kuh, im sockn-himml, bei olle ondren einzelsockn dera wölt! ;-)

na, zum juli nit, oba zum dunnastog :D

i winsch eich aa an schenen solchenen.
heite ist kaa bodewetta do bei uns. wolkn ziagn uma und kühla is aa.

i bin schon wieda nervös. da papa hot heite wieda an zohnorzttermin ghobt, weil olle seine zähnt mittlaweila total hinig send. de gonzn stockzähnd brechn hiatzand schon aussa und de wurzln steckn drin. beim "normaln" zohnorzt kennen se hiatzand nix mehr mochn, weil er jo kaan mund nit offn holtet.
jetz honi bei an privatorzt ongruafn, der sowos im dämmerschlof mocht.
am dienstog warat jetzt da erste termin durt zum amol onschaugn.
a vollnarkose geht nit beim papa, und a dämmerschlof is holt aa a risiko.
de letztn 3 gehirnzöhln, de vlt noch a bissle intakt send, kennen dadurch aa völlig zastärt werdn.
hiatzand waaß i nit, wos ma mochn solln.... oba ausse ghern de hinign zahntlen auf olle fälle.....pooooh.....
des liagt ma schon wieda im mogn. und mei pumpm geht wie narrisch....

a dickes fettes bussale aus wien zu eich on dem scheenen wormen summatog!

@ruflo: maaah, is de liab. so an strossnkehrer tat i aa brauchn

<<mir homa sölba sovül seen. wos brauch i des gänsehäufl >>
jo kuh, wenn i den faakasee vur meina tir hätt, tat i aa nit freiwillig in da oltn donau oda in an ibafülltn pool waackn ;-)

oba näxte wochn gehts ma guat. do nimm i ma wieda an tog frei und fohr zu meina freindin in gortn. do moch ma wieda an mädls-tog in ihrn pool. ohne leit. lei mia zwa und a poor vogalan, de sich durt in den gortn hin vairrn.
frei mi schon. wert wieda a richtige entsponnatog werdn. zwischndurch imma wieda eine ins haus zu ihre 2 kotzn, damit denen nit fad wird und wieda ausse zum plantschn. scheeeeeennnn!!

scheen wors gestan im bod. zwor a bissle stork windig, oba sunst lei sunnenschein. de poor wolkn worn im wohrstn sinne des wortes wia weggiblosen :)

na, kuh, nit im gänseheifl. strondbod olte donau. is gmiatlicha mit nit so vül leit wia im gänseheifl. durtn datretns di jo.
do is im strondbod schon ruhiga. i mog nit so den riesntrubl.

so letiln, i winsch eich noch an scheenen dunnastog,

schau ma mol, wos donn der nochmittog so bringt!

kinda, i sog eich wos. i sperr heite um ans mei biro zua und schmeiss mi ins bod.
bei mein glick werts zwor bold gonz wolkig sein, oba schau ma mol. do hintn kummen schon de erstn vorboten fir an regn.... onxogt homse firn obnd erst. hmmm.... na, i loss mi anfoch ibaroschn. wos solls.

winsch eich noch an scheenen nochmittog!

 muasst holt umascrolln, kuh. donn siggst olle büldln. olle gehn sich aa bei mein monitor it auf an blick aus, obwohl i an 21 zolla hob
des warat a wundschirm...

an wundascheenen guatn morgn winsch i eich!

wert wohl wieda a guata sonniga tog werdn, so wias daweil ausschaugt.

@kuh, mei augnstern: i hoff, dei gnack is heite schon a bissle bessa. tua fest einschmiern und worm holtn. bind da a tiachl um dein hols. des is guat. de wärme losst de muskln wieda entsponnen.

i muass murgn wieda zu meina therapie. i wülls jo nit vaschrein, oba seit i vur 2 wochn des erste mol bei dera physiotherapeutin wor mit dem kranio sakral zeigs, seit dem is neama so org.
ob des vülleicht wirklich wos hülft oda ist daweil lei mei hirn, dos es dron glaubn wüll und drum is bessa. na egal, hauptsoch, es is daweil wirklich leichta :)
um den preis muass es jo wos hölfn :D
60 euro pro umadrahn on mir. des konn lei guat sein ;-)

juuuhuuuuuuuuu, de sunn scheint!

i winsch eich an scheenen tog und geniests de wormen strohln.

@ruflo: vül spass mit da hunderunde und bring wieda scheene büldln mit.

dix bussale

jo ruflo, wie i mei klaane phoebe noch ghobt hob, bin i aa nit auf urlaub gfohrn. wenn ma i viechale daham hot, donn geht des holt nit so. monche scheissn sich nix udn gebn ihre haustiere anfoch bei leitn ob udn ob de donn fressn oda nit, is senen egal. hauptsoch se hobns scheen.
do wori imma ondas.
und hiatzand is holt mit da mama und mitn papa nit so anfoch. konn i nit lei so fir länga obhaun. do wor jo schon luxemburg im mai nit sooo anfoch. oba is donn doch irgendwia gongen. oba vül mehr, wüll i holt de mama donn des johr aa neama so long allan mitn papa lossn.

und wia xogt, muass jo nit imma so long sein. reichn imma wieda a poor tog zum aussponnen und liabe ausflüg mochn. donn passt des schon :)

sodale, und i wer hiatzand aa aussponnen gehn. birotir zua! zerst noch gach einkaafn und donn ob, ham auf de couch ;-)

bussaleeee.......

i winsch eich an scheenen start in de wochn und ins neie monat!

