eeeeeeeey! griaaaaßeich, da olte wuhte is wieda dååååå!!!

ma, i sågs eich, i bin von olls wåhnsinnige umgebn! de hund (meine schefffs) schickn mi 3 wochn (!) oba sowås von auf ax, dass i ma vurher nit amål gscheit a zåhnbiaschtl håb einpåckn kennan! und des ärgste drån: durt, wo i woa, gibts nit amål a intanetz, weil ultra-turbo-hochsichaheit und so. i kennt eich genau dazöhln, wo i woa und wås i durt gmåcht håb, oba dånn miassat i eich leida olle daschiassn, weil des is geheim wie die socknfoab vom påpst.

und heite, i wieda im biero, sieg, dass des villacher.net nit geht!! weil wieda irgendane tuscha durtn mit'm bagga gebuddlt håm, wo se nit solln: bei de intanetkabl! jetz' geht oba wieda, håb i gsegn... so a segn!

wie gehts eich ollezåm? olls im grianan bereich? i håb jetzt amål ca. 1527 mails zum beåntwurtn und den rest, der wås sich auf mein schreibtisch bis untan plafon türmt, den... oabeit i nix auf, den schmeiss i anfåch weg. i klaub's oba vurher amål aus, vielleicht is jå a göld oda a liabesbriaf fir mi irgendwo dazwischn drin ;)

i hoff, i kumm wieda a bissle mehr zum schreibn, obwohl... näxte wochn geht schon wieda los bei mir, da stress mit da ****** (derf i nit sogn, maaaa, so geheiiiiim ;-)

pfiateich, an schenen tåg und nix onstölln ;)
da wuhte

dånkda, wåldschneck! i bin schon auf meine knia ummagruschlt und håb gebetet... håt tåtsächlich funktioniert! jetzt suacht mi olladings die polente - deswegn bin i schon wieda am hupfa *G*

na, schmäh ohne, meine scheff san gråd a bissale nawees, weil se die gånze firma umstrukturiern tuan. des is bei 650 leit ka lärchale - då kennan schon amål die nervn blank liegn. oba i vasteck mi - gånz nåch ruflo sein vurbüld - so lång untam gulta und låss di fetzn iba mir dahin saussn. lei schen schtüll sein!

in dem sinn: pppppscht! gånz leise: pfiateich!

He, griass eich, da "Scheffe" is wieda amål im Lånd!
Tschuldign, is namal jå nit mei oat, so ohne entschuldigung obzischn, oba diesmål woa anfåch a Chaos pur. Håbts schon geglabt, i bin mit'm Chrischtele in Südn obposcht? Nix då (leida)! I woa schepfn bis zum umkippn und a bissle mit Bama und Stana ummaschmeissn. Oba sunst olls fesch.
Bin i eich eh nit obgången, wie i sig. Da Schneck vom Wåld vatritt mi eh perfekto ;) Dånkschen!
So. Jetzt muass i wieda... bevur mei Scheff (da Scheff vom Scheff) ibahaupt niama zum brülln aufheat.
Pfiateich!
da Wuhte

aufstehn, es vaschlåfenen!
jå, kuhflattling, des mit da fliagarei is a graus. zerst 2 1/2 stund nåch londonien, dånn 21 stund nåch australienien. in singapur måcht da vogl a zwischnlåndung. zum tankn und fir die raucha. a glick, dass i mit da tschickarei vur 5 johr aufgheat håb - endgültig.

an schenen tåg eich olle! geniessts ihn, ob murgn is eh wieda schiach!
da wuhte

siesta? gääh. an stress dass die hölfte a gnua warat. i zamindest. und die ondan woascheinlich a.
da ruflo muass auf sein gulta aufpassn, s chrischtele foahrt mit'm woldschneck a runde fichtnmoped, des evale schleppt baukibl und malte und's andyle fångt murgn wieda mit da schul ån.
also, nix siesta wås ma mir då håm!

pfiati!

sers coolatling!
des autfit is lei des sölbe gebliebn. oba i håb jetzt so gmåcht, dass wenn jemånd zum zweitn, drittn mål hintareinånda ein g-buach eintråch måcht, so wert nit jedesmål a neicha erstöllt, sondan zum letztn dazuagschriebn. des is dånn leichta zum lesn fia die ondan.

stört eh nit, oda?
pfiati!

griaßeich leitln!
I bin total fix und foxi von dera wochn. de hitz is jo nit namal im novemba! es wert eh zeit dass wieda amål ånständig regnt, is eh olls so trockn ;)
wos treibts denn am wochnend? is wås ångsågt?

pfiateich!

Hollareitullioooo!
Griaß eich! Ma, ihr håbts es olle schen! Kennts des supa Wetta geniessn daweil i då im Biero vawölk wie a Priemale! Tuats lei so weita :)
Des Wochnend woa wieda amål onstrengand... a Freid von Geburtztåg (eh kan Rundn) und soooo obgstiazt... da Teifl, wås so olls einegeht in an durschtign Schädl! Oba passt wieda. Jetz bin i miad weil vom Schepfn bei da Hitz wer i imma gånz deschparad.
Wås i fia a Plåttn aufnimm? Des glabt ma eh kana, so Tamisch klingt des olles. Oba woatats lei - des wern ane Hits wern! Sågt eich "A Capella" wås? No na. Oba sågt eich "Death Metal" wås? Vielleicht schon weniga. Oba "A Capella Death Metal" sågt eich sicha nix! Gibts oba. Und i mittn drin!

