donkdaschen fir's sms, chrischtele, oba i håb eich eh nit vagessn, ka ångst! i spül oba in letzta zeit a bissale traum-månn - und hålt die bappn :)
da friihling is jå heia recht schen, då fållts an schwa, nåch da håckn noch amål zum compi gehn, wo ma den blechtoka eh schon den gånzn tåg atrågn muaß, den bledn. då geh i liaba ausse, de eichkatzln tratzn oda zum wirtn auf a hålbe (merlot) oda zwa.
maaaa, wie kåmma, zegugge noamål, sein innaren schweinehund ibatrixn und freiwüllig "bewegung" måchn? i rost a bissl zåm und vom umasitzn weat nix bessa. oba tschoggn oda radlfoan is gåraso deppat. schnaxln kennt i a bissle mehr, oba in mein ålta is des a schon gfährlich. wås soll i tuan? coolatling, håst an tipp fia mi? du bewegst di (zwoa nit freiwillig oba doch) eh am meistn von uns olle.

pfiateich (i kånn den schweinsbråtn schon fåst riachn, chrischtele, mmmmmmmm!!!!)
an schenen tåg - 's wetta ia jå HERRLICH!

sers leitln!
ruflo, du håst buaztåg ghåbt, håb i jå goa nit gwisst (zgleich mit'm ostahås, so a zufåll :)!
jå dånn:

Häppi Börsday tu juu!
Häppi Börsday tu juu!
Häppi Börsday lieba Ruflo!
Häppi Börsday tuuuu juuuu!

sei lei froh, dasst nit gheat håst, wie i dazua gsungan håb! olls guate nochalmål... jetz is da 60a a niama weit, oda :))

kuflattnich: geht oba glab i lei bei dir nit guat... bei mir und olle ondan (gibt jå noch a poa ondare seitn auf dem sörwa) geht namal...
hmm... woat ma amål ob, oda wie ma sågn: schau ma amål!

so. heit is fuaßbåll... tschämpiungs liig. låss ma uns a bissale vom ronald inju vazauban!
pfiateich, bis noachan!
da wuhte

GEHT WIEDA, DE OLTE HITTN!!!
Griaßeich!
Ma, des woa wos. Bei meim "Proweida", wo da Sörwa vom villacher.net steht, is ausgrechnet am Koasåmståg da Strom oba sowås von grauslig ausgfålln, dass de Notstromvasurgung, de wås des obfången soll, a glei hin wuan is. Jå und zu die Ostan dawischest hålt kan! Håt bis hezt gedauat, bis des Krafl wieda repariat woa... tuat ma lad, so is des hålt!

Jetz kenntz amål dazöhln, wås zu de Ostan so getriebn håbts! Schickts ma ane Büldln vom Aiasuachn mit Chrischtele, Rufo & Co!! I hån bis jetz KA ANZIGES OSTAEI gfressn, weil i seit Såmståg mit ana Darmgrippe im Bett lieg. Supa Teiming. Vielleicht håb i oba a schon telepatischn Kontakt mit'm villacher.net Sörwa...?

Pfiateich, i geh wieda mål auf'n Topf.
da Wuhte

UNSRE HALLE!
UNSRE HALLE!
HEY, HEY, HEY!!

supa samma, masta samma!

ma, des woa a spül gestan! den wirtn homma leer gsoffn valauta spånnung. oba die burschn håms brav hm spült, den kölch!

i bin im moment a bissl vül im stress, deswegn tauch i lei söltn auf aus da vasenkung. sunst is oba tutto in burro, wie die italiena sogn.

mochtsas guat, i muaß schon wieda obhaun... lästig, so ane kundschoftn, de olleweil wås wolln...

salute!
maaaa, liab, wia se mit de komplimente ummaschmeissn ;)
is eh wuascht wie ma ausschaugt, hauptsåch es is a gaude beim låchn! wie schaugt denn da schnee-yeti schnecki eigentlich aus, wo ma schon dabei san? den hån i no nit gsegn. vielleicht is des a bessa so - i waß jå nit.

ajå. apropo scheen:
HIER - REGIERT - DA
VAU - ES - VAU!!

murgn mätschbåll gegn innschbrucK und dånn finale, masta und gemmagehtschon!

pfiateich, da wuhte

griaßeich!
supa schnecknmail, chrischtele, muaß imma noch låchn :))))
da orme schnecki, hähähä!

ajå, und ibrigns:
4:1 GEGN INNSCHBRUCK - SUPA VSV!!!
gestan im wirtshaus (weil de håmt prämiere) gsegn wie unsare blauweissn den HCI obsaviert håm! herrrrrlich! de sålzburga kennan kumman, måch i ma goa kane surgn.

so, i schleich mi jetzt a - bis murgn, oda sunntåg, schau ma amål, wånn i wieda an compiuta segn kånn ;)

måchtsesguat, chrischtele, deina mieze olls guate, des weat schon wieda, håmt jå eh 7 lebn.

pfiateich!

4:1 HURRAAAA!!
nå? is da wuhte a profet oda wås?

