bin wieda då! (des sågt a ondara a oft, oba bei mia is echt!)

wås muaß i segn? då wean schon leit adoptiat då herin... jetz weat oba båld passn. de andy, da coolati und die chrissy måchn a wg! a håmma!! i kum zua hauswoaming parti und bring's bia!

und des mitm fassl hopfntee woa goa nit so folsch :)
so, oba jetz gemmas wieda ån! die sun scheint und da hopfn bliat (båld)!
pfiateich, kizez,
da wuhte

griaßeichollemitanånd!
tschulding, i woa auf lepschi außahålb... also eigentlich zwecks hackln untawegs, weswegn i mi erstns nit oft gmöldet håb (nie) und zweitns an eindruck von schee ghåbt håb... åba es is eh olls wie zweinåchtn. aussa beim coolatte, bei dem is schon fåsching :)
eich olln noch an schenan tåg und, cooatti, dir a schen's lei-lei! nåchträglich ;))
pfiateich!

Liabe Leitln!
Fuachtboa, wås då in Asien passiat is. I fia mi vazicht heia auf olle Krocha und Raketn und hau an Hundata in Topf vom Rotn Kreiz fia de oamen Teifl, de eh nix håbn und des noch valuan håm. In die Medien tuan fåst so, als ob "nur" Touristn betroffn waratn, oba zum Beispül die Leit in Bangladesch, de imma und imma wieda 's Fett obkriagn, san a Menschn wie Du und i. Warat schen von eich, wenn's a a poa Eiro obeschicktz. Untn auf da Seitn findat's an Banna wo's direkt zum Spendn kummts. Es weat an dafia kana auf die Schulta klopfn, oba wenn's uns so gschissn gehn tat, warat ma a iba jedn Tella Suppn dånkboa.

Leitln, i såg eich ans:

LEI LEI

Es is wieda so weit...

i glab mein schwein pfeifft tschatschatscha...
freind und innen, sads ma nit bes', dass i nit olls von einchan plauschal mit mein senf wiazn wea, oba i bin jå nit da assinga ;)
und, erstns, ummakrizzln kenntz sovül's wolltz, passt schon. und zweitns kill i sowieso kan, dafia bin i vül'z liab, gell *G*
so, schatzalan, schen, dass eich olle liab håbtz, tuats lei weita so!
*kiz*

griaß eich, schon wieda i!
i håb wieda a bissale ummagebastlt auf dera seitn:
unta die TOP 15 segts jetzt a die bravstn gästebuach und witz eineschreiba und rinnan! duat kenntz wieda auf die nåman klickn und... eh schon wissn.
jå, und sunst hålt noch a poa klanigkeitn.

a und noch wås wichtiges:
VSV 2
KAC 1
...is die naturgegebene hierarchie wieda hergstöllt!

pfiateich!

Griaß enk, leitln!
Wie ihr segts, håb i am Disein a bissl wås g'ändat. Man kummt jetzt glei zu die Beiträge und niama zum "an Eineschreibn" Foamular. Und bei die Einträge kennts auf die Nåmen klickn... anfåch probian.
Sågts ma hålt, ob's eich bessa g'fålls als de ålte.

Sunst - nix neiches. Und bei eich?
Wo issn eigentlich die andy hin vaschwundn? De håt jå nit eppa mein vuaschlåg mit'm Schleppe-Bier ernst gnumman und liegt jetzt mit ana Vagiftung auf da Intensif... in Gott in Gott.

KINDA, DA WUHTE IS ZRUCK!

ma, gäääähn, so a topfn. i sitz seit 4 stund vur'm pc und find imma noch kane tastn. i muass wieda nei eing'schult wean, glab i.
ma, i sog eich, supa woa. i hob genau NIX sinnvolles getån. i woa oba nit in da karibik, des woa a schmäh. sondan punta kriza, wenn wer was, wo des is (gånz untn auf cres). die karibik konn ma eh g'stohln bleibn mit senan ivan zeigs.

mitkriagt håb i sunst von da wölt genau nix. kane nåchrichtn, ka intanetz, nit amål a händy. lei rasnici, pleskavica, purple haze und g'füllte calamari. und union pivo. (huat åb, de kennan schon a bier måchn, mei liaba!).


und hez zu eich:
DeeDee, du oama teifl. i kenn des mit', heer und mir grausst heit noch, obwohl i eh lei obegezaht håb. des wichtigste is: nit auffålln, goschn håltn, "JAWOHL, HERR GEFREITER" schrein (obwohl der trottl vielleicht lei a joa ölta is) und dånn trotzdem des tuan, wås an spaß måcht. oba am wichtigstn: gib dem vuagsetztn imma des g'fühl, dass a des wichtigste auf da wölt is... und denk da hintn umma dein teil. holt blos die bappn, es ändat sich nämlich nix, aussa, dasst am såmståg/sunntåg dienst håst.

Andy, di am wiesmoakt hett i jå gern dalebt, åba des weat sich nit spüln. tuast hålt berichtn! und, gånz ehrlich, du bist ma a schon fest åbgångan :)

Ruflo, tua holt an oda zwa büldln von die games eine, wenn schon olle schrein. und, håst wieda a hindle im gedånkn?

coolati, woast jå wieda fleissig mit die weata. wea i glei duachschaugn, dånkschen!


un on olle:
SCHEN, WIEDA MIT EICH ZAN RATSCHN! BLEIBTS XUND!

HOPSALISL...
wegn ana supa leitungsumstöllung hot dos villacher.net fåst 2 tåg nit funkzioniert... danke, inode!
tschuldign jednfålls, åba då kånn i nix dafia, so is des hålt amål!
åba jetz' geht wieda ålles (hoffentlich bleibt des a so!)
danke fia die geduld!
enka wuhte

griaß eich, da wuhte is. folgendes: i warat donn amol 2 wochn auf urlaub, ga. nit wundan, wenn i amol nit vül ontwuatn wea!
mochts es guat dawal,
bleibts xund es hund (frei nach ruflo),
da wuhte!

COOLATI FIAT!
des is ka neiches auto aus italien, sondan da coolati håt ålle im weatabuach ibaholt und liegt jetz' ån ersta stöll. då meakt ma, wea in pension is..., ga ruflo (du fiast hålt im gästebuach) :))

@pao lee: då håmma mia nix mea zum redn, ålta. i bin näxte wochn in wean. bock auf a bia?

he, leitlan, wie gehts enk do draussn?

jo grias eich, leitln!
i hob grod wos gaudiges g'segn, und des muas i eich dazöln: schaugts eich amol die seitn http://babelfish.altavista.com/tr on, do konn ma sich a beliebige intanetseitn von ana sproch in die ondare ibasetzn lossn. lossts eich amol die www.villacher.net seitn ins englische oda in wos ondas ibasetzn und lests noahan des weatabuach... zan schreian, konn i eich sogn!
olls donn, mochts lei weita so, ia satz supa!!
enka wuhte

so, kinda. jetztan hob i a poa ibastundn gmocht und den gonzn zinoba bessa und schnölla gezaubat. des weatabuach zischt jo jetztan dahin, dass da ongst und bong weat! heit hot's a bissale g'fuxt, oba jetz geht glabi wieda olles!

vül spass noch,
eicha VILLACHER.NET