Brrrrrrrrrrrrrrr........
So kolt is.
Und es regnet schon seit i aufgstondn bin.
Na, des is nit meins....

An scheenen Dienstog winsch i eich...

Grias eich!!

Donkscheen Wastale, fir des neie Gedichtle. Du bist wirklich a "Pöt" ;-)

@znix: jo, do host wohl recht. Sowos derf ma nit untaschätzn. Sölbst a poor m2 Wiesn, gebn schon Orbeit. Do is des Haus noch gor nit ongriffn.

Nix is heite mit Sunnenschein und wormen Wetta. Bleed umaziagn tuats und im Wind sogor recht frisch.
Ma merkt, de Eisheilign stehn vur da Tir.

A scheenes Wochenende fir eich olle!!!

 An scheenen guatn Morgn in de liabe Runde!

Feiatog homa Leitln. Ausschlofn wor onxogt. Olladings seima aa spät hamkummen und i bin derwegen noch voll miad.

A geh Wastale, goschat sein ghert dazua. Des is schon guat so.
Und wos des Heisle betrifft, du bist jo nit da Anzige, der des xogt hot. Homse jo olle so gmaant. Is zteia, hondl obe!! 😂

Geld regiert die Welt, des is holt a so!

Oba i hob vurhin schon wieda wos neies entdeckt. A durt in der Onloge. Nau, werma uns holt des aa onschaugn.
Is olladings vom ongsetztn Preis glei noch teira.
Oba a de dopplte Größe.

Vlt is jo do noch wos mit Hondln drin 😂😂😂😂

Pfeiferle,  loss da guat schmeckn, deine Fischalan!!! 🍽

Jo Martin, dos gfreit mi, daas du wieda daham bist und es dir bessa geht. LG on dei Barbara!!

Bussaleeee...

Guatn Morgn, meine Liabn!

Jo Pfeiferle, is holt a so. Meine Vurstöllungen passn holt nit zommen mit dem, wos Realität is hahahahaaa...
Wer waaß, fir wos es guat is. Ma sogt jo imma, hot olles sein Grund. vlt hätt is jo in 3 Monat bereut....
I bin holt leida imma vül zu schnöl fir wos zum begeistern und donn leida aa glei entteischt, onstott wos neutral zu betrochtn ;-)

@Wastale: Sog lei, es passt schon Olles!! Du host jo nix folsches gmocht!!!

 Grias eich!!!

Aus da Traum vom klaanen Heisle.
De ondaren greifn tiafa in de Göldtoschn 😣😥

Bin total entteischt!!!

Aa, unsa Frounz is ausm Wintaschlof dawocht!!!
Juhuuuuu!!!!

08.05.2018 16:12:
Pfeiferle, hihihi, host di doch gitraut, den Reim zum schreibm.

Passt schon so!!

 

Mah, i hau mi ob. Des Gedichtl is a Hit, Wastale.

Joooo, Pfeiferle, so. Trau di lei!!
I bin schon gsponnt!!!

Freitogsgrüße fir eich, meine Liabn!

Des wor aa wochn, i sogs eich. So ummahondln wegn so an Heisl is schon irgendwia Nervenbelostend. Onbot obgeben...wortn...hoffn...na, is senen zwenig.
Neies Onbot obgeben, wortn, wieda Daamdruckn und hoffn, onruaf, na, se lossn sich fir de Entscheidung noch a poor Tog Zeit, weil a ondara aa a Onbot legn wert und des wolln se noch obwortn...guat, tua ma weitawortn und hiatzand a hoffn, dass da ondare noch niedrigere Preisvurstellungen hot fir an Hauskauf ols i :D

Wenn dos so weitageht, los is glei wieda bleibn und geh weitahin ins Öffentlihe Strondbod haahahahaaa...
Weil mehr Aufregung holt i nit aus!

@Martin: I gfrei mi so fir di, daas amol Olles guat gongen is. Hiatzand konns jo lei bergauf gehen!!

@Wastele: A wia is des mit de Pferd und de Fräsch?? :-D Mochst a gach dem Z'nix Konkurrenz hihihi

@Pfeiferle: Werst wohl echt an ondaren Tog ausprobiern miassn. Vlt wert des zu dein Glickstog!!

So, i winsch eich wos scheenes.

 Grias eich und a scheens Wochnend winsch i eich!!!!

