ahso, i hon des "n" vagessn ;-)
hob jo eh eich buam gmaant. lei vaschriebn "mandlen" hätts haßn solln

06.03.2008 19:32:
mohlzeit kuh, mei bua ;-)

häääää???

scheenen obnd meine liabn madlen!

wos hobts bremsspurn in da untagatte?
jo sogts amol, seitz es ane schweindln heast.

kuhli, wos host da den heite zum essn gmocht? tuast eh nit vagessn, wenn dei lenale nit daham is. nit daasd vahungast gä.

hi ihr olle!

supascheen is draussn. blaua himml, sunn scheint, lei saukolt is holt.

@chrischtele: loss da lei guat gehn und tua scheen entsponnen. a wenns lei tää zum trinkn kriegst. kaufst da holt im näxtn gschäft a poor ondare getränke und vastecksts am zimma untam bett ;-)

morgääähn!

kolt is heite wieda, brrrrr...
und irgendwie warats noch soooo scheen im bett. owa na, i bin munta und in da orbeit ;-) najo, sölba schuld, wos spül i aa nit lotto.....

@ruflo: olles guate heite fir de untasuchung.....

kiiiinda, hiatzand homa action ghobt bei uns vurm haus. i bin uma 7me hamkummen, is ma schon de polizei auf da strossn entgegngrennt, i soll schnöll ins haus. bin i aufe, hin zum fensta (bin jo gooooor nit neigierig *gg*) und hob mol gschaugt, wos sich do tuat untn. schräg gegnüber is in da einfohrt vom haus a toschn gstondn. do homse vamutet es is a bombe. de komplette strossn wor obgsperrt, kaana hot mehr zu sein haus dirfn oda ausse auf de strossn. vom fensta hobns mi aa weggstampad und i soll in de hintasten raum gehn, homse aufagschriahn. honi hold beim zuagmochtn fensta hintan vurhong owegschaugt ;-))
und wos wor - gor nix. irgend a peinliche gestolt eingemummt in schutzausrüstung hot sich on de toschn ongepirscht, a foto eine geknipst und is wieda gongen. hot sich ausgizogn, umgidraht und hot ohne schutzausrüstung de toschn gschnoppt und durch die strossn giplärrt, kennts de sperre wieda aufmochn. und des gonze nach anaholb stund. da ongforderte entschärfungsdienst, is bis zu dem zeitpunkt nuch nit do gwesn. a nie kummen.
do denk i ma schon, wenns wirklich wos gwesn warat, na danke. am onfang send jo lei 2 ormseelige streifenpolizisten hülflos de strossn auf und ob grennt, bis endlich vastärkung do wor, inkl. hund und obsperrbond.....
naja, zumindest homa mir unsan spass ghobt.
und murgn stöll i an koffa in de ondare einfohrt ;-)))))))))

grias eich!

schnee homa mir gott sei donk kaan. brauch i aa nit. owa wos waaß ma, wos noch kummt. kolt genug is jo wurdn in de letztn stundn. und da himml hot aa so a komische forb.

@coolati: liabe grias ons lenale und guate bessarung!
du orma, bist gonz allen hiatzand. werst da eeh brav wos sölba zum essn mochn, ha? nit daasd vahungast heast.

so, i maan es reicht fir heite.

i schmeiss mi ins bett.
guate nocht!

guat honi gschlofn am nochmittog und long. bis uma 6e. donn a bissle wos in da wohnung giton, käfig von mein hasi giputzt, obndessn und duschn und schon is da tog wieda uma und i von neiem miad.

hiatzand weri mi a bissle mit mein nintendo vurs flimmerle haun und des wors fir heite......

na, gott sei donk nit vablosn.
anfoch zmiad gwesn bis jetz, des kastl do zum aufdrahn.
und i maan, es wert a bold wieda obgidraht werdn.
heite konn i mein erstn sunntog-nochmittog seit longem wieda vaschlofn. kaa probe, kaa theata. vurbei is des gonze.
a bissle traurig bin i schon, owa a froh. hiatzand kehrt wieda ruhe ein...

hoffentlich. momentan is jo olles ruhig. naja, i muass eeh aufe. do bleibt ma eeh nix ondres ibrig....

grias eich!

jo, de emma. i muass sogn, mir is des nit olles ans. am nochmittog homa noch de letzte vurstöllung um drei. i warat jo firs obsogn. zum anen wird wohl kaum wer kummen wegen dem sturm und zum ondaren, wirklich aussetraun tua i mi aa nit. oba de ondren wolln nit obsogn. wert schon nix sein sogn se. oba sölbst de feiawehr warnt, ma sollt nit aussa haus gehn.
mei mama rennt aa schon im kras dribn bei ihr, weil se sich nit zu mir umatraut. hiatzand is owa donn mei hasi allan daham. und wos is, wenns uns a fensta eindruckt und mei hasi fircht sich und kana is do. mah, i bin echt nit gonz beinond wegen dem sturm. i hoff, des wert nit so stork, wies sogn......

hiatzand honi am nochmittog 2 stundn gschlofn und i bin imma nuch miad. gibts jo nit heast.
i maan, heite weri nit so long in da pforr bleibn nochn theata, sondan ziehmlich bold mei bett aufsuachn....

oij, vülleicht a allergische reaktion auf wos. na hoffentlich wirds bold bessa. sog ihr scheene grias von mir.

jo, kemma mochn!