grias eich meine liabn!

Hiatzand homse ma in da Orbeit aa schon des Villacha-net obgedraht. Oda de Einstöllungen passn neama seit dem neien update im Biro vom adv-installer.
Muass i ma noch genaua onschaugn oda an von meine EDV-Fuzzis frogn.

Daweil wollt i brav schon am Nochmittg unsam Pfeiferle gratuliern.
muass i de hiatzand nochholn:



eich ollen winsch i noch an scheenen obnd und schlofts guat.
i wermi bold ins Bett schmeissn. Hoffentlich aa bold drauf einschlofn.

dix Bussale aus Wien,
(de letztn 2 Tog honi do den 2t3n Teil von "Vom Winde verweht" nochgspült)....poooh...do is da Blasius gongen...Halleluja....

eia Fibi

Grias eich meine Liabn!

I hob de Orbeitswochn noch mein longen Kronknstond hinta mi gibrocht. Hob mi jedn Tog in da Frih ins Biro gschnauft vül zspät am Obnd wieda ham. Sollt ma glaabn, daas ma donn daham umfliagt und lei mehr schloft bis näxtn Tog und des aa noch guat. Na, na, nix i. Wor zwor hunds miad, oba schlofn konn i trotzdem nit. A so a Schmorrn aa.

Hiatzand sitz i do, gähn wie a Große und traam von mein Bett ;-)
Geh i donn ham und leg mi durt eine.....is aus mit einschlofn kennen.
Irgendwos moch i folsch. I sollt mei Bett mit ins Biro nehmen hihihihihi....

Fit bin i offensichtlich noch nit. Kreislauf spült varruck. Und de Luft braucht wohl aa noch a poor Tog, bis wieda zu mir zruck kummt.

Sodale, i winsch eich noch an scheenen restlichn Freitog...

Dix Bussaleeeeeee.......

leg di wieda hin kuh, da schnee liegt murgn aa noch.... 

 na sewas, es mochts ma mut. wert da schnee wohl irgendwonn bei uns aa onkummen. bist du deppat. des is jo voll vüll iba nocht bei eich.
na donn wort ma mol ob, wie sich des bei uns entwickln wert. bis jetzt is lei grau und kolt. ka schneeflokale in sich.

oba wien uns solchane mengen on schnee, des passt nit zommen. do bricht wieda des vollkommene chaos aus. 

damit mir nit fad wert daham, honi gestan am obnd ongfongen a büldl zum moln. eigentlich sends jo 2 weil i des au 2 leinwänd draufpemschtl.
60x80 je leinwond. weri wohl noch a bissle brauchn, bis fertig is, weil i so schnöll miad wert und nit long umapinsln konn, oba wenns fertig is, brauch i eicha meinung dazua. do weri eich des büldl obfotoknipsn und es miasst bewertn :)
i wülls nämlich firs wohnzimma vawendn. und wenns zu schiach is, donn kaaf i anfoch a scheenes und häng donn des auf :)

 grias eich meine liabn!

na gott sei donk, mei augnstern hot wieda den volln durchblick. passt!
hiatzand miass ma nit so schrein, wennst wieda olles guat siggst ;-)

@ruflo und pfeiferle: donkscheen eich ollen. wert schon wieda. i loss mi nit untakriagn :)

heite wori eh wieda beim doc nei obhurchn lossn. er sogt holt, mei kärpa regeneriert sich vül zu longsom. is in an erschöpungszuastond. i soll holt hiatzend schaun, dasa i nit wieda kronk werd und jegliche ort von stress vameidn. jooooo, schau ma mol. vülleicht find i jo a kasglockn, wo i drunta pass ;-)
zum intanistn soll i bold amol wieda schaun, weils aa sein konn, dos mei herzkloppn wieda mehr ausgfrinzt is. weil zvül vakühlung und de gonze gehn recht stor aufs herz, wenns eh schon ongschlogn is.

oba wia xogt, wert schon bessa werdn. a poor tog bin i jo noch daham und loss ma die deckn am kopf fliagn. i maan, des wohnzimma kummt schon imma weta oba. oba vülleicht büld i ma des aa lei ein....

dix bussale......schnauf...schnauf....

grias eich meine liabn!

vül zum dazöhln honi eich nit, aa wenns schon wieda a poor tog her is, daas i do bei eich wor.
des begräbnis vom papa homa ghobt und hiatzand gehts holt weita....
fir eahm wors bessa so und fir uns im grunde aa.

i dirft mi vakühlt hobn am friedhof weil seit dem bin i im kronknstond. den montog wori wieda im biro, bin olladings noch da orbeit glei nochmol zum orzt, weils ma de gonze brust zommenzogen hot und i ka luft krieg, wenn i aa poor schritt geh.
jo wos soll i sogn, i hob hiatzand a packale antibiotioka und wieda an neien kronknstond. zumindest jetz mol fir de wochn.
redn geht jo wohl oba lei a poor wort, weil donn is se wieda weg de luft.
oba ma muass jo eh nit imma sein schlapfn offn hobn ;-)

@pfeiferle: i denk gonz fest on die und druck di. dei liabe fiam. hiatzand hupft se auf da großn wiesn uma und hot kaane schmerzn mehr.

