpa aufgidraht do heit im Biro, sunst kenntst do nit sitzn.
Daweil hätt i schon mei Bodakabin einraaman wolln. Seit 2. Mai send de Bäda offn bei uns.
Oba mocht nix, i muass eh meine Minusstunden obbaun. Do passt des Wetta aa wieda guat

Grias eich meine Liabn!

I hoff bei eich is olles soweit in da Urdnung. Und ihr seids so holbwegs bis gonz gsund.

Bei mir gibts kaane großortign Neiigkeiten. Olles beim Oltn.

Vül zum tuan unta Togs und ständig untawegs in da Nocht ;-)
Und wenni grod amol nit untawegs bin, dann konn i trotzdem nit schlofn. Weri bold amol irgendwonn umkippn und 3 Wochn durchschlofn bei dem Schlofentzug :-D

Kolt is de Wochn bei uns und soooovül noss. Brrrrr...

No wos sogts. Hot uns des Wirschtl glott den Schass gwunnen. I frog mi lei warum wirklich. I sog jo, wenn da "Irgendwer" ongetretn warat ohne Vollbort und Glitzerrobe mit genau dem sölbn Liadl, donn hätt ma siha genausovül Punkte gmocht, wie aa in de letzten Johr.
Oba so, wüll jo kaans der Länder Intolerant wirkn. So mochts a guates Büld, dass jo eh olle offn fir olles send und passt schon....
Eigentlich a guate Strategie von Österreich gwesen ;-)
Appelieren wir an die Toleranz! Werma schon gwinnan!

 Grias eich meine Liabn!

.....I winsch eich a scheenes Ostafest und vüle vüle bunte Eierle.......


I hoff eich gehts soweit guat.
Da Kuh wert siha froh sein, hiatzand konn er wieda hemmungslos fuattan. Olles wos eahm zwischn de Zähnt kummt :-)

I schnupf und kränkl umanond seit gestan am Obend. Wert da Ostahos mir eha a poor Packln Toschntiacha und fiabasenkende Pulvalan bringen ols Schoklad und bunte Eier....

I wor jo mit mein Taufkind de Wochn fir 2 Tog in Graz und beim Hamfohrn am 3ten Tog in Mariazell. Wettermässig olle 4 Johreszeiten ghobt. Von Sunn bis hin zum tiafstn Schneegestöber. Do weri mi wohl vakühlt hobn. Oba scheen wors und i hob ma mit meina klaan Anna lustige drei Tog gmocht. Vül bleedlt und vül gsegn.

Sodale, donn vabringts ma de Ostatog recht scheen und lossts ma den Ostahosn scheen griassn, folls ihr eahm begegnets....

Dix Bussaleeee.......

grias eich olle mitnond!

i hoff bei eich is soweit olles ok.

mi hot de frühjohrsmüdigkeit dawischt. oda is de stund zeitvaschiabung? oda doch de tsetsefliege?? kaa ohnung. jednfolls kennt i togsiba schlofn wie a murmmele. oba geht jo nit. muass i jo do onzeign umaschupfn ;-)

a issle kühla is de letztn zwa tog bei uns. nit so wie letzte wochn. oba dennoch scheen und aa zum draussdn sitzn in da sunn zmittog.

i wer hiatzand noch da orbeit gach an hupfa ausse mochn und a klaane runde drahn. unsa beisserle is grod nix do. se turn irgendwo in inssbruck uma. oba am freitog kummt se gott sei donk wieda retour. donn gemma wieda unsare wege ob.
am wochnend seima marchfeldkanal obgeklappat. auffe....obe...zruck....und vire...
richtig vül umagwondat. hot guat geton.

sodale, meine liabn,

i winsch eich noch an scheenen restlichn mittwoch.

dix bussaleeeeeee....

@ruflo: mah, des büldl von da kotz is jo voll liab. schaut se so richtig neigierig in de kamera.... hihihihihi

Grias eich meine Liabn!

I hob den Firmen-Pecl ibalistet hihihi.
Oba pssssscht, nix varrotn. schau ma mol, wia longs funktioniert, bis se draufkummen und mir des aa sperrn.
Nix derfst mehr mochn do auf dera Kistn. Fir wos is se denn sunst do, ha?
Lei orbeitn is jo aa nix ;-)
Dem muass jo longweilig werdn, dem PC, wenn er lei Orbeit siggt und nix von eich...

Seit der Wochn bin i eh wieda allaniga Herrscher und Chef in der Gruppn. Mei Kollege is kronk.
Und wie, wenn se des olle riachn tatn, kummen se plätzlöich aus senare Lächa und wolln olle wos. I glaab schon, de traun sich nit zu eahm gehn und wortn lei drauf, dos er amol nit do is ;-)

So scheen wors letzte Wochn schon. Ma de Sunn. I wor fest mit unsam Beisserle untawegs im Grünen noch da Orbeit. Und am Dunnastog honi ma an Urlaubstog gnummen ghobt und wor in da Therme bissle im Freien im wormen Solzwossabeckn de Sunn geniesn. Mah, so scheen. Es wor sogor so worm zmittog, daas ma gach lei mitn Bikini (trocken) auf da Liege hot a bissle bruzzln kennen. Grod uma viere herum is donn ziemlich frisch wurdn. Do wors donn wieda bessa eine gehn udn durt weita wackn...

Doch vurbei seit Sunntog....brrrrr.....

Oba da Summa is jo noch nit gonz vurbei. A poor worme Tog werma jo doch heia noch kriagn ;-)

Sodale, i winsch eich wos.

Dix Bussaleeeee..............