hiatzand send se do de ferien fir de klaanen und somit da summa. schau ma mol, wos er so bringt.
i hob nix giplant mit urlaub oda so. i werma wieda zwischndurch, wenns wetta passt a poor urlaubstog nehmen und ins bod gehn. aa wenn des wieda vüln do im biro nit passt. i waaß eh nit, wos de sich iba mi imma gidonkn mochn. is jo eh mei soch, wie i mein urlaub vabring. es fliagt holt nit a jeda fir 2 wochn glei wohin. und i bin holt ane von de "nit a jeda".
oba des maul wert sich zrissn und hundatmol nochgfrogt, und wos mochst denn im urlaub und wonn gehst denn auf urlaub, und warum gehst denn nit glei 2 wochn auf urlaub, sondan imma lei a poor tog. na warum fliagst denn nit weg. warum fohrst den nit noch italien, wennst nit fliagn wüllst....blablabla...
tschuldigung, bin i olt gnua, dos i sölba entscheid, wonn i wos tua und wann nit!?!? und aa wenn is gern ondas entscheidn tat, gehts holt nit.
i konn schon des wurt urlaub neama hern, ohne daas i a mogngschwür kriag.
is holt so bei mir.
i fohr holt nit und fliag aa nit. hob holt meine gründe - pasta!
wert schon wieda irgendwonn mol so sein, daas i lei auf mi schaun konn und mei kopf und olles ondre frei. und donn bin i aa wieda weg und des am besten glei fir 2 MONAT  hihihiiii....

winsch eich an scheenen freitag nochmittog!

hoffentlich gehts eich ollen so holbwegs bis supa guat.
i bin froh, daass de wochn a end hot.

i bin jo soooo stolz auf mei "klaane" anna. se hot a vurzugszeignis hamgibrocht. lei 2 kinda aus der klass. hot jo doch wos gholfn, daas i fleissig mit ihr glernt hob in de letztn wochn. mit ihre öltan hots lei mehr gstrittn, wegn da lernarei. do hob donn i eingriffn. bei mi hot se sich nit faul sein gitraut :D
hot sich olso auszohlt! a guates obschlusszeignis is schon wichtig fir de neie schul, de sie im herbst onfongt. donn werts olladings erst richtig hort werdn. schau ma mol, wia se sich tuan wert. fünf johr und donn a maturaobschluss. na i bin gsponnt....

an schnölln oba dafir um so liabaren gruss in eire richtung und a dickes bussale aus dem haaßn wien.

i hoff eich gehts guat.

i pock mi grod zommen und moch mi aufn weg zu so ana kraniosakraltherapie oda wia des haaßt. ols zur erstbesprechnung. donn hoff i, dass i heite noch gach in a kühles wossa hupfn konn udn a bissle plantschn.

winsch eich noch an scheenen tog.
dix bussaleeee.........

@ruflo: sog nit, dass du a grufti oda olta krocha, oda komposti bist.
firn kompost bin mittlaweile i.
i wor in da mittogspause schnöll drübn im röntgeninstitut und hob glei de ana ibaweisung einglöst.
da orzt hot jo in da frih gmaant er schickt mi wieda amol, damit ma neie büldln hobn. mit dem sotz: werts ich schon nix vaändert hobn, oba da teifl schloft nit.

jo, wos soll i sogn, da teifl hot definitiv nit gschlofn.
i tritt in de fuaßstopfn von unsam beisserle. ongehende spondylose. de zwischnräume von meine bondscheiben oda wirbln oda wos a imma fongen longsom oba sicha on, zommen z'wochsn.

hot wohl der ane orthopäde domols recht ghobt mit seina vamutung, wie er xogt hot, konn sein, dass sichs so schnöll vaschlechtat, dass i mit 40 mi gor neama gscheit bewegn konn und vielleicht bei ana bleedn bewegung im rollstuhl sitz. hiatzand weri heia 38. und i bin schon ziemlich eingschränkt zeitweis. schau ma mol, wia sichs wirklich entwicklt :)

jo......
wos solls. mit so an schaß, hätt i olladings heit in da frih nit grechnet, wie i aufgstondn bin und ma lei a poor spritzal holn wollt, dait i den tog im biro daklatsch :)

grias eich und an scheenen guatn morgn aus mein biro!

i hoff eich gehts guat.

@ruflo: hobts an scheenen kirchtog ghobt?
des wetta hot ja wohl gepasst.

bei uns aa. do worst gestan so scheen sunnig und worm.
am somstog wor in papas heim a summafestl. echt liab gmocht und vül los. sogor mit musik und hupfburg fir de kinda (weil de organistion kinderherz aa mitgwirkt hot) lei mei papa hot nix davon ghobt. de hobn eahm grod on dem tog gebodet udn hoor gwoschn, do isa imma so fertig, daas er nix aussn bett konn und lei unruhig is.
so wor des summafestl ohne eahm. am gestrign votatog hob i donn zumindest a bissle mit eahm spaziernfohrn kennen im hof.

sodale, hiatzand pock i mi noch gach zommen und laaf schnöll ume zu mein orzt um spritzn firs gnack. donn konns wieda weitagehn mit hackln :)

pfiat eich daweil und dix bussale

10.06.2013 08:36:
sodale, vom orzt aa wieda retour ins biro kummen. mit a poor spritznlächa mehr im gnack und 2 ibaweisungen. ane firs neierliche röntgen und ane fir pysikalische behondlungen.
wenn des donn erledigt is, weri wieda amol auf kur einreichn.
vlt derf i jo wieda irgendwonn noch wormbod fohrn :)