morgäääähn!

i winsch eich an scheenen tog und hoff es geht eich guat.

mei nocht wor a bissle zkurz. bin bis holba 2 in da pforr obn gsessn. gestan homse generalprobe ghobt. honi mas onschaugn miassn. mitspüln tua i jo heia aa wieda nit beim theata, weil i wieda gstreikt hob. oba dabei bin i jo donn doch, so wie i gestan bemerkt hob. und schon fongts on, mit 2 wochn durchgehend miad sein :D
liab is des stickl heia. nix großortig onspruchsvolles, oba a nettes klaanes belongloses unterholtungsstickl. brauchst lei sitzn und zuaschaugn. nix mitdenkn ;)
genau des, wos sich de leit aus da pforr imma winschn :D
und schau ma mol, vlt loss i mi jo firs näxte johr wieda ibaredn und spül aa sölba wieda mit. wer waaß. a bissle druckts mi eh schon wieda und da sentimentale kummt hoch, wennst so obn bis und lei hinta da bühne umakraxlst, onstott drauf.

sodale, bin daham. potschn on und fertig zum umalaahnan :))

frühling is daweil do noch kaana in sicht. do bei uns schwimmt olles vom schnee, weils a bissle auftaut hot und ma geht lei in bleede schiache schneematschige wossalockn uma auf da strossn. und kolt is trotzdem. olso mir holt. oba schau ma mol.... wer waaß, wer waaß, vielleicht wirds jo noch wos mit frühling in de näxtn tog ;)

winsch eich an scheenen montog!

 i hoff, ihr hobts an guatn start in de neie wochn ghobt.
i moch fir heit schluß. ma soll jo am erstn wochntog nit ibatreibn ;)

pfiat eich!

 guatn morgn!

mah, mia tuat olles weh von gestan. oba i bin echt nix mehr gwähnt. de knopp 4 stund im hochn schnee umastapfen send gonz guat iin meine haxn gongen. des gspirr i voll :D i bin doch a oltes weib heast :D

grias eich!

hoff es geht eich soweit guat.

mei rodltog heite, den homa obxogt, weils sovül gschneit hot iba nocht und aa noch am vurmittog. und rund herum auf de strosn und auf da autobohn is olles gstondn, wos grod nit grutscht is, und hängen gebliebn, kreiz und quer gstondn, strossn gsperrt...jo...und weil des donn kaan spass mocht, aufn semmering auffe fohrn, sema daham gebliebn.
dafir hob i am nochmittog mit unsam beisserle an ausflug auf da insl gmocht. kniehoch im schnee sema baade fost 4 stund auf da insl umagsprungen, umaglegn, umaghupft und zum schluss lei mehr krochn. hobn an schneemonn gebaut, den mit müsli, nussn, brotbräkln, opflstickln und noch a poor ondren leckarein bestückt, damit de ormen vogaln wos zum fressn hobn, solongs so stork vaschneit is.
und natirlich wieda a menge fotos gmocht.

mit an wurt: a voll scheena nochmittog.

rodln is auf näxtn somstog vaschobn.

 @ruflo: jo, weri ausrichtn und sie aa von eich druckn. gooonz fest :)

a guate nocht winsch i eich. schlofts guat und traamts scheen!

grias di kuh!
grias di martin!
und grias eich olle, de heite noch nit do worn!

umaschneibsln tuats imma noch.

gestan wori mitn glühwürmchen wos trinkn. wor a lustiga obnd.
mir homa uns sogor schon druckn gidtraut ;)

 bei uns in wien. oba kaa scheena. lei so a komischer nossa. nit amol zum liegn bleibn, wos i do so von mein birofensta beobochtn konn.

am somstog fohri mit da karin rodln am semmering. i hoff do schneibts nit beim fohrn gor so org. is zwor donn schon graamt auf da autobohn, oba meist nit so guat, wenns frisch draufghaut hot. do fircht i mi donn beim fohrn :)))
oba mehr von de ondren, de mit de summaraafn untawegs send und kreiz und quer rutschn. gibts jo genug von de deppatn.

sogts, finds es nit aa, daas sich de wochn firchtalich ziagt???
mir kummt vur, ols warat schon dunnastog. mei kalenda vasucht ma olladings wos ondres zum einredn. ob i eahm glaabn soll???

grias eich on dem sooooooo scheenen sunntog!!

