uaah, bitte, mir wird schlecht.
bin grod auf facebook auf ana seitn gwesn, wo de bitte on olle wor, a bestimmtes profil bei facebook zu möldn, damit do wos geton wert.
honi zerst amol auf de profilseitn gschaut. seit dem bin i total entsetzt.
offensichtlich a jugendlicha oda jugendliche, de sich damit brüstet hundehossa zum sein. und de fotos postet, wo de ormen hund daschlogn wurdn send, weil se nit gehurcht hobn. des profilbüldl is a folsches, weil de datn und aa de freinde wos do send, eher zu an jugendlichn passn tatn. und ob se wirklich in paulas würstchenbude in villach orbeitet is natirlich aa de frog. i denk amol, des hot sich der oda die varruckte aa lei so hergnummen. wos natirlich wiederum fir de wirschtlbude aa kaa guate werbung is.
oba ma muass jo vursichtig sein in fb. stimmt jo vül nit. oba schon allan, wenn ma auf de idee kummt, aa fake-seitn zum bastln, de solchane inholte hot, schon allan dafir gherst gstroft. und donn eben noch a existenz ruiniern. denn wos ondres is des donn aa nit, wenn de die paula do so hinstölln. geht jo kaane mehr durt hin wirschtl essn.
des ghert anfoch da polizei gmöldet.
de menschheit wird imma varruckta. do werdn seitn hergnummen und ondare mit in dreck gezogn. de frau wert wohl nit amol wissn, daas der bersch oda des dirndl, de sowas schreibt, existiert.
mah, i pock des echt nimma. irre wohin ma schaut....
i winsch eich a guate nocht. i muass mi noch beruhigen, weil wenn des stimmt und de jugendlichn do in villach, de hund vastümmln, na..... i mog gor nit dron denkn.
i dirfat nit amol an dawischn. i waaß, do kenntats mir donn briafe in an nettn ruhigen vagittatn einzlraum schickn. weil durt tat i donn sitzn..... i känntat mi donn leida nit beherrschn und lei freindlich auf de berschn einredn... na..
| 
a wetta solls hobn. 