Pfiateich, i geh mi einsingan!
DDDDAAAAAAAAAAAAAAAAAAAAAAAAI-----

sers evale!

mir mannda håm olle on DE apfalan gedåcht... ån wås fir wölche denn sunst?
wie wert'ns wetta am wochnend wern? i håb die hoffnung jå schon aufgebn, dass i heia noch a foab kriag. sooo schen knusprig braun woa i schon und jetz, nåch 3 wochen dauaregn schaug i wieda aus wie a buttabrot. weat des noch wås?

pfiateich, an schenen åbnd
(gestan håb i mei erste schållplåttn aufgnomman... hihi, so a gaude :))
da wuhte

bin wieda zruck, griaßenk!!
und? gehts eich olln guat? bei dem wåssastånd bin i jå froh, dass ma olle noch då seits und dass kan weggschwemmt håt! hoffentlich bleibt des a aso.
bei mir in tschechien, wo i jetzt woa, håmma a so a maasn ghåbt, i schwörs eich. zwa mål håts gschittet und bade mål san mei weibale und i gråd im wirtshaus gsessn und håm gfuatat... und bier einegschittet bis zum åbwinkn :) a wåhnsinn des landle, kånn i an jedm nur empföhln! då muasst amål probiern, zu zweit 25 euros zum vafressn und vasauffn... ka schons!
so. i muass jetztan wieda hackln. schmorrn.
bleibts ma olle trockn (aussa da wåldschneck, der terf natirlich nit austrocknan!), an schenan tåg, heite kummt die sun zruck!
da wuhte

moooorgen!
so, da wuhte möldet sich bis murgn am obnd ob. i foa a bissale nåch tschechien zum nix tuan und lei bled schaun. i werd eich dånn berichtn... sollt i mi nåch da brauareibesichtigung in budweis noch on irgendwås arinnan kennan ;)
måchts es guat, griassts ma's chrischtele und den fettn schneck, wenns es segts!!
da wuhte

morgäään McCoolatling! bin eh då!
tuaz nit daschreckn, i muass heite des villacher.net an, zwa mål durchstartn, weil a so a gsch*** neicha virus untawegs is und gegn den muass ma updates einschpüln und noachan den sörver neich startn. de teixl viren, i sågs eich!
an schenen tåg, tuats nit zvül in da sun liegn, is ungsund :)

an schenan guatn moaaaagn!
maaa, i bin imma noch beinånd, i glab, i dafång mi ibahaupt niama! 4 tåg hintaranånd des liacht ausgmåcht und jedesmål voll bis zum rånd. pfuiteifl. allohol is sowås scheissliches, låssts ma bittschen die finga davon!!
a gaude håmma auf da ondaren seitn schon ghåbt. und als höhepunkt den coolatling und den ruflo getroffn, des håt mi echt total gfreit! a büldle von uns dreie håb i noch in da kamara, des schick i eich noch.
graußig, i muaß heit wieda schepfn und kånn mi lei schwer ån mein eiganan nåman arinnan... ommariana. i geh ma amål an kafee holn. schwoaz. stoak. pfiateich.

@chrischtele: positif denkn! hau di in die hapfn, drah di nochamål um und denk drån, dass' leit gibt, denans nit so guat geht wie uns olle. vielleicht hülfts jå wås.

@die gurmees: ihr håbts jå olle ka åhnung von HAGGIS! tuabts es zerst amål probiern, schimpfn kennts noachan imma noch! des is jå genau des tickische am schottischn essn! wo'st glabn mechast, de wolln di vagiftn, des san die bestn schmankalan! nit då fisch+tschips, pizza oda de eklhåftn wirschtln probiern... des is wirklich grauslig! obndrein håb i obn de beste fischsuppn in mein gånzn lebn gessn... und dabei bin i echt hacklig!

sodann. i bin dånn in an stindle oda so dahin wie da rauch. i glab nit, dass ma am gelände auf da burg an intanetz håm wern, deswegn winsch i eich schon jetzt olls guate! hoffentlich seg ma uns am wochnend persenlich - olle ondan her ma uns am dienståg!

pfiateich, bleibtz xund!
da wuhte

@Chrischtele: jå, schåd dass dei olta in minchn ztuan håt. schleeeechts teiming! hoffntlich håt'a sunst a bessas :)
@Waldschneck: brauchst di goa nit so gfrein, weil mini håb i kan... da mini heat jå knåpp untam reitl auf, mei reckle geht oba bis zu di knia! also kane fålschn hoffnungen!
@Anton: finga in o*** dichtet a ;-)

An schenen Tåg eich olle! In 2 Stund schittet's eh wieda, passt. Woa eh schon olls so trockn :(