i hob ma a salami-tiefkühl-pizza ins rohr gschobn. hot ma aa gschmeckt :))

so, und hiatzand weri wieda a bissle liegen gehn. und donn vielleicht amol an sprung auf die luft. schau ma mol, obs donn noch trockn drausdn is.

 na, dei kota is a schlingl. liab. so  a richtiga frecha pölza :)
paasst schon so. wenns schlimm san, donn sans xund. onsunstn muass ma sich surgn mochn, wenns lei so stüll umasitzn und nix tuan. do hots donn meistns wos gröbares :/ 

mit vül sunn konn i nit dienen, oba a bissle zumindest vasuchts do aa aussakummen. holt so gooonz leicht, durch de wolkn durch. oba bessa wia nix :)

winsch eich an scheenen somstog!
lossts eichs guat gehn!
 

hui, i konn nit schlofn. bin heite sovül am nochmittog glegn, daas i hiatzand gor nit so miad bin.
sollt ma oba longsom an ondren rhytmus ongwähnan, sunst tua i ma am montog im biro schwar :/
schlof i vülleicht glott den gonzn tog auf mein schreibtisch :D

@ruflo: jo danke, geht schon wieda vül bessa. huastn tua i wohl noch, oba i maan, nimma so org. de antibiotikalodung is aa schon ausgnummen, hiatzand muass olles weg sein, wos nit xund wor, denk i ;-)
un ddes herzstechn is aa schon so guat wie weg. lei mehr an zwaz mol am tog so zwischndurch. guats zeichn. konnnix mehr gfährlich sein.

außadem fliagt ma schon sooooo de deckn am kopf daham.

@ANDREA: grias di, scheen, daasd do bist. auf wos fir an konzert worst denn in wien?

grias eich!

jo und es regnet wieda. wos hast regn. es schitt wia mit schaffln. bold wern uns wohl flossn wochsn, ha? :D

i winsch eich trotzdem an scheenen tog. zum fiass ausstreckn is jo so a wetta ideal. lei faul umalungan und rostn.

dix bussale und mohlzeit

@ruflo: eh, konnst eh nix sogn. geht ihr eh do eine und durt ausse :)
se hurcht sowieso nit auf mi.

hob heite vom fensta aus de sunn xegn. scheen. hob ma aa schon ibalegt, ob i nit a klane runde ausse moch a bissle luftschnoppn. is siha nit schlecht fir de lungan. oba da wind blost wie damisch. donn doch wieda nit guat fir mi. vülleicht wert jo murgn wos draus.

 morgen eich ollen!

@ruflo: jo siha is es scheen, olladings is mir des gor nit recht. in ana hinsicht is se ibafordert und sollt sich ausrostn, donn tuats und mochts zusätzlich noch. es is ihr eh olles zvül. gscheita warats, wenns de zeit des kochns und einkaafns, zum spaziern und ausruhn nehmen und nutzn tat.

@ruflo: a wohl, wohl, wird schon jedn tog bessa. solong wies schon gedauert hot, dauerts siha nimma ;) und i hobs ma scheen gmiatlich daham gmocht. und de lebnsmittlvasurgung is aa noc aufrecht. heit wor schon wieda mei mama do. desmol wors a degl sölbstgmochta eiaaufstrich und 2 große dosn frisch bockene keks. ane mit vanilliekipfal, de zweite mit linzaaugn.
jo, jo, mei mama schaut, daas i nit zvül obnimm im kronkstond.

montog is!
i winsch eich an scheenen solchanen.

dix bussale aus da bronchien/lungen-quarantänestation "wohnzimmer" ;)

offensichtlich is jo heite des gorße fuassbollfiaba ausgibrichn. daweil spült jo nit amol östarreich!?!?!?
mir is wurscht, i schau ma auf sat1 "die Zahnfee" on :D

 

hmmm, i bin im wiglwogl. mei mama hot mi seit gestan mit essn vasurgt und hiatzand is da kühlschronk voll. gestan hots ma xöchts mit erdäpflpürre brocht, und an degl mit palatschinkn und erdbeermarmelad. heite steht se vur da tir mit an topf spaghetti mit pastaschutta-sauce.
hiatzand waaß i nit, wos i heite essn soll zmittog....

onstott dass se sich a bissle ausruht, weil i eh nit ins heim konn stott ihr des wochnende, kochts wie a wülde. mah, he...
 

 an scheenen somstog winsch i eich, aa wenn er sichalich genauso kolt und grau is, wie do bei uns.

mei huastn is noch nix bessa. i böll wie a hund. moch wohrscheinlich da sally und oda von da tiafn her, mehr dem bello konkurrenz.

