Hey, do harin xundets jo endlich wieda vur sich hin! Chrischtele, host guat gschlofn im eigenen Bett? Worst ee brav??? ;-)
Sog amol Phoebe, lieg de ewige Kopfwehhobarei angach on der Årt von Årbeit, de mia hom? I ärga mi nämlich a imma mit meim Sch*** Gnack und mein Scheedl umanond! Vielleicht sollt ma uns amol wos Scheenas onschaun, als imma lei des gleiche Büro?
Hoffentlich hot eia Tog a mit Foschingskropfn und Sekt ongfongen, so wie meina!? Und morgn zmittag gib's nuch an obligatorischn Heringsolot, donn konn die Fostnzeit kummen.
Winsch eich nuch an scheen Foschingsdienstog!
LEI LEI
PS/ Schaug von eich eintlich nuch aana den "Villacher Fasching" im ORF on?

Scheen gutn Morgn da gonzn Kronknstazion! I konn mi do perfekt eingliedan, weil mei Krieppe is zwor schon am ausklingen, hot mi oba mit hohem Fiaba fost zwaa Wochn ons Bett gfesslt. Unnitzes Kraafl, teppates! Wollt lei amol schaugn, ob's eich eh guat geht, oba offnsichtlich san die Schnupfnnosn weit vabreitet. Guate Bessarung ollaseits und a scheene Wochnteilung!

Seas Chrischtele!
Muass wohl am Fleiß liegn, weil für die senile Bettflucht san mia zwa wohl eindeitig zjung! ;-)
Låss di nit nervn! De Post-Fejatågs-Ångfressn-Seiarei is recht vabreitet zur Zeit! Legt sich ålls wieda und sölbst die greßtn Zwidawurzn wern wieda normal im Schedl! (I weiga mi, die Hoffnung aufzgeben!)
Also Kopf hoch und scheen ån die sölba denkn!!! Die Frühlingsgefühle kummen bestimmt båld!

Scheen gutn Morgn!
He Phoebe, i håb ma gedåcht, wenn du heit nit årbeitn gehst, geh hålt i wieda amål ins Büro. Damit da effntliche Dienst scheen ausgeglichn bleibt ;-)
Håb heit gedåch mi trifft da Schlåg, wo mittn in da Nåcht so a komisches Gereisch im Schlåfzimma losgång is - dabei håb i lei mein Wecka neama dakånnt!
Åba wenn quasi da Montåg auf an Freitåg fållt, dånn werd er schon zum dapackn sein, glab i! Zumindest da Kaffee då im Büro is ma woltan åbgången!
Årma Ruflo, hoffntlich rapariern se da deine Beißalen. Is jå imma lei a Gfrett, wenns um de Zent geht.
Vielleicht solltest doch auf's Haggis umsteign, hi hi hi, weil des scheint ma a ziemlich waaha Gatsch zum wern, wenns fertig is!?
Oda... i håb då amål von ana Dieet ghert, då schmeißt man sei gånzes Essn mitsåmtn dazuagherign Trinkn in Mixa und schliaft des noacha... - warat aa a Meglichkeit. Zumindest, fålls se di heit nit wieder gscheit herrichten!
So, jetzt werd amål a bissl gschepft, damit i wieda in Übung kumm.
Eich an scheen Tåg - Wetta sieg i nuch kans, is lei finsta draußn.
Bussale!

