griaßeich!
seeeeerwas coolatling! maultåschn? wo woast denn bittschen auf urlaub? bist amål fålsch obgebogn und beim chrischtele ums eck glåndet? hett da oba auffålln miassn, dass durt ka MEER is!
:)
mi håms heite nåch 9 joa in da firma gekindigt, de luachn! des håt ma davon, wemma vasuacht an betriebsråt zum grindn... des håt "das kapital" goa net gern, wenn afamål de schnorra nåmens ångstöllte sowås wie "rechte" håbn mechtn. oba, ka surg, håb im håndumdrahn an neichn tschob... sollt ka problem sein bei meina qualizfakiton (oda so).

eich an schenan obnd, i geh zur feia des tåges mit meina liabstn ane suschi haban!
pfiateich!

griaßeich!
so. bin wieda wåch vom dilirium. marantana, i wea a nit jinga.
unsare highland games woan a feste gaude, schåd, dass kana von eich duat woa. måcht oba nix, auf unsara schottnseitn www.dieschotten.com gibts an klanen bericht und a poa videos zum onschaugn!
wo issn da coolatling eigentlich? hotta sich wohl nit amend mit ane calamari vaschluckt, odawia?
pfiateich, jetzt geh amål i untan gulta... vielleicht triff jå durt den ruflo :)
da wuhte

morgen!
(morgen is guat, um 2 zmittåg)
wos isn los mit eich? schlåfz noch ålle odawieodawås?
gibts schon ane vuaschläge, wo ma des festle måchn? ruflo, vielleicht bei dir in da kreizn oda beim collatling in wernburgien?

stehtz amål auf es fauln hundling :-)
pfiateich,
da wuhte

morgääähn eich a!

sodawassa, jetzt håb i mit unsarem herrn pacha telefonisiert:

Dås Fest fir 100 Leit steht!!!
A 3-fåch Hoch auf die Villacher Brauerei!!

Mir solln uns jetzt lei ibalegn, wånn und wo ma des måchn wolln. I tat vurschlågn, da ma's jå nit eilig håm, måch ma des im Friihling, weil im Winta is gåraso kålt und finsta und bis zum Mai, zum Beispühl, håmt die Auswärtign a gnua Zeit zum Planen. Oba i ibalåss des eich, meine Liabn, weil des Festl is jå nit fir mi, sondan fir olle, de då herin ihrn zweitn Wohnsitz håm!
Ollsdånn - ob Heite håt des Lebn wieda an Sinn :-) weil jetzt kemma uns in olla Ruhe ibalegn, wånn ma uns a Gaude måchn!!!

An wundaschenen Tåg winsch i eich,
enka Wuhte

Griaßenk!
Den Herrn Pacher hob i noch nit dawischt, oba bevur i's noch vagiss,
IHR SADS OLLE EINGLODN ZU UNSARE UR-HIGHLAND GAMES, NÄCHSTN SOMMSTOG IN NEUHAUS/GAIL:



I hoff, ihr hobts olle Zeit!
Pfiateich daweil,
da Wuhte

griaßeich kindalan, bin eh då! wosnlosha?
i woa nit då und håb deswegn noch nix untanehman kennan... außa, dass i dem herrn pacha a mail gschickt hob um zum schaugn, ob des echt der woa, der a sågt, dass a's is. kennt jå a jeda kumman! oba der is echt :)
muagn ruaf i ihn ån und wea amål obklopfn, wås ma måchn wean. oba a villacher-bier festl klingt schenial! des måch ma noachan so, dass olle dabei sei kennan... da ruflo und da coolatling kumman sowieso ibaroll hin, wo's blau ausse raucht und des chrischtele, die irmi und den schnecki (und olle ondan) fliag ma mit da "villacha-air" ein - soll'n se hålt an jumbo sponsan :))
wo kennt ma denn des festle måchn? da winta kummt jå mit volldåmpf auf uns zua, im freien weat also a bissale frisch wean, weil a poa wochn wea ma uns schon aufwärman miassn... oba, då weat uns schon wås einfålln. vielleicht im brauhof oda im kongresshaus... oda beim manze im råthaus! tiaf ma hålt nix ibrig låssn vom guatn "flüssign sonnenschein", sunst glabt de brauarei angach, uns schmeckt des saftle niama! i sponsa a wås: ane kopfwehpulva fian nächstn tåg!
i hålt des daweil wie a echta keantna: schau ma amål, dånn seg ma schon!
dem collati winsch i in jedm fåll a supa "calamari-tour 2006" - kumm hålt wieda gånza hinta, brauch ma di noch :)
und ålle ondan winsch i natialich a ålles, wås ihr ma a winschts!
i dazöhl eich noachan glei, sobåld i wås neiches was!
schlåftz guat, pfiateich,
da wuhte

seawas kindalan!
ma, des tuat ma jetzt echt lad, oba i bin heia erstmåls nix dabei bei de olpnheilända! des geht sich bei mia vuane und hintn nit aus... und ohne a vuane und an hintan trau i mi nit in rock eine (kennt jo a mädale drunta schaugn!)
oba im septemba (2. oda 16.) homma unsare gmiatlichn, klanen heilmängames in neuhaus on da gail. schon zum 23. mål!! jaja... 23 joa gibts uns jetz schon (UNS hot nix mit de olpnheiländgames ztuan!) und lei mia san de echtn! i hoff, mia seg ma uns duatn! i låd eich oba eh extrig dazua ein.
fia muagn winsch i eich kan regn und a feste gaude!
trinkts a biale auf mi - i trink muagn a ans auf eich (um 10e no nit, do schlof i noch)!
pfiateich! måchtz es guat!
da wuhte

serwas ruflo!
ach, fråg nit, dånn brauch i nit liagn. es flutscht olles dass lei so steckt.
såg des nit, dass nix passiern kånn! då passiert imma wås bei dem computa glumpat. oba wia's ausschaugt, geht eh olles.
wie gezn deim bauchale? olles wieda im grianen bereich?
pfiati!!