@schnecki: den varein bayern münchen sowie den gånzn deitschn fuaßbåll kånn i nit håbn. (då gibts ibrigns a supa buach driba dess ma unbedingt glesn hobn MUASS!!!!)
i kenn persenlich gånz liabe deitsche, deswegn tatet i nie pauschal behauptn, dass i wås "gegn de" hätt - bin jå ka rassist. es gibt in da deitschn seele oba gewisse... äh... grundeinstöllungen, de sich nit mit meim naturel in einklång bringan låssn - såg ma's amål so.
oba wie gsågt. deppate gibts hübn wie drübn.

schenen, schneelosn tåg winsch i eich!

da coolati wieda då, dånn kånn jå ålls nit so schlimm sein!
heite gehst kegln? aha. a und wås is mit da tschämpiungs-lieg? i schaug ma heite ån wie de bayan a milanesische am zinda kriagn, und auf des gfrei i mi schon! i måååååg se hålt anfåch nit! wuascht, gegn wen se spüln, i hålt zu de ondan. (aussa gegn lazio, då wer sogår i zum stoiba)
und murgn spült da vsv und måcht tirola-greschtl. a supa.
pfiateich daweil!

@chrischtele: sigst, wer nix håt, so wie i, braucht a nix ausschaufln!
@ruflo: jå, is ma vuakumman wie in transülwanien. i glab, i brauch a bier und an schnagge, dass wieda a bluat weat in mir.
@schnecki: a wås passtn nit mit da cäm? håb den vogl eh schon vascheicht, der imma auf de linsn gschissn håt :)
pfiateich!

salvä!
so. hetz woa i wieda im spitol zur kontrolle und zum bluatobzapfn. de hundling saufn des zeig, glab i. ibamurgn geh i wieda hackln, es weat ma schon zfad zaus. und tuabts ma nit so vül von vegln redn, i kennt eh schon wieda ;)
pfiateich!

sågijå. deppata schnee bleda.
chrischtele, wiaso kriag i kane bülda nit? woa i nix brav oda wås?
pfiateich, i hau mi eine zum ruflo untan gulta!

i tat liaba am meer huckn und im sånd ummaschaufln...
maaaaaaaaa... wüll an suuuuuuuuuumma håm, oba daaaaalllli!! brauch des graaaaaaußige weiße zeig niiiiiit!!!

morgäähn!
ma, holbe ans und i imma noch so miad. jåjå. de nåchwirkungen von da bier-kur.

coolatling, i håb im gäste- und im weatabuach amål olle einträge von dir auf "coolati" ausgebessat, wo'st di als "kuh" oda "brasülati" oda so eingetrågn håst. bist in de top15 jetz wieda vuagezischt. i hoff, es steat di nit.

schenes faules wochnend!
da wuhte

griaßenk!
so. bin wieda a bissale bessa banond. bissl büld schaugn und sortian geht schon. des schweinsfiabadeselendige håt ma schen zuagsetzt, oba a echta schotte kennt kan schmerz. de håms guat.

da winta kåmma sowås von gstohln bleibn, des kennts ma glabn! vua ana wochn noch håb i gschwitzt wie da teifl, oba nit vom fiaba, sondan von >+30°C - im FREIEN!
wenns wen glustet, i håb a poa bülda wieda ins netz glådn:
http://service.gmx.net/mc/qdG5zLb5bVFHRhKDw4e1lDUl8LmjGj

jåjå coolati, håst a massn ghåbt, dass di ka so a luadansviech dawuschn håt! des is wie da jirgele, anfåch wås, wås ma nit brauchn kånn!

pfiateich, vül spaß beim schaufln!
da wuhte

haaalo!
so, jetz bin i seit somstog in da frua wieda in estarreich und erst jetzt des erste mol bei an pe-ze. wie geht des, weats eich frogn, der teifl solltat jo schon oabeitn. des gschicht is folgende: in malaysien hot ma am tog vom obflug in da frua schon da schädl zum wehtuan ongfongen und an jedn ban in mein keapa hob i gspiat. auweh, a grippe, hob i ma gedocht. und weil i ka pipihendi ghoppat håb woa i ma a sicha, dass ka voglgrippe is. donn 15 stund im fliega kumman wie die hechststråf. in da prolo-class håst ungefähr den 1/4 plåtz von da 3. class bei da öbb... wenns de 3. noch gebn tat. zaus onkumman is des kopfweh imma ärga wuan (on intanet nit zum denkn) und am montåg in da frua, weil i schon krämpf im hirn ghåbt håb, eine ins spitål auf die tropnmedizin. diagnose, woascheinlich, dengue-fieber. a schmorrn, såg i eich. irrgend a so a hundsviech von vaseichta gölsn muass mi dawischt håm und jetz is des anzige, wås mi zåmmhåltet, a tschippl schmerzmittl. ausm spitål bin i auf revers wieda ausse, weil de kennan eh nix fia mi tuan (medikament gibts kans dagegn) und im zimma mit 4 schwer infektiöse geriatriepatientn werd i in 100 joa nit gsund.
also, kindalan, tuat ma lad, oba bis da wuhte volle einsåtzfähig is, weat des noch a bissale dauan. mit vaschwimman eh schon a bissale die buxtåbn vua de augn, deswegn her i jetz a wieda auf. i hoff lei, dass eich olln guat geht, bei mir wert des schon wieda!
pfiateich, i trink an tee auf eich!
da wuhte