Schande über mein Haupt, den Septemba honi gonz vanochlässigt und wor nit do nei eich.
Oba wia ma siggt, honi eich wem mitgebrocht ;)
Grias di Beisserle 😃😃😃😎😎😎

Gez eich olln wohl guat?
Da Summa is umma, tat da Kuhlee sogn und fest jamman, daas eahm zkolt is.
Oba des wert i hoatzand fir eahm ibanehmen, weil i gfrier mir den Orsch ob, obwohl heite de Sunn so scheen scheint.

Pfeiferle!!! Grias diii!!
Wastele, scheene Gedichtle host wieda gschriebn.
Sogor da Z'nix hot sich iba poor mehr Wort driba gitraut. Jo sehr guat. Weita so!!

Martin: i gfrei mi so fir di, daas du den Sauhhund den bleedn guat besiegt host!!!

 Grias eich, meine Liabn!!!
I schaam mi eh total. Wori doch schon so long neama do herin.
Oba irgendwia hot sichs imma vaschobn und vaschobn.
Im Biro nit de Zeit und daham donn irgenwia aa nit.
In da Zwischnzeit honi a Wochn an Obstecha noch Obaösterreich zu ana Freindin gmocht. De hot Zwülling kriagt.
Davur honi vül mit mein Knack zum tuan ghobt und nit so gonz den Kopf firs Schreibn.

Und hiatzand muss i mi noch schnöll von eich vaobschiedn, weil in a poor Stund geht da Fliaga noch Zypern. Ayia Napa on den scheenen Nissi Beach.
Koffa send gipockt und i schon mächtig nervös :)

Vagessts mi nit in da Zwischnzeit!!!

Dix Bussaleee.......

Grias eich meine Liabn!

Stimmt, Pfeiferle, da Freitag is mei Lieblingstog. Dafir mog i den Montog umso weniga ;-)
Bin i froh, daas der bold um is.
Wochnend wor gonz nett. Wieda a bissle furt gwesn mit Freindn und im Bod wori aa. Dafir is heite kaa Bodewetta. Mocht nix, muass eh hackln.

Winsch eich an scheenen Wochnstart!!!!

An guatn Wochnstart winsch i eich!!!!

Grias eich!

Pfeiferle, wos soll i? Poetisch sein?? Ah geh, des konn i nit. Mei Papa hot amol zu mir xogt, wia i ols Kind gmaant hob, er soll a poor Satzln dichtn, na, na, Pipi, i bin kaa Dichta. Und donn hota noch irgendwos gredet vom Finga im ..... und dos des aa dichtn tat!!
Oba so gonz genau wüll i des nit beschreibn ;-)

Wenn ma wos untakummt, wos Poetisches, donn weri da des schickn. Oba im Moment herrscht eha gähnende Leere in meina Birn :D

2 Tog honi mas guat gehen und de Sunn auf mein Bauch scheinen lossn. Wori nix orbeitn und hobn ma Urlaub gnummen ghobt. Heit sitz i wieda mei Zeit ob do im Büro. Is olladings eh lei grau und regnet.
Irgendwia wert des nix heia mit an scheenen Summa.

I winsch eich a scheenes und erholsomes Wochnend.

Dix Bussaleeee....

Grias eich, meine Liabn!

Wochende guat ibastondn. Heite konns wieda munta weitagehn in da Orbeit. Wobei, der erste Tog is aa glei um. Gott sei Donk. Fölln lei mehr 4.

Hihihihi, hiatzand is voll de poetische Welle ausgebrochn. Gfollt ma. Tuats lei weita so. Damit ma vül zum Lochn hobn. De Leben is sowieso vül zu ernst.

Winsch eich wos Liabes!!!

"Es regnet, es regnet, es regnet seinen Lauf.
Und wenn sie alle ersoffen sind, dann hört es wieder auf!"

Mah bitte, es schittet seit gestern am Obnd durch. Zerst is Olles trockn und hiatzand waaßt nit wohin, mitn Wossa.
Hallo do obn, es reicht wieda!!!
Kolt is aussadem!! Brrrrr...