Griaßeich!!!
Wie gehts enk? Satz schon aufgeregt wegn dem Spül heite? I gfrei mi schon!!

Wos neiches gibts: die VILLACHER.NET Seitn is auf an neichn SÖRWA übasiedlt. Anfoch so. Solltat hetz schölla gehn und a bissale stabila lafn. Wenn wem wås auffållt, wås nit passt, dånn sågts es ma bittschen.
So. I muaß weita ummaschuastan, pfiateich daweil!!
da Wuhte

maaaaa... denkst da nix schlechtz, afamål måchts händy piiip-piiip und i wåch aus mein summaschlåf auf, weil ma des chrischtele a es-em-es getippslt håt.

guatn morgn ollemitanånd!

des mitm summaschlåf is natirlich a bledsinn. mi håts in letzta zeit a bissale einegsch*** rundummadum, von gsundheit iba orbeit bis olles... anfåch zum vagessn! då waßt månchmål niama, auf wölche baustöll 'st zerst pfeiffn sollst. åba ka ångst, i hån eich nit vagessn! i schaug wohl imma vabei, ob sich wohl olle noch möldn, dånn waß i, dass eich guat geht ;) is vielleicht so a bissale a 'liaba gott' sündrom... der hundiana schaugt a lei zua und möld se 2000 joa nit. bei mir geht g'schwinda oba derwegn baut ma kana a kirchale hin!

so. heite spüln de deitschn gegn de argentinos. i deaf eh nit laut sågn zu wem i hålt und von wem i glab, dass se wöltmasta wean... de lieblingsnochban nämlich. spüln an gefällign kick und san a niama so deppat wie friia. an ballag und an schweini brauch i nochwievor nit. oba de ondan gehn. hålbwegs.

so. i schaug wieda weita zur näxtn baustöll...
mächts es bessa und håltats die uhrn steif!

da wuhte

günau. des is gagalenda.

und >> des is a a galenda ! <<

ma. beim oazt woa i. i sog lei, triglyceride 298 (bei 300 hätt i a wåschmaschin gwunen). von meim zucka und cholese red i goa nit. de frau dokta hot die gonze zeit wos von "katastrofe" und "dramatitsch" gredet. hmm. obnehman konn i niama, sunsta wiaf i kan schåttn mehr. hetzt muaß i vüüüle kalorien fressn, oba ka fett und kan zucka. is wie laut singen ohne gereische.

pfiateich.
und dazöhlts ma bittschen nix vom schweinebråtn und so, sunst geh i ins wåssa.

hallihallooo!!

wie gehts eich ollnzomman, meine liabn? olls (wieda) gsund? ruflo, wos mocht dei wånst? zappln die geislein noch, des't gessn håst oda sanse schon vadaut?
ma, i såg eich, valauta oabeitn was i oftamål goaniama wo ma da kopf steht. jetzt håt ma ana gsågt, dass schon JUNI is... GÄH - bledsinn!! woa jo grod erst märz. und kålt is a wie schwein... des konn ka juni nit sein!
oda vielleicht doch? mir juckts schon so im augnwinkl, weil da WM kummt imma lauta daher! huiiiii, do wer i wieda bier vatülgn... am freitåg gehts schon los. gekündigt und gschiedn bin i a schon - fir die 4 wochen - also steht jo a nix im weg!

sodawassa. mei (noch) chef steht schon hinta mir und fuchtlt mit da peitschn. i muass, sunst weat a noch tamischa....

måchtses bessa!
enka wuhte

griaßenk!
@chrischtele: i håb eh an hund! sågn oba olle "schiache kåtz" zu ihr, weil se nix greßa is als meine zwa diwantiga. meine viecha sigst eh bei de postkoatn (hund+kåtz) - de obaren dreie. jå, hülft oba nix via die bewegung der hund! des luada is jå noch faula als i! des woas nit, oba danke fias mitdenkn ;)
@coolati+schnecki: kennts es iba wås ondas als iba kalorienvanichtung a noch redn? ;-) jedes mål måcht mei kolestarinspiegl an schnålza nåch obn, wenn i eire orgien då mitkriag! oab passt schon - i håb jå a nit zvül auf da lendn, gleich wie du, coolatling! also - obe mit'm bråtn!!
so. i geh extremcouchien måchn. bis dånn!
da wuhte

weat dem oltn kreizna jå wohl nix gschegn sein, ha. vielleicht braucht a oba a lei amål a auszeit... penions-börn-out, sozusågn. ruafts ihn hålt amål on, wo'ra bleibt, i håb ka numma von ihm.
pfiati!