na honi nit. irgendan blauen cocktail mit ananas. nomen hob i ma nit gmerkt.
waaßt schon wosd zum essn kriagst heite?

an scheenen sunntog eich ollen!

i wor gestan am obnd furt mit ana freindin. homa uns in de hai sosaiädi ;-) gschmissn. irgend a lokal in da innenstodt. wor oba trotzdem gonz nett amol zwischn da "prominenz" zum stehn. oba jedn tog brauch i des aa nit. solchane snops. owa wie xogt, wor amol gonz nett. des näxte mol gemma wieda zu unseresgleichn auf a bier ;-)

morgäääähn, oda eigentlich mehr mohlzeit!

haus des meeres gestan wor donn doch nit soooo spektakulär, wie i erhofft hob. lei fisch ibaroll ;-))))))
na, wor eeh gonz nett. oba so schnöll muass i nit wieda hin. gsegn honis jetz wieda noch longa zeit und des wors.

am obnd wori bei de freinde mit de kinda. homa a bissle fülm gschaugt und quatscht und donn wors auf amol 2 in da frih. heute bin i miad. wie ima holt ;-)

so und hiatzand gibts donn mittogessn. mol schaugn, wos sich vaspeisn lässt.

bis am nochmittog,
bussale in de runde.......

heite worma kurz einkaafn in an shoppingcenter und glei durt essn in ana pizzaria. hiatzand is kurzes mittogsschlaferl onxogt bzw. holt a bissle ruhn ;-) und donn weri mi ins haus des meeres begebn. do wor i schon sooooo long neama. ols kind amol mit da schul. hoff es send nit zvül leit durt. ferienzeit is jo doch für solchane ausflüge nit so gonz de richtige zeit, wenn ma wos in ruhe mochn wüll. oba vülleicht homa glick und es send nit vül leit mit kinda durt.

morgn es zwa!

@irmi: scheen, daaßd do bist. wie gehts da denn?

@ruflo: host schon dei morgnrunde mit da sally hinta dir?

i hob grod mei frihstick vadruckt und hiatzand weri ma ibalegn, wos i heite noch mochn wer.

scheenen tog winsch i eich......

@paolee: mein nomen von da herin und mein echtn vurnomen dazua. olles klaan gschrieben in ana wurscht. i waaß, nit einfollsreich, oba i bin schon am durchdrahn gwesn, weil olles schon vagebn wor. sölbst mit zohln hintn dron. und auf aa ewiglonge zohlnwurscht wor i nix neigierig. i wülls ma jo sölbst merkn aa ;-))

28.12.2007 01:23:
olso, a bissle potschat stöll i mi schon noch on do mit der tastatur und mit dem komischn mausersotzbrettl do. i flitz do uma und schon mochn sich tausnd ondre sochn auf od zua, wos i gor nit wüll. mah und des mia oltn gewohnheitstier heast......

oba hiatzand weri mi ins bett legn und de kistn do obdrahn.
schau schon wieda ziehmlich kastlat drein,
guate nocht

- licht ob -

nix kastl obgstirzt, auf ana ondan seitn gwesn.
jo, jo, es gibt noch a lebn aussaholb des villlaha nets ;-)

haaaallllliiii, haaaallllloooooo!

tua grod wieda on mein neichn kastl uma.
honi ma skype installiert. do konn ma mit leitn, de des aa hobn chatten. a freindin von mir wollt ma des jo schon long einredn, oba am oltn pezi wor des bis jetz witzlos.

grias eich!

heite wieda vom normaln computer. is ma daweil noch liaba, solong noch nit olles fertig ist am schläppi.

@ruflo: jo i maan, i werma aa de normale tastatur dazuasteckn, wenn i mehr tua. so gonz kumm i mit dem flochn zeigs aa nit klor. oda es is nur gewohnheit. mol schaugn.

