Griaß eich ihr zwa bravn Nichtraucha! Find i ziemlich stork von eich, doss eich so zommenreißts damit ihr von de sch*** Tschik wegkummts. Holtets lei durch - mit da Zeit werd sicha leichta wern.
Schorfe Zuggalen sein a guate Idee - gscheida als die Schokoladevariante, weil von dera gehst lei ausanond.
Grau in grau in grau spülts in Spittal übrigns aa. Desholb wer i mi jez gen Feiaobnd vatschüssn - bis montog hots sich ausgeomtshondlt.
Wünsch eich an guatn Appetit ( - i hob von mein Kollegn a sölbagmochts Gulasch kriag, schoaf wie d'Höll, oba supa guat, des geh i jez schnabuliern)!
Bussale,
Larissa

No Burschn, wos hopsn gmampft? I hob a schnölle Mittogspausnbanane gessn und zwa Håfakeks drauf - vom IKEA. Man konn von degene Schwedn jo sogn wos man wüll, oba Keksln mochn kennans...!!!
Mei Schwesta hätt an Hund, en Anouk, an weißn Schäfa... - der hätt a murds Freid, wenn i ihn gachamol fia a Runde holn tatat, oba de wohnt in Maria Rain (nerdlich von Ferlach), und 40 Minutn Ånreise san ma anfoch zvül. Und fia an eigenen Wauwau hob i zwenig Zeit - der warat orm bei mir. Vielleicht späta amol, wenn i Kinda hob und daham bin!?
[Herts mei biologische Uhr tickn? - De holtet mi monchmol schon vom Schlofn ob ;-) ]

Kotz vakafnn, sölba mausn?
Des hob i glei in meine Jungs do weitagebn miassn - gfollt ma guat!
Ihr mit eire Keksausstecha-Einbrechabeißalan... - hob wegn eich mit de Vanüllekipfln ongfongen, weil i do nix ausstechn brauch, lei wutzln!
So so, ein Leihhund... - wie kummt ma denn zu so wos? Tat ich monchmol brauchn.
Dir aa a bsundas liabs Hallo-Bussl liaba Coolati!

Irgntwie hot sich da blaue Himml vatschüsst. Der is jetzt gleich blaach wia da Schnee auf die Berg.
Chrischtele, du host aa an Hund? Waaß i des lei nit, oda hob i des vaschlofn?

Gutn Morgen meine Hin- und Herrschoftn!
Also i glab, da Frounz hot sich echt an Ordn verdient! Volla Körpereinsotz - und des quasi für a Fremde!
I muass die Surfer jo nit unbedingt als Übadosis hobn, oba Meilnstein nuch weniga. De spüln jo jeds Johr es gleiche am Kirchtog - i waaß, de Leit wolln, des, oba wenn i do mittn im Gedränge steh, fühl i mi anfoch schon z'olt fia de Tanz!
Wünsch eich a scheens Tagl... - es Gmeineck is grod gonz rosa von de erstn Sunnenstrohln! Des kummt guat vurm blauen Himml!

Wahrscheinlich håt unsa Heipling sein Kumma dasaufn wolln, weils in so vül Leit nit passt, dåss a die Löwn ausn Wåppn gegn de EU-Sterndl aufmaschiern låsst...! - Des håt mi glei wieda ån des Gedicht erinnat, wås mi zu eich her gebråcht hat.
Bei uns is schon wieda gååånz vül blau! Nit in de Kneipn, sondan am Himml. Gråd recht fia an Montåg. Und hålba zwelfe is aa glei wieda! Wås gibtsn bei eich heit zum essn? I brauch nuch a Idee, wås i ma kochn kennt.
A bissl a Hupfarei tat ma aa nit schådn! War gscheida, als imma lei åns Fressn denkn...!
So, hez muass i wieda a bissl åmtshåndln...