Danke fir des Rezept!
I tat jo glott amol kostn, wenns wer isst, oba aus Vasuchszweckn kochn...??? Liaba nit!
I mog zwor Maischalen und saure Nierndln und grestete Leba, oba Beischl und so, des muass nit unbedingt sein. Es war jo vielleicht an Vasuch wert, oba... - so recht glustn tuats mi nit.
Ka Ångst Wuhte, i schimpf nit drüber, åba a bissl Skepsis muasst ma lossn!
Bei de Hailender? Do wår i zwa Mål. Heia (voll umsunst do untn in der ungmiatlichn Schleppekurvn), und vor 2 Jåhr. Mit meine Villaha Faiafaita. Wissts eh, mia Weibaleit hom gelegentlich a Schwäche fia Faiawehrleit ;-)
Wünsch eich noch an nettn Nochmittog und schick gånz liabe Gedankn zum Coolati (dabei is der hez so gleim bei mir daham, dåss er mi wahrscheinlich hern tat, wenn i laut vom Balkon ume ruaf noch Wårmbåd!).
Bussale,
Larissa

Griaß eich im nejen Johr!
Ma hob i mi üban Wuhte sei Video gfreit!!! - Hob jo gor ka Vurstöllung ghob, wos des fer ana is, oba der is jo echt liab!
I hoff, ihr seids olle meglichst sonft grutscht und hobs heit nit oll zvül Schedlweh?
I wor ja a gonz a fauls Mistele und bin aufd'nocht im mittn Tschecharantnstadl schlofn gong. Is oba trotzdem heja worn!
Wünsch eich an supa entsponntn Fejatog, vül Xundheit, Glick und Erfolg im hezigen Johr und doss ihr oll eire Vursetz schen durchbrings!
Neijohrs-Bussale,
Larissa

PS/ Ruflo, wos isn "Häggis"???

An scheenen gutn Weihnåchtsvurmittåg!
I mecht mi entschuldign, dåss i jez so lång vaschwundn wår, und mi fir de gånzn liabm Mehls bedånkn, de ihr ma gschickt håbts!

I wünsch eich ållen an wundascheenen Heilign Åbnd, a braves Christkindl und möglichst vül Harmonie und Gmiatlich- und Besinnlichkeit!

Weil mi a Gedichtl zu eich do eina gebråcht håt, mecht i eich heit a Gedichtl zruckschenkn:

~~~~~~~~~~~~~~~~~~~~~~~~~~~~
Es wår amål

Es wår amål - da Berg darzöhlt's -
auf da Wölt so wunderschean,
då håbm se noch des heil'ge Kind
gsegn üban Horscht hergean.

A Engl håt eam sei Latern
in Liab vurån getrågn,
und nindascht wo se gången sein
håt wo a Hund ångschlågn.

De Bam wårn a gånz meislstüll,
ka Astle håt sich g'riaht,
es wår amål so wunderschean,
i hon des noch verspürt.

Und heit, a Gschra und a Getua
und lauta fålsches Liacht,
so dåss lei seltn mehr a Mesch
des heil'ge Kind dasiacht!

~~~~~~~~~~~~~~~~~~~~~~~~~~~~

Ålles Liabe und Guate eich ålln &
von Herzn FROHE WEIHNÅCHTN!

Seas Ruflo!
Bist zwår vielleicht ka Poppa mehr, åba dafia kennst sicha an Platsch scheene Gedichte! Wennst a påår Glühwein oda -most intus håst, fållatn da vielleicht nuch a påår mehr ein!?
Wås riachstn du fern Advent? Meine Keks sein daham, de Puntschschtandln hom nuch nit offn... - und då im Büro riachts lei noch Årbeit! Und beim Fensta ause hålt i mei Nasale heit nit, weil sunst dafrierts lei. Håb hei schon aufpassn miassn, dåss meine Finga nit am Koffaraumdeckl festgfroan sein.
Wünsch eich trotz da Költn an scheen Babsi-Tåg!
Du Ruflo, wie isn des, wenn i heit Kirschastalan einfrisch und de bis Weihnachtn es bliahn ånfången, hast dås dånn nit, dåss es nexts Jåhr a Hochzeit in da Familie gib?

Gutn Morgn ållaseits, oda eigntlich schon an scheen Vurmittåg!