!!!!!!!!!!!unsa beisserle derf schon ham!!!!!!!!!!

 

 winsch eich a geruhsome nocht!

bussalee.......

grias eich und an scheenen freitog!

@kuh: <<und loss da nix gfoln von de chefitätn sen jo a lei mentschn.>>
du kennst die unsrign leida nit - weil i muass sogn, i bin ma do nit so gonz siha ;)

des is so wie bei ana lasagne oda bei tortelini. waaßt aa nit, wos wirklich hinta da vapockn steckt ;)

"Alle Kinder essen gerne Lasagne. Nur nicht Ronny, der mag kein Pony!

winsch eichnoch an scheenen nochmittog

a miades hallo von an longen tog aus mein biro!

ob heite kennst mrs. statistik zu mir sogn. i sigg heit lei mehr kastln und zohln und irgendwölche buntn bolkn vur mir.
drum is schluß fir heite und i pock mi zommen firs hamgehn.

zu meina ostadeko :D

pfiat eich, winsch eich an scheenen obnd.

bussaleeeee.....

 grias eich!

heite aufd nocht und von daham und nit wie sunst vom biro.

jo sog amol kuh, mei augnstern, wos host den gmocht mit deina wormbod villach therme, ha?
homse se heite evakuiern miassn, weil irgendwos mit an stohlträga nit gepasst hot. a riss oda so.

bittscheen, i sog eich, i bin aa schon total deppat. i denk ma vurhin, kummst amol a stund friha ham, tuast a bissle wos in da wohnung, bissle wäsch woschn und umawischn auf de kastln, da andi is daweil in de kirchn gongen zum oschamittwochsgottesdienst. nochdem i noch a bissle zeit fir dekoration iba ghobt hob, denk i ma, sixt, heit is oschamittwoch, konnst glei am erstn tog ostan aufputzn in da wohnung. gfrei mi, dass olles scheen wurdn is, ibaroll de hasaln aufgstöllt, polmkatzln in da vasn, eialan draufghängt, wos holt olles so dazua ghert. fir ostan.
donn kummt da andi von da kirchn ham, schaut im wohnzimma so umadum, schaut donn zu mir und sogt, maanst nit, daas a bissle fruah is, fir ostan?
i denk ma, mah he, is der bleed, i hobs endlich amol gschofft am erstn tog olles fertig gschmückt zum hobn....
hmmmm.....
jo, donn is ma eingfolln......
oschamittwoch!!!!
beginn da fostnzeit...und nix ostan...... 40 tog hätt i noch zeit ghobt....
jo wos soll i tuan, mei hirn is holt aa neama des, wos es amol wor 
guat, daas i nit aa schon de eia gikocht hob 

sodale, hiatzand moch i mi gach firs tv-kastl fertig. im orf spülns heite an fülm, den i ma onschaun wüll. do gehts um alzheima. i waaß zwor noch nit, ob des wirklich a so guate idee is, wenn i den sigg, oba i probiers amol...

i winsch eich an scheenen obnd.
dix bussale aus mein vorgezogenen ostawohnzimma ;)

mog nimma. i moch schluss fir heite.
so. birotir zuasperrn. hamgehn.

pfiat eich!
und lei lei!

jap, es hot gschneit de holbe nocht. und jap, es liegt scheen vül (fir wien) schnee. und jap, des vakehrschaos is schon wieda voll im gonge :D

guat, dass i lei zfuass gehn muass. weil mei auto is schon wieda zuagschauflt vom strossndienst, bis hin zum koffaraum...

winsch eich an ruhign tog!