Gutnmorgn! A bissl grau issa nuch, da Wochnbeginn, oba des werd schon. Wenn i ma so in da Fruah eire Fressareien von gestan onschau, donn fong mei Bauch so on zen knurrn, doss meine Buam im Büro glabm, es gwittat!
De Fotos vom Chrischtelen san a Wahnsinn - wundascheen zum Ånschaun, oba i bin froh, doss bei uns kaum a Schnee lieg.
Und da Founz hot beim Nik P echt on mi gedocht - find i gonz scheen liab von ihm! Bericht hota oba kaan obgliefat... - hoffntlich kummt des nuch. Womeglich wora mitn Herrn LH bei ana 99 Cent-Party in Spittal???
Tuats scheen einerutschn in de neie Wochn!
Bussl von mia

Ka Ångst, i geh heit auf ka Bruckn mehr! Hexns ins Bett. Und des SCHP-Wort daschpor i ma aa, weil es war jo lei schod um den guatn Glühwein.
Ma is des liab von dir Frounz - danke! Glei volle action bei mir daham - geht zur wie im Holiday in Spittal! Wennst es nexte mol zu so an Konzert gehst, sogst ma oba, donn geh i mit (und pass auf, dåss du kana Bruckn znåh kummst!).
Und dazöll morgn wie's wor!
Vül Spaß auf jedn Fåll! I wer jez mei haßes Weinderl ausschleppan, musikalisch vom Nik P unterstützt und noaha lei mehr mit wos zum Lesen in de Harpfn steign.
Wor a sehr scheena Nochmittog mit eich. Es Liacht loss i brennen - kummt jo sicha wieda wer!
Bis morgn Jungs und Mädls! Gute Nocht!

Frounz, bitte moch a Foto wennst fertig hergrichtet bist - dos mecht i ma gern onschaun!
Haleluja, i sog eich, i hätt nit Rum und Grand Manier dazuaschittn solln, und vielleicht a bissele mehr Früchtetee nehmen. Hob jez die erste Tassn intus, und de is mitsomtn Zucka direkt ins Hirn gschossn. I glab nit, doss i eich nuch long daholtn bleibm wer heit. Insgesomt hob i an dreiviertltn Lita gmocht - der muass weg. Und i wer donn zwar nit schp***, oba datippn wer i aa nix mehr!
Vül Spaß beim Nik - und bring ma a Autogrammkortn mit bitte!

Soll jo a Menge loswerdn beim Nik P. . Hätt der nit im Villacher Bierdepot auftretn sollen, und is jez bei da Goldeckhalle untn, weil sooo vül Leit kummen wolln. Maah, i tat ma den a gern onschaun. Is jo gonz mei Musik, da deitsche Schloga.
Mei Glühwein is fertig, nehmt's eich holt a Tassn, wer wüll! Die Wohnung riacht wie Weihnachtn, da Zimt und de Nelkn und da Rum und de Orantschn...!
PROST!

Genau Phoebe, hosts glei kapiert - supa! I glab, da Chef is schon wieda weg! Dafia tua i jo, was man mir sog - da Rotwein is schon offn, da Glühwein im Werden!

@Pheobe: Zusammenfassung:
Wenn man beim Schpeibm übers Brucknglanda follt, donn draht man sich, wenn man gleichzeitig an Fohrn losst. = Weisheit Nr. 1!
Keksausstechn tuat man mit an dreckign Gebiss, donn is di Form schen, die Keks san vaziert und die Zähn san sauber = Erkenntnis 2
Erdäpfl darf man nur ausschreibn, wenn se guat sein.
Und im Gegensotz zu de Manda do harin, sein wir Weibln ongeblich jung und fesch.
Ajo, nuch was: Stellungen gibs für Gärntna, Bären und Rentner!
hi hi hi... i hoff, i hob nix vagessen!?

wäh

He stimmp jo... dabei hob i nuch gor nit gecheckt, dåss ihr fia Gästebucheinträge sowås hops. Cool!
Tee kling guat. Des tat ma hez a grod passn. Nuch bessa warat a Glühwein, oba fia mi allan an mochn, zohlt sich nit aus. Also doch an Tee.
Håb gar nit gwusst, dass man sogor Englisch auf Karntarisch redn konn...!

@Coolati: Mein ERDÄPFELGULASCH is total lecker worn - hob jez zwa Tella voll vapuzt!
@Frounz: Danke! *rotwerd*