wie maanstn leicht daas i eahm herrichtn soll??? de pfonn ausfettn? ;-)

an scheenen palmsunntog!

wohl, ratschn kennens schon noch do bei uns und de holzklappan. lei umagehn tuat kaana mehr. jo, bei uns i da kirchn schon. wert eeh wieda a lärm werdn ob gründunnerstog.

"wir ratschn, wir ratschen, den englischn gruass, den jeda katholische christ betn muass".....

sewas meine liabn!

sunn scheint heit wieda bei uns. und kolt is aa nit wirklich. warat scheen zum spazierngehn oda so. i wer mi olladings nochn essn wieda hinlegn. mei kopf und mei knack quölt mi schon wieda seit gestan. konn kaum aus de augn schaugn. vülleicht werts jo in zwa, drei stund a wenig bessa sein, donn geh i a bissle luftschnoppn.

bussle in de runde

morgääähn!

winsch eich an scheenen freitog.
wenn nur olle tog in da wochn a freitog warat.

*ggg* i holt mi eh schon den gonzn tog fest am schreibtisch on.

jo bei dir vülleicht, paolee, do in mein biro, hots windstärke waß-i-net-wos. do bloost eina. bist du.....
joooo, hob eeh de fensta zua, owa de send nit dicht. da vurhong wocklt wie wüld uma. des is jo kaa orbeitn nit do. i maan, i wer a pause mochn und ane rauchn gehn ;-)

bussale in de runde.....

grias eich am varegnetn mittwoch vurmittog!

mit mein hasi is gott sei donk gestan wieda olles guat gongen. da tierorzt hätt ma vurgschlogn, is soll ihr den zohn glei ziagn lossn, sunst miass ma auf lebzeitn olle monat zum zwickn gehn.
olladings hot er des noch nia gmocht und es ist ibahaupt a großes risiko. weil se do nit nur a inhalationsnarkose sondan a richtige spritznnarkose kriagn tat. und so klaane vieha des nit ibalebn kenntn. de op würd ca. 1 stund dauan und es konn aa sein, daas da zohn obbricht, weil es in so an klaanen hosngoscherl schwierig is, wos zum mochn und ma donn erst wieda wortn miassat, bis er wieda aussawochst. und a ondares mol wieda probiern miassat. irgendwie muass er do ins kiefa einebohrn und olles aussanehmen (keimstamm), sunst wochst imma wieda wos noch. des is nit so wie bei an menschn. zohn aussa und weg isa fir ewig.
die chancen stehn 50:50, daas guat geht. hiatzand waaß i nit, ob i des wirklich wüll. wenns guat geht, donn hots fir imma a ruah und muass nit olle monat zähntzwickn gehn, wenn nit, donn.....jo, donn hots aa ruah, ollading auf ondre ort ;-(

gestan hob i des noch normal mochn lossn. i soll mas ibalegn hota xogt. owa i maan, bevur i se neama hob, geh i liaba mit ihr olle monat hin. obwohl des holt aa da volle stress fir se is und natirlich aa nit ohne, aa wenns lei a inhalationsnarkose is. konn aa imma wos passiern hota xogt. hm, schwierig.......

so, hiatzand honi eich wieda meine hosnprobleme dazöhlt.

ajo, danke firs daamdruckn, ruflo.
und kuh: bussaleeee ;-)

grias eich!

gregnet hots bis mittog und hiatzand scheint de sunn. varrucktes wetta.

heite brauch i wieda olle eichre daam. bzw. mei hasi. muass nämlich am obend wieda mit ihr zum tierorzt wegn de bocknzähnt. miassn wieda gezwickt werdn. wieda narkose.
olso feeeeeeeeeeeeeest druckn bitte.

morgääääähn!

scheeenen sunntog winsch i eich.

najo, vül weri nit untanehmen. den frein nochmittog geniessn, des is schon unternehmung genug ;-)

no es tats mi herrichtn. stopplfrisur, hm. olladings, warat i donn in da frih siha schnölla fertig mit ollem. und de erspornis bei hoorspray und shampoo ;-) direkt a ibalegung wert ;-)))))

morgen am somstog in de runde!

hob heite neama schlofn kennen. bin schon a zeitl munta. daweil warat i eeh noch miad. najo, aa schon de senile oltasbettflucht.
beim frisär hätt i aa grod ongruafn, den ma untn im haus hobn, owa der hot heite nix frei. wenn i mi amol dazua entschliass hin zum gehn heast. fir mi is frisär nämlich ungefähr so wie zohnorztgehn. mog i gor nit. wenn do irgendwer fremder in meine hoor umawusslt.

na, heite nit. wenn donn grod zu de freind mit de kinda ume, owa sunst freit mi heit kaa großes furtgehn. murgn is eh de geburtstogsfeia von ana freindin, do bin i eh wieda untawegs. zumindest a bissl.

du schon?

i sog eich wos kind, damits ma gonz guat geht, weri mi ins gwond schmeissn und de hamreise ontrettn. birostundn beendet.

bis späta von daham...

olles wohl auf, jo! und freitog is aa, do muass an jo guat gehn

@frounz: dos ma di aa wiedamol siggt do. brav, brav. gehzdaguat?

@ruflo: donkscheen firs grias ausrichtn.

@coolati: <<sog eich "guate nocht" bis murgn. stöllts nix on phoebe, du vur ollem>>
jo sog amol, wieso grod iiiiii??? i bin jo sowieso de bravste von uns ollen. do erübrigt sich des jo wohl ;-)) sowos, i bsundas, tztztz. a soooo a bravs dirndle gibts jo eh kaa zweits mol ;-)