@paolee: no, do hots deine mädls jo urdentlich dawischt. und des in de ferien/urlaub und nit amol daham. des i imma a schmorrn. schauts, dass schnöll wieda olle gsund werts, damits nuch a bissle wos hobts von deitschlond.

i genies meine freien tog und daas i nit in da orbeit sein muass. worn am vurmittog einkaafn und hiatzand wert a bissle geruht. donn wert ma schon wieda wos einfolln, wos i nuch kaafn gehn kennt ;-))

grias eich!

hiatzand stöllts eich amol vur, von wo i grod schreib?!?!?!?!?!?!

von mein neichn laptop - juuuuhuuuuuuuuu! hob jo xogt, des christkindl wor brav.
grod honi eahm amol auspockt und aufgidraht und muss doch sufurt ausprowian, ob der neie do mi zu eich losst ;-)
uuuuund, jawohl, tuat er......

so, jetzt muass i mi weitaspüln do und a bissale umschaugn, wos des klaane kastl do konn

bis späta......

;-))))))))))))))) des is holt da kuh. scheen miassn se nit sein de drindlen, oba guat kochn miassns kennen. mah kuh, du taugst ma.

i wer hiatzand aa schaugn, wos des mittogessn bringt ;-)

tua scheen baun, damitst wieda guat sitzn konnst vurm pezi. oje dei orma kota. wert schon wieda bold nochwochsn da pölz. muasst eahm holt hiatzand imma scheen worm holtn und guat zuadeckn, den ormen glotznschlumpf.

26.12.2007 12:05:
@paolee: dei klaane wert so an darmvirus dawischt hobn. honi aa a bissle ghobt. geht jo um zur zeit. hob von mehreren ghert daas de kinda brechdurchfoll hobn. und do host aa so an weißn belog auf da zungan. is eeh gscheit, wennst in de apothekn gehst. konnst glei nochfrogn, vülleicht wissn de wos.

an scheenen stefanietog!

jo, aa bei mir is weihnochtn guat iba de bihne gongen.
christindl wo aa brav :-)
gestan hob i olladings an schloftog einglegt. bin den gonzn tog bei meine öltan gwesn, hob obwechslnt fernsehgschaugt und gschlofn, de dosn mit de vanillekipferl neben mir stehn ghobt und vom christbaam owagnoscht. wie ols kind holt. des hob i ma gegöhnt. am obnd wor ma zwor schlecht von dem vüln siassn zeigs, oba egal ;-)

@paolee: i winsch dir und deinen dirndlen guate bessarung. hert sich jo nit so scheen on. hoffentlich seitz bold wieda gsund.

Meine Liabn!

I winsch eich ollen
a scheenes besinnliches Weihnochtsfest
im Kreise eira Liabn.

I bin so froh, dass i letztes Johr do zu eich auf de Seitn gfundn hob. AA wenn ma mia uns zum Teil nit persönlich kennen, hobts ihr mir schon sooft gholfn, mi zum lochn gibrocht und wieda so richtig aufgmuntert. Anfoch, weil imma irgendwer von eich do is und irgend aa liabes Wurt ibrig hot.
Dafir mecht i eich von gonzem Herzen donkscheen sogn.

I winsch eich vül Gesundheit und schick eich noch aa dickes fettes Weihnochtsbussale

eire Phoebe und ihr klaans Hasale

da kinofülm wor total liab. wor mehr a dokomentationsfülm. a klanes dirndle hot iba a zeit long an fuchs beobochtet, bis da fuchs donn vatraun zu ihr gwunnen hot. absolot liabe gschicht und so vül scheene aufnohmen von da natur. miassts eich aa onschaugn. kummt ob 27.12. ins kino. des heite wor sowos wie a vurpremiere.

vurhin hob i den baam schon fertig aufgstöllt und aufputzt. natirlich mit hülfe von an klaanen weißen pölzign ungeheia mit zwa longe uhrwaschln. wos des gonze glei noch a bissale länga dauan hot lossn, da i mehr am bodn ols am baam schaugn hob miassn. sowos von navös wia de wor.
hihi, und hiatzand sitzts drunta und vasuacht ständig aufe zum kummen. oba gott sei donk hob i den baam hoch genug am tischal stehn.
des wird noch wos gebn de näxtn tog, bis se sich dron gwähnt hot und ihr des olles wieda wurscht is.