Hmmmm, ob da z'nix eppa a Vampir is?
Weil ondares konn i nit eineinterpredieren 😆
I steh total on. Bin wohrscheinlich zbleed dazua.

I hob ma am Montag frei gnummen. Hiatzand is l8nges Wochnend onxogt. Sehr fein.
Heite honi ma a klasnes Heiserle ongschaugt. Glei am Ronde von Wien. Mit Seezugong. Des warat schon wos. Hiatzand muass holt noch a bissale vahondelt werdn mitn Preis.
Bin total aufgeregt. Ob des wos wird????

So, mochts es guat....winsch eich wos

 Grias eich, meine Liabn!

No, wos sogts wor des a Traumwettale on dem Wochnend!?
Ausflüge homa gmocht und vül gsegn.
Heldenberg am Somstog. Carnuntum am Sunntog. Und nix aussa Sunne. Mah, wia Urlaub. So scheen!
Oba nutzt nix, de Wochn wert aa vagehn und des nächste Wochnend wert wieda scheen. Inkl. Fenstatog. Honi ma heite schon eingitrogn, dass i den freihobn wüll. So gibts a scheens longes Wochnend.
Hiatzan muss uns lei mehr wos einfolln, wos ma damit mochn.

@Martin: Olles, olles Guateeee!!!! I druck fest olle Daam!!!!

Mah Pfeiferle, des Bideo wor jo echt schlimm. So eisig wors echt bei eich??
Na, do kumm i liaba nit tum Essn. Sonst rutsch i gach aus 😂

Wastele, ohe, Fisch tatst da winschn?
Ui, do muass i donn on an ondaren Tog zum Pfeiferle essn gehn, ols du. Weil wenn i Fisch is, donn lei Fischstäbchen  😅😂

So, donn schlofts recht guat, 
I drah amol des Liacht ob.
*knips*

 Grias eich!
A'Wetta is supa scheen. Lei hob i nit vül davon.
Kopfweh is schon bessa oba des Knack und mei Holba Ruckn is steif und total vasponnt. Im Orm a dicke Entzündung. Olles tuat ma weh.
Olt sollst nit wern...
Am Freitog honi a MRT. Donn schaugns wieda mol, wos sich so giton hot mit Athrosen und Spondilosn. Olles holt, wos ma nit brauchn konn.
Werd hoffentlich nit mehr wurdn sein, ols des letzte Mol.
Oba wos solls. Solong i noch allan gehn konn, passt des schon 😉

Sodale, hiatzand geh i gach in da Kuchl umariahn. Da Broccoli wortet schon...

@Wastele: Donkscheen, fir des liabe Gefichtle!

@Pfeiferle: Werst gach amol do gerziagn. Donn kennt i mi bei dir zum Essn einlodn 😂😂🍽🍽

 An scheenen Wochnstart fir eich olle!

Jo, bei uns is heite aa lei grau. Oba nix kolt. Bisdl drahn tuts mi und i hob Schädlweh. Oba des wert wohl lei des Wetta sein.

@Martin: i druck schon amol hiatzend olle Daam fir nächste Wochn!!!
Du pockst des!!!!!

 Grias eich meine Liabn!!!
Hiatzand honi grod gmerkt, dass mei letzta Eintrog do gor nit abgspeichert is. Honi eich fest gschriebn ghobt und hiatzand steht gor nix von vur poor Tog.

Na wurscht. I hoff, heite gehts.

Mah, wos sogts, es ist endlich worm. I bin soooo glicklich!!!!
Mia homa heite an klaan Ausflug noch Ungarn gmocht. Sopron. Is lei a Stund mitn Auto von Wien entfernt. Durtn a bissl umaspaziert, gmiatlich gfrühstückt, bissale geshoppt und am späteren Nochmittog in an liabn Lokal im Frein in da Sunn gsessn und wos gscheits guts gessn.
Vur ana Stund erst hamkunmen.
So losst sichs leben!
Murgn werma Orth an der Donau bissl obwondan. Soll jo murgn aa nich scheen sonnig werdn.

@Wastale: Mah, i bin grod glegn vur Lochn mit dein Sotz: Translation for Pfeiferle..... i hob glaabt i ...... mi on 😃😆😂
Der Reim is aa wieda a Wohnsinn! :D

I find des so supa, dass do herin wieder bissl Wind waaht. So liab und lustig. Fost schon wieda wia Friaha, gel Pfeiferle. Da Ruflo wert mitlesn und eahm wirds taugn. Und a poor Witz fir unsan Coolati sein aa mit dabei.

