@coolati: wenn i holt ka lust hob, de erpfl ständig auszumschreibn. Und es essn geht gonz leicht nebmbei. Is eh nuch total haß es Essn.

17.11.2007 16:43:
Vielleicht is es oba a Endorphin-Gulasch? Mit ohne Schoko!?

@Frounz: DANKE! I håb - ånständig, wie i gelegntlich bin - glei zruckgschriebn.

Es ziag heit holt olle zuaba zum PeCe. I is mei E-Gulasch jo a nebnbei, damit i nur lei nix vasaam von eire weitabüldndn Weata...

Danke! Irgntwie werd ma do glått leichta, wennst ma die Åbsolution erteilst!

Bestimmt. Åba wenn i meine Netsch lei fia Schoklade vablos, dånn håt des an Haufn Nåchteile:
i wer fett
i bin auf mi sölba ångfressn
i håb ka Göld fia sunstige Sochn mehr......

Desholb gscheida aufhern, wenn's Sackl nuch nit so schwa zum Hamtrogn is! 600 Gramm hob i gestan und heit eh schon vaputzt. Was stått Glückshormone lei a schlechts Gwissn vaursåcht hot.

17.11.2007 16:15:
I brauchat aa an Hund, der mi gachamål vurs Haus lockt. Mei innara Schweinhund (i glab, Güntha haßta) is schon so lång stärka als i, dåss i ma schon åbgegwent håb, mi dagegn zu wern.

Beim Intaspar homse a supa Auswohl on Schoko-Endorphinen. Und glei vurha is a gonzes Schoko-Gscheft. Do hob i oba an weitn Bogn uma gmocht, weil sunst hätt i mei gonze Briaftoschn auslahn miassen, weil de sooo vül guate Sochn hom.

Åba dafia hobs ihr de Erfåhrung, die a junga Tuta erst amol daglongen muass...

Erdpflgulaschkex... des war a neie Morktlickn!
Na Ruflo, i wor gestern im ATRIO und hob ma um 14 Euro Schokolade gekaft. Hauptsächlich mit gone Hoslnussn. I glab, i brauch ane Glückshormone!
Vielleicht hot da Kemih-Laborira do ane altanativn Vurschleg, damit i de Schoko nit ständig als Fettschicht fian Winta auf mia umanondazahn muass. Oba wenn leicht geht, a Altanative, bei der i kan zweitn brauch ;-)

Is jo nit so schlimm, wenn's neama zuckt. Muass ma holt die Gärtnerstöllung mochn - vurs Loch legn und wortn bis er einwoxt.
uups - is des eh nit zwenig jugndfrei fia do harin?

@Frounz: Warum wernt de Hackl vom Vanillezucka weiß? Håb gedocht, des geht lei mit Båckpulva, wegn em Natron?

Also bsundas vül gschmackiga als de Schpeiberai-Diskussionen is die Vurstöllung von eire Keksausstecher-Variationen a nit.
I bleib wohl bessa bei da guatn oltn Methode, longweilig oba sauba! Do brauch i mi nit schenian, wenn i ane Kexln hergib. Is wia bei da Kocharei - i hobs anfoch gern ordntlich und sauba.
Apropos Kochn... - i hob heit nuch nix mitoggessen, oba mei Erdepflgulasch is glei fertig. Mit vül Braunschweiga drin. Wenn i nämlich erst jez iss, donn brauch i aufd'Nåcht nix mehr. Und bei de Unmengen on Schokolade, die i gestan und heit gfressn hob, muass i mi hez wieda einbremsn!

Maaa - in eire Weibalen gehts guat. I moch des nuch mit de gonz gewehnlichn Keksausstecha. Herzalan, Sterndln... - a longweilig auf die Daua! Oba i kennt ma jo amol an von eich Herzalan einlodn, damit i ma a neies Musta ausborgn konn!? Wie schaugtn des genau aus? Wern de Keksln donn schen vaziat aa nuch, oda bleibs bei gonz anfoche Buttakeks?
@Frounz: War jo fein, wenn sich die Monnsbülda zum Tonzn drahratn, oba gleichzeitig schpeibm und imma wieda an foan lossn??? - Da vagingat sogor mia die Tonzarei!

I håbs Guiness a schon gekostet; schmeckt ma nit - wås åba nix haßn wüll, weil i sowieso ka Bier måg, sondan liaba beim Wein und bei an guatn Schnapsl daham bin. Stimmp, de so supa-modernen 99-Cent-Parties ziagn de Hålbwüxign ån, wia a Kuaflådn de Fliagn. Und jeda schiabt die Schuld auf wenåndan, wenn man frågt, warum de Fråtzn heit so san. Die Gsöllschåft, die Schul, die Wirtsleit, da Stress, da Gruppnzwang... - i glab jå imma nuch, dåss då lediglich die Öltan ihre Hausaufgåbn nit måchn und sich zwenig um senan Nåchwux schern. Åba i wer de Wölt wohl aa nit daändan. Måch ma gscheida an Themenwexl: wia schaugs denn bei eich daham mit da Keksbåcharei aus? I glab, i wer heit ånfången... - wenn die Krampalan schon lafn, miassn aa ane Kex her!
@Ruflo: Donkschen - i steh voll auf deine einleichtenden Theorien!!! Also wenn i amol an sieg, der von ana Bruckn follt und sich draht, waß i, wos los is ;-)

17.11.2007 15:31:
@Coolati: Naa, des Ambros Liad kenn i - glab i - nit! Åba i kånn ma guat vurstölln, dåss der waß wovon a red! Wenn ma in so ånschaut... - håt sich wohl a efta mol gedocht "a holba Rausch is Göldvaschwendung"!

Håst eh recht - man(n) sollt jå wissn wånn man gnua håt. Åba gråd bei de jungan Buamen fahlt då gelegntlich des innare Stoppschüld. Mei Nichte is åchtzehne, und wenn de gachamål dazöllt, wås die gleichåltrign Beaschn so treibm... - wäh! Und die greßte Schånd is, dåss de Gitschnen a nix bessa sein! I waß, nit ålle, oba a gånza Platsch!

Griaß eich, ihr illustre Wochnendgsöllschåft!
Echt, in Spittal lafn de Krampalan schon umanond? Mia kummp vur, i håb irngtwo a Plakat gsegn, dåss heit schon a Perchtnlauf is. Dabei håmma außahålb da Krampuszeit eh aa gnua teppate Loafn ånzenschaun.
Coolati, gets dein Katzalen wieda bessa? Årms Viechl.
Waßt Ruflo, die Vierhaxetn sein meistns nit gånz so vül sölba schuld on da Schpeibarei wia die Zwafuaßatn. Åba fålls es di beruhigt, i håb mit die Månnsbülda aa Mitleid, wenn senen schlecht is. Håb a schon den an oda åndan festholtn miassn, wenn a üba a Brucknglanda gschiebm håt, damit a nit obefållt.
Du Ruflo, såg amål, du bist jå da Intellektuelle då harin - wenn ana beim Schpeibn auf da Bruckn obefollt, follt der donn schnölla und schpeib aufwerts? (Tschuldigung, i hoff, eia Essn is schon lång genua her!?) Die Såch mit da Relativitätstheorie is echt guat! Håb i ma glei gedenkt, dåss da Fredl aa lei a gwehnlichs Månnsbüld wår!