@Chrischtele: a von mir ålls Liabe und Guate, tua scheen brav und xund bleibm, und vor ållm gscheit feian und so richtig de Sau ausa låssn!!! Waßt eh, so jung wie heit bist nie mehr ;-)

Wettabericht aus da Liesastådt: grau, nåss, finsta und ungmiatlich!
Åba mit so vül Sunn im Herzn werma de Wochn a dapåckn, ga?

Dezemba-Bussl,
i

Nå wenn mans so sig...! I låssn Fernsea jez doch im Hintagrund laafn. Auf SWR laft da "Fröhliche Weinberg", des is zwår ka Programm fia a Mädl unta.... 60 ;-) , oba i steh a bissl aufn Modarator. Marc Marshall von Marshall&Alexander. De zwa hob i schon zwa mol in Finknstan ongschaut - total scheen!
Wer a imma nuch do harin umagurkt - auf's Liachtausscholtn nit vagessn! Hobts hez nämlich a påår mol brennen glossn!

hi hi hi... anal phabetn ... grausåm, wås a bissl vaändate Ausspråch ausmåcht. Weil då harin åba a nit vül mehr los is als im ORF, wer i ma wieda a gscheit spånnends Buach holn und bequem auf da Kautsch kuschln, mit meim Lieblingshundelen - der is aus Stoff und haßt "Muffles" (sprich: Maffls). Mit meine siemezwanzg bin i nämlich schon ålt gnua, um dazua zum Stehn, dåss i a Stoffviech mit ins Bett nimm! Auf den is wenixns Valåss!
Wås a imma ihr treibs, i wünsch eich an scheen Åbnd!
Bussale, Larissa

Wås schreib da Ruflo? <"...kennguruch oda wia de degenen peitltiere haaßn, de wo hupfm tuamt...">
Unsa umahupfndes Peitltier då harin haßt doch Coolati, oda???
Naa, i bin nit schon wieda rauschig! - A bissl ibamitig vielleicht...!
Scheens weitaårbeitn Fibi - und tua schaugn, dåss"d nit dafrierst!

Seas Ruflo und gutn Morgn ihr åndern!
Nå, bist eh nix dafrorn draußn? Ziagst da Sally aa ane Patschalen ån, damit die Pfotn nit eingfriern? Oda braucht se ihre Spikes wegn da Bodnhåftung.
Heit is bei uns harobm aa wieda scheen sunnig - oba vaflixt kålt! Måcht nix - des håltet frisch und knackig...!
Heit wieda nüchtan - eia Larissale

Haleluja - i wor jez unsan Christkindlmorkt einweihn - zwa Glühwein, vurha nix gessn - is sog eich, i glab, i fohr heit stoot mitn Auto mitn Fliega ham!
Waßt Ruflo, i denk ma do gor nix, bei unsare Politika, weil mir frogn se eh nit, wos i man, sondan se mochn, zu wos se Lust hom. Is jo eh lei a großes Kaschpaltheater do in Klognfurt - nix bessa als in Wien.
Irgntwonn hob i amol gedocht, i probier mi do auskennen... - oba des is nix wurn. De schaun olle lei auf die eigene Briaftoschn. Und ob da Erzherzog jez spricht, oda des rote Trampele oda da schworze... wie-haßt-a-ibahaup, i gib ma des imma als Märchen zur Gute-Nocht-Gschicht.
I bin xunt, i mog mei Årbeit, i wer wohl ewig aufn Lottosexa wortn... - wos wüll man mehr??
Scheen Nåchmittåg wünscht eich eia Rauschkugele!

Scheen guatn Vurmittog meine Herrn und Damen!
Wo is'n da blaue Himml hin? Spittal is schon gonz in da Finstanis vaschwundn, und da Wind blost, als kriagat er dafia gezohlt!
Werd jo nit doch amol da Schnee daherkummen, oda doch?
Getseichehguat??? Sein olle xund do harin? Is kana von de losglossenen Löwn vom Patriotntreffn gfressn worn ;-)
Bussl aus Spittal