Martin: Jo danke, da Bea gehts recht gut. Sie is fest untawex in da Natur. Heit wor sie eh schon wieda fleissig am Fotografiern. Hob ma grod ihre Büldlen ongschaugt, dies vurhin auf Facebook einigeton hot. Vom Phönixteich auf da Donauinsel.
Apropos: Pfeiferle, des Inselfest is wieda Ende Juni. Weri siha umegehn, wenn des Wetter donn passt.

Sadale, a dix Bussale fir eich und eire Liabn.
Genießts den Obnd!!!!

Grias eich!

Freitog is. Korfreitog um genau zu sein. Tuats eh olle brav auf Fleisch vazichtn und lei amol am Tog essn?? ;-)
Wenixt amol im Johr :D

Unsa Coolati hätt gestan wieda scheen gjammat, wegen dem greanen Zeig am Tölla hahahaha
I hobs brav gessn!

@Pfeiferle: Jo, do host recht. Oba i sigg se trotzdem so gern, de liabn klaan Hasalan. Und schau senen zua, wia se hopsn.
Mei persönliha Ostahos, is sowiaso gonz tiaf in mein Herzn drin und unvagessn.

@Wastale: Ah auf Facebook host gschaugt, bei da Bea. Jo, mia zwa sein imma wieda untawegs. Und i muass ihr imma ols Motiv dienen. Wenns nit grod Vogalan und Käfalan vur de Linsn kriagt :D
Jo donn schick ma a Freindschoftsonfrog, kenn ma durt aa a bissle ratschn. I waas jo nit, wia du durt haaßt.

@Z'nix: Werst oba schon noch trotzdem aniges untanehman. Ah, im Summa werst schon wieda a bissle grülln kennen. Is jo bold wieda scheenes Wetta. Oda lodest uns olle ein und mia kummen zu dir hahahaha...
do tatest schaugn!!

@Martin, liabe Griass on die Barbara. I hoff dir geht's guat so holbwegs?

Mah Kinda, des wert eh a Osterfest werdn. Saukolt is noch bei uns. Guat, dass i kaane eia vasteckn muass. Mir tatn de Finga obfriern.

Gestan wor i schon fleissig. Honi aufd Nocht schon 2 Ostahaslen gebockn, fir zwa Freindinnen.

Und i maan, i muass fir uns daham aa noch ans bockn. Geht jo nit, dos lei de ondaren fressn hihihihihi

Oba bevur i des ongeh, muss i noch den Birotog obebiagn. Long hob i heit eh nit.

Bild einfügen:

Pfeiferle, i hob kaa Ohnung, wia des geht. Der Anzige, der des beherrscht hot, wor unsa Ruflo. I klick lei bleed auf des Zeichen fir Bilda einfügen, oba i wissat nit, wos i durt fir a "URL" eineschreiben soll. Lei mit rechta Maustastn und einfügen geht do leida nix.

Grias eich!

Joooo, und wia i mi gfrei. Freitog is juuhuuuuuu...
Leida spült des wetta imma nochnit mit, damit ma des Wochenend so richtig scheen draussn geniesen kennt.
Oba frei is frei und bessa ols orbeitn.

An Tog honi de Wochn eh schon frei ghobt. Hob ma am Dienstog an Urlaubstog gnummen ghobt. Am Vurtog wor a Geburtstogsfeia. Do hätt i liab ausgschaugt in da Orbeit am nächsten Tog :D
So honi ausgschlofn und glei bissl wos erledigt daham.

@Wastale: Wesholb bis fost vom Sessl gkippt um Gotts wülln?? Host da eh nit weh getan??

@Pfeiferle: Wia wors gestan? Worst wieda? Glick auf deina Seitn gwesn?
Tua da nix on, gonz klor is mir aa nit, von wos da znix do schreibt! :D

@znix: Dazöhl amol a bissle von dir. Vül wiss ma jo nit von dir. Eigentlich gor nix. Damit ma wissen, wos ma da schreiben kennen und dazöhln.
Wia olt bist, woher kummst? Wos tuast gern? Aussa Zwetschkenkrampus essn? ;-)