jojo, de bleede tschikarei...
a losta, des ma gor nit erst onfongen hätt solln, weil des aufhern donn nit so leicht follt.
i ärga mi heite noch, dass i des gmocht hob. daweil wori eh schon so olt und hot nix mehr mit "cool" sein zum tuan ghobt. hamlich homa graucht in da nocht, a freindin und i. hintam zölt in iatlien und dem pforra de tschick ausn packl gnummen, wie schon olle gschlofn hobn.
der hots wohl gwusst, oba xogt hota nix. mia sein aa lei draufkummen, weil er irgendwonn amol in da frih, nochn einkaafn, mit an packl tschik am zöltplotz zruckkummen is und des uns in de hond druckt hot: damits nit imma meine rauchn miasst ;-)
jo, und donn wors offiziell und mia zwa deppatn hom weita gmocht.
de freindin is jo wenixtns hiatzand so gscheit udn raucht nix mehr. bzw. lei wenns amol a bissle bessa aufglegt is beim furtgeh. sprich, wenns schon wos gitrunkn hot. oba i depp tschick vom aufstehn bis zum schlofn gehn. oba vakühlt oda xund....
udn bin i so stork vakühlt, dass i aa amol nix rauch, donn stopf i stottdessn des gonze noschzeigs in mi eine. drum her i daweil nix auf, sunst tat i bold plotzn glaab i.
sodale, meine kinda. i pock mei klumpat zommen und wer ham gehn.
bzw. schau i noch amol zum papa ins heim eine. de mama hot mi vurher ongruafn eahm gehts schon wieda besch****. hängt on infusionen und kriagt nix zum essen. ongeblich wors scho wieda a mognblutung. bei dem froß do drin ka wunda. oba mia dirf ma eahm jo nix mehr von daham mitbringen. des tuat eahm nit guat. dafir gibts lei mehr kronkmochendes vasolzenes erpflpüree und blähendes vasolzenes kohlgemüse. siha a guate alternative fir ongegriffene mognschleimwänd...jo! | 
bbbbbbrrrrrrrrr, an scheenen koltn guatn Morgn.....!!