morgen kuh,
bin jo eh schon woch, wos schreist denn a gor a so...... ;-)

heite geh is wieda on mit autohändla obklappan. is jo kaa zuastond mehr ohne an fohrboren untasotz. vülleicht konn i jo heite a poor probefohrtn mochn......

guate nocht!!!!

oij, do tut sich jo gor nix mehr in letzte zeit. sema wohl olle a bissle ruhiga wurdn, ha?!
owa muass aa amol sein. wert schon wieda.

winsch eich a guate nocht.....

hihihi, warat owa siha a gaude, wenn da dei lenale den spinot auf de pfotn schmiern tat ;-))))))

mei bauchi aa. traditionelles sunntogsschnitzl mit reis und gurknsalot...

hihihiii, vurhin hob i mein hasi de paste aufs föll gschmiert, de ma normalerweise kotzn gibt, damits des föll bessa "aussatransportieren" kennen. mah, de wor zurnig auf mi. owa se hots scheen brav owagiputzt und gschleckt. ondas kriag i des zeig jo nit in sie eine ;-)

morgäääähn!

nix wolkn, sondan scheen blau und sunnig.....
winsch eich daher an scheenen sunnign sunntog!!!!!

@kuh: wos hota zalegt um gotts wülln????

da klaan phoebe gehts wieda bessa. frisst zumindest wieda und sch....! on bleedsinn hots aa schon kurz gidocht. owa lei gonz kurz. abissle gschlaucht is schon noch. des merkt ma. owa dirfts jo wieda gonz guat ibastondn hobn.

i hob heite mittogs aa gfüllte paprika kriagt. olladings nit mit püree sondan mit solzerdäpfl.

vül gmocht hob i heite nit. lei gschlofn am nochmittog.
mei extrem-miadigkeit fongt schon wieda on. daweil schlof i eh so vül. owa wahrscheinlich zu vül ;-)

jo. a so an lexmark honi aa. der wor domols im ongebot. hot ungefähr sovül kostet, wie a so a bleede einzelne forbpatron. owa i hob des erst späta gmerkt. do kamat ma billiga, wenn ma jedesmol an nein druckn kaafat, wo de patron jo schon dabei ist, ols a neie forb ;-)))

<<deihos is jo ärga wia a kind!>> jo, des sog i aa imma.
i muass gestehn, in letzta zeit wirds ma echt schon a bissle zvül. so sehr i sie a vagötta, owa i nimm ma nie wieda a viechal. nix wie surgn mit senen. des is nit xund fir mi.

wos gibts heite bei dir zmittog?

grias eich!

gehts eich guat??
@ruflo: wie schauts bei dir aus? is schon wieda bessa?

wonn hob i eich von da klaan phoebe dazöhlt? letztn sunntog aufd nocht gä? heite wors wieda so weit. owa desmol hob i den tierorzt ausn bett leitn miassn. spritzn hot se kriagt und irgendwos entblähendes ewingeflösst. hiatzand sitzts noch imma ziehmlich zdruck uma in da gegnd und grod hie und do frissts a bissle wos. olle holbn stund muass i ihr des sölbe zeig einflössn wie da tierorzt und am obnd a zapfal gebn. no, des konn jo wos werdn. i kriag jo schon fost nix bei ihr vurn eine. wie soll des donn von hintn gehn......
des is jo wirklich a kronknsessl des orme hasi. da wert wohl nia a ruah sein mit ihr.
da tierorzt hot gmaan, wenn se bis am obnd nit sch....., muass i noch amol onruafn. bis dahin is noch kritisch. hiatzand wort i holt, dos ihr wos aussn hintan fliagt......

eich winsch i daweil an scheenen und erholsomen somstog...

scheenen obnd!

gehts eich guat? hobts eeh nix ongstöllt heite den gonzn tog?

@ruflo. wos is los? gehts da leicht nit guat? winsch da guate bessarung, egal wos es is.

grias eich kinda!

hobts an scheenen tog ghobt?

mein hasi gehts wieda bessa. owa gestan aufd nocht hots doch noch a zeitl gidauat, bis se wieda gfressn hot. i wor schon kurz davur den tierorzt onzruafn. owa so wies ongfongen hot, hots a wieda aufghert udn von ana sekundn auf de ondre hots a bissle zum fressn ongfongen und longsom wieda a bissl durchs zimma wondan. de tropfn dirftn gholfn hobn. uuufff. glick ghobt.

i hob drauf gipfiffn und mir fir den rest da wochn urlaub gnummen. i waaß zwor noch nit wos i olles mochn wert, owa a bissle luftschnoppn schodet nit. wetta soll jo aa passn. und der in da orbeit soll schaugn, wie a ohne mi auskummen. do wird in de letztn tog eh lei bled gred. des muass i ma nit ontuan. hob i nit notwenig. vur ollem von sozusogenen "freindn"........

25.08.2008 22:36:
wos is eigentlich mitn pfeiferle??????????? waaß wer wos?
hota urlaub odawia?
@pfeiferle: schaust du noch eina do? wenn jo, möld di, wies da geht.

am vurmittog hot se sich noch aufgfihrt und i hob gschimpft se soll brav sein. hiatzand warat i froh, wenns so war. irgendwos hot se schon wieda. von ana sekundn auf de ondre frisst se nix mehr und liegt nur do. i nimm on, de hoor hobn sich schon wieda vaklumpt und kummen hintn nit aussa in kugalform wie sunst. hob ihr grod mit viel gequicke paspartintrofen eingeflösst. mah, herzzerreissend wia se gfippt und gizapplt hot. owa de tropfn hölfn ihr beim...... eh-scho-wissn.
i hoff des kummt von aalan wieda aussa. sunst konn i noch in da nocht in de tierklinik fohrn :-(
konn nit aaaaamol olles passn?..................

danke fir den tipp. weri glott befolgn ;-)

heite hot se sich eh schon a glonzstickl gileistet und mir is des herz in de hosn grutscht. hot se sich doch glott hintas bett gwutzlt im schlofzimma und is neama vur. des geht sich grod aus hinten an da wond fir de bradn von an hosn. do is gsteckt und hot gschaut. und i hob zittat. noch ana zeit is zumindest am rond kummen und i hobs am hintan onschiabn kennen und mit futta lockn.....
wenns a bissle mehr umagiton hätte hintn, hätts passiern kennen, dos se sich vakeilt. und i kumm durt jo nit hin. do brauch i jo an kran, um des drum bett zum vaschiabn.

heite hot se ibahaupt pfeffa im orsch. wie a varruckte schleidats heit uma und fihrt si auf.

sixt an hunga kriag i aa schon longsom. i wermi ibaroschn lossn, wos heite bei da mama gibt.