da befehl, daas i am montog nit in de orbeit derf, is gestan kummen.
mei orbeitskollege wor so liab und hot olles so gecheckt, daas i noch daham sein konn, obwohl er nit do is.
hot schon brav olles hergrichtet und gach an onderen xogt, wos er mochn konn.

i find des so liab von eahm. er hot gmaant, wennst an kriag mit dein chef hobn wüllst (des is nämlich er, olso mei unmittlborer vurgesetzter, nit da große chef) donn kummst am montog. ansunstn bleibst daham und losst dein hintan unta da deckn :D

na schau ma mol, wies ma geht ob montag...

luxemburg wors, nit laxenburg.
weil noch laxenburg hätt ma nit 10 stund gibraucht. do hättn 20 minutn autofohrt greicht  

gehts dir guat, ha?
wos mocht dei katzle?

HAAAAAAAAAAALLLLLLLLLLLLOOOOOOOOOOOOOOOO!!!

i konn wieda eineschreibn. dank unsan liabn schneckale. i hob anfoch an ondren intanetbrowser vawendet um ins net zum gehn. sprich den google-chrome und nit den internet-explorer. beim oltn schläppi wor des egal, mit wölchn browser i do herin bin, oba scheinbor bei dem neichn nit. oda es liegt ohn dem bleedn windows 8. der dreck is nämlich da hiatzand drauf. und friha honi vista ghobt.

olso, i bin wieda do aus luxemburg. donkscheen ruflo, firs ausrichtn. dicks bussale!

seit montog aufd nocht, noch ana 10 stündign autofohrt bini wieda in wien eingelongt aus dem lande der grafen und herzogen ;)
anstott an souvenir, wie jeda ondre urlauba, honi ma a dicke fette vakühlung mitgebrocht, de sich, weil i trottl am dienstog und gestan mit fiaba im biro wor, onstott daham im bett zu bleibn, zu ana holbatn lungenentzündung wurdn is. hiatzand derf i antibiotika schluckn und hoff, dass bis montog wieda olles weg is. weil do muass i wieda ins biro. mei kollege is auf urlaub. oba schau ma mol. wenns nit bessa wert, geht holt nix. miassns ohne mi auskummen nächste wochn de ersten poor tog.

fotos aus luxi muass i noch beorbeitn und a bissle klaan beissn, donn konn i eich a poor schickn.
des wetta wor wia ma so scheen sogt, zum sch.....! vom erstn tog weg hots gregnet, gregnet und gregnet. vom aufstehn bis zum schlofngehn. 12 tog und lei wossa. i wollt schon gor nix mehr duschn gehn, weil i kaa wossa von obn mehr segn wollt. 10 grad mehr wor aa nit mit da temperatur zum onfongen.
i natirlich vül zwenig worme sochn mitghobt udn kaane wossafestn schuach.
nochdemsd jo im urlab nit im zimma bleibst, gehst holt aa bei so an sauwetta ausse und schaust da olles on, soweit geht. jo, und des wor mei fehla. KRONK! seit da zweitn hölfte des luxemburgaufentholts. najo, und weils holt da imma noch nit im zimma bleibst, rennst donn mit ana vakühlung udn wohrscheinlich aa schon do fiaba, wieda im nossn durch de gegnd. so kummts holt donn, dassd noch an urlaub, eigentlich urlaub bräuchast ;-)

nun guat, nochdem i do jetzt wieda einaschreiben konn, bin i zfriedn. kronknstond geretten ;)

dickes bussale, ka ongst, virtuell is jo kaa onsteckungsgefohr :D

grias eich meine liabn!

long nit do gwesn und doch nit oll zu vül zum berichtn.
vül zum tuan, vül untawegs mit heim und mama.
und sunstn immer long im biro. wie aa heite.

oba jetz is schluss und i pock glei mei klumpat und geh ham.
durt wortet nämlich aa wos zum einpockn.
a laara koffa und unmengen on gwond, wo i mi entscheidn muass, wos davon in den koffa einekummt.
weil murgn aufd nocht gehts wieda ob noch luxemburg fir knopp 2 wochn.

endlich wieda amol a längara urlaub und nit lei an oda zwa tog.
frei mi schon. obwohl i doch a bissle unruhig bin und nervös. oba wert schon olles guat gehn. sowohl de 10-stündige autofohrt durt aufe, sowie olles daweil do in wien bei mama und papa wenn i nix do bin.

sodale, donn nix wie weg aus dem biro,

i hoff, i kumm murgn noch dazua vurm wegfohrn, wenn nit, winsch i eich jetz schon olles guate und bleibts ma xund bis i wieda zruck bin.

dix bussale on eich.