Winsch eich an scheenen Tog!
I hob heit wieda Schulung :/ *gääähn*

Nix mehr mit Bodewetta bei uns. Seit Freitog is schiach und kolt. Ma hätt eha des Gfühl, es ist Herbst. I dafong mir schon gor neama vur kolt.

Inslfest wori trotzdem. Mit da Wintajackn :D

Grias eich meine Liabn!

Tschuldigts, dos i nit herin wor, oba i wor zum ananen a poor Tog nit so gonz beinaond und donn reissts do in da Orbeit aa ziemlich wüld uma. Voll da Stress und vül zvül "wichtige" Orbeitskollegn. A geh, des solln mi olle mol...

Jo supa, Pfeiferle, host eahm olso wieda ghobt, dein Lucky-Day. Gfreit mi fir di.
Jo, jo, i gehe wohl schon aa ins Fitnesscenta. Wenn i nit glei vagiss, oda vaschlof, oda sunst nix bessares zum Tuan hob, oda liaba auf a Eis geh oda dreie, oda mi anfaoch lei faul in de Sunn leg :D
Des wos i tuan solltet, des moch i leida eh nit. Drum los di nit teischn, von a poor Büldlen ;-)

Wastele, is und bleibt holt unsa Poet. Do gfreit ma sich imma, wos neies liabs zum Lesn.

Jo z nix, supa, wennst a bissle umakummst und Ausflüge mochst.

Hiatzand noch an liabn Gruaß doglossn fir eich und dem Martin und scho geht's weita mit orbeitn.....

Scheen wora, da Kurzurlaub in der Sankt Eiermark. Olles wor dabei, vom Sonnenschein bis hin zum Hogelregn und Vamurungen. A richtiga Obenteiaurlaub sozusogn ;-)

Winsch eich a scheene neie Wochn!!

Guatn Morgn!!

Mah, da orma Heischreck :D
Donkscheen, schon firs Lochn in olla frih!!

Winsch eich an scheenen und entsponntn Tog!!

Jo grias eich, meine Kinda!

Hobts des Wochnend wohl guat vabrocht, ha?

I schon. Lei Sunn und scheen worm. Am Somstog hob i mit meine Mama an klaan Ausflog gmocht. Uma ölfe obgholt von daham, donn in da Sunn umagwondat in Oberlaa in dem großn Park, scheen essn gwesn glei durt und donn noch a bissle in da Wiesn umagekugelt und entsponnt. Bis am Obend honi se umagezaaht, de Orme. Oba donn wor se schon ko von da Hitz. Wor ihrn donn doch a bissl zvül.

I wor gestan sogor im Bod und hob ma a bissle an Sunnenbrond gholt. Honi mi holt nix eingeschmiert, ich Depp ich.

Long dauat se nit, de Wochn fir mi. Lei mehr murgn, donn geht ob in de Steiamork bis Sunntog.
I gfrei mi schon.

Wert a Gewitta kummen oda nit??
ha?
Wos glaabts ihr?
Do ziagts so komisch uma do am Himml. Ma waaß nit so gonz, ob ma wos im Freien wagen soll. I wort holt noch a Stund, donn sigg i eh...

Jo, so a Wochnbeginn mit an Gedichtle vom Wastale und an liabn Witz vom Pfeiferle, und schon rennt se lei so dahin.
Und schon is se a bold wieda um und des WE steht vur da Tir. Guat so.
Schulungen und vül zum tun in da Orbeit, des schlacht gonz scheen.
Oba nächste Wochn gibt's donn wieda a poor Tog Erholunng. Do geht's ob in de Steiamork zum Wellnessn.

Winsch eich noch an scheenen restlichn Mittwoch,

dix Bussaleee.....

 Der ane Thronfolga heiratet heite, a ondara wert getauft.
Des konn jo lei a scheenes Wochnend werdn.

I winsch es eich jednfolls!!!