@wuhte: wenn aa mit anign tog vaspätung: OLLES GUATE ZUM PURZLTOG!

bei uns is kolt und grausig. bissle gschniebm hots aa. de autos send weiß.
oba sunst is nix liegn gebliebn. is eh bessa. wien udn schnee, des tuat kaa guat.

udn i kennt nit amol schneemonn baun gehn, weil i nix ausse derf. so passt des donn schon so :)

sodale, pfiat eich daweil.....
dicks bussale

donkscheen ruflo. mocht nix. wert wohrscheinlich gor nix geben. Sunst hätt ma schon wos im wöltweitn Netz gfundn.
wert holt an gonz normal iblichn Spruch draufschreiben. Wert schon a scheena werdn. Muass jo nit aus keantn sein.
Dafir gibta a Keantna Liadl :)

Winsch eich an scheenen Tog!

Dix Bussale......

Grias eich meien Liabn!

I hätt a Bitte on eich. Wissts ihr vielleicht a scheenes Kärntna Sprichl fir mein Papa. I tat gern so Gedenkkartaln mochn und an passenden Kärntna Spruch drauftuan.

I find oba nix im Intanet. Hiatzand honi ma gidoch, vielleicht hobts ihr wos, wo ma aufschreiben kenntats.

I tat holt gern beim Begräbnis irgendwos hobn, wos aus Papas Heimat kummt. I waaß nit, ob des guat is oda aa nit. Oba es soll holt wos von seina Heimat dabei sein......

 Grias eich meine Liabn!

I winsch eich an guaten Rutsch ins Neie Johr.
Kummts xund ume.

Und vül Gsundheit und Freid fir 2014!

Dickes Bussale,

eire Phoebe

I schick eich liabe Griass aus Wien!

dickes Bussale, eire Fibi!

uff, i bin fix und kroggi. heite geht do im biro olles drunta und driba und nix funktioniert. i scheiss schon den gonzen tog uma mit dem krafl. mir raucht schon da kopf...
i wermi oba trotzdem donn schleichn. irgendwonn reichts. vur ollem, wenn des netz aa noch so zach is und du desholb zusätzlich nix weitabringst... und do sollst orbeitn kennen....ständig stirzt de kistn ob mitn im datntransfer... udn jedesmol muasst oba wieda de schon einekummenen datn läschn und von null onfongen, weil sunst ibaschneit sich der schmorrn und schreit donn beim vaorbeitn auf, dass es dopplt dreifoch is, wenns des olles drin losst und lei dribaspülst....maaahhh....
  klumpat ölendiges....

je mehr elektronikschaß dahinta steckt, umso mehr bleedsinn kummt aussa...

grias eich!
An scheenen Montog winsch i eich...

I hoff ihr hobts a scheenes Wochnende ghobt.
I hob am Somstog in da Nocht brav a poor Adventkränz gebastlt, damit se rechtzeitig zum erstn Advent fertig send. Wie imma in da letzn Minutn ;-)

I schick eich noch schnöll a bussale.....

Wochnteilung is!!

I hoff eich gehts guat und kaana is eingschneibt.
Bei uns hots gestan donn ob mittog aa guat gschniebm. Oba liegn bliebn is nix auf de Strossn. Lei de Baam und Wiesn worn scheen weiß. Heite is olladings schon wieda olles weg.
ziemlich zapfig is. brrrr....

@Kuh: Jo danke, heite is des Gnack wieda bisserl bessa. Haasst oba nit, daas bis am Obnd aa so bleibt...

Hobts an ongenehmen Tog!!!

Dix Bussaleeee....

I winsch eich an scheenen guatn Morgen on an hoffentlich aa bei eich sunnign Tog!

A bissle kummt se schon aussa. Hoffentlich schofft se's gegen de Wolkn onkämpfn. Kolt is urdentlich brrr....

Oba i hob heite schon mein dickn Schal und mei Wollhaubn ausgipockt und aufgsetzt und bin wia des Rotkäpchen ins Biro maschiat. Lei des Kärbal mit Wein und Kuchn hob i daham lossn ;-)

Sodale, donn frisch ons Werk...des Klumpat do wortet schon auf mi....

Pfiat eich daweil...und a dix Bussaleee....