griaß eich! i misch mi a wieda amål ein :)
eich gehts eh guat, wie i so sig, des is schen!
servas kieslstandle, gånz a neiches gsicht! dazhöhl, von wo håts'n di zu uns vaschlågn?
pfiateich, i geh amål wås haban.
da wuhte

moooagn!
ma he, i håb so dearaoat vül zum hackln, dass i kaum dazu kumm, enkre ergüsse mit mein senf zu wirzn. tschuldign, weat oba a wieda bessa!
winsch ein an schenan tåg und tuats ma lei schen brav olls zåmessn, damit's am wochnend a schens wetta gibt! de sau schwimmt schon in da bat'z und wüll auf'n grüll!
pfiateich, es ratschkatln :))
da wuhte

GRIIIIAS EICH!
ma, bin i froh, dass i wieda daham bin! des kennts eich jå nit vuastölln, wås sich in denemak åbspült! de holbe bier (also eigentlich "carlsberg" und ka bier) kriagst nit unta 90 schilling. gottsedånk zåhlt ma in kronen (nit de vom coolati), då fållts an nit so auf. a hianaschnitzlsemmale mit an blotschale solot um... hålts eich fest: 300! oba nit in an puff, sondan in an stråssnkafe!
zaus håb i ma glei auf amål 5 villacha obegstöllt, weils 1. soooo guat und 2. soooo billig is! sunst is oba schen, komma weitaempföhln! a rucksackle mit ana jausn (fest & flüssig) tat i oba einpåckn (oda altanatif an göldscheissa mitnehman)!
s wetta is jå zum schpeibn heite. i huck mi untan gulta und woat auf di sun...
pfiateich! an trotzdem schenan sunntåg!!
da wuhte

habedehre!
s wetta weat långsåm wieda und meine nåssn fiass trocknen a schon wieda auf. wie schautsn aus am wochnend? glabts, dass ma den grilla onweafn weat kennan? i hett a so an gusto auf ane schwensbeich und ondare gsunde såchn!
coolati, de stråfoabeit vom chrischtele tuast oba nit då eina schreibn, ga :)
so, i bin schon wieda am hupfa. von murgn bis freitåg in da nåcht bin i nix då, also stöllts ma nix ån! i schick eich von dene dänen des schlechte wetta oba, weil beim strawanzn brauch i kan regn!
pfiateich, bleibtz xund!
da wuhte

marantana, es is hass!
griaß eich! i sågs eich, jeda, der nit in an unklimatisiertn biero sitzn muaß, håt mein volln neid! supa wochnend gwesn, so wie sich's gheat lei in da sun gebråtn. oba heite wieda in da firma... scheisslich! am vurmittåg hatzt die sun volle auf de seitn, wo i mei zimmale håb - leck frack, es håt 87 grad in mein kammale! des hålt i heit nit aus... i geh krånknstånd oda sowås.
wås tuatzn ihr gegn di hitz? hassn tee trinkn hülft nit schlecht, oba vur da sicharen bewustlosigkeit hülfts a nix. pfffff. i stöll mi jetzt amål in unsaren sörver-raum, der håt a klima und durt håts 22°. des is zum aushåltn. pfiateich, bis am åbnd!
*schwitz*

Griaß eich olle mitanonda!

I woa 3 Tåg in Mattighofen zum oabeitn... bist deppat, he. Des is zwoa nit da "Oasch da Wölt", oba von durt siegt ma ihn schon recht guat. Bin i froh, dass i wieda zaus bin! Von durt håb i mi leida nit möldn kennan, deswegn håb i so vascholln gwirkt. Is oba olles in da Urdnung!

Wås woa so los bei eich? I werds eh glei lesn, wollt mi oba gschwind amål möldn, bevur noch a vamisstnånzeige ausse geht :)
Då muaß i glei onkindign: nächste Wochn bin i von Mittwoch bis Freitåg a furt. Diesmål oba wås intressants: in Kopnhagn bei denen Dänen. Leida a zum Schäpfn, oba a bissl a ondare Luft tuat siha guat!

So, i winsch eich noch an schenen Feiatåg (wås issn ibahaupt fia ana?) und murgn an hoffentlich oabeitsfreien Fenstatåg!

Kizez, simbolische oda nit,
da Wuhte

griaßeich. he, då gehtz jå zua wie in an tschättroom... måcht åba nix.

@calli: fråge, weil i jå so neigierig bin: wås hasstn "calli" wemma's ausschreibt? muaßt oba nit sågn, wie'st wirklich hasst, tat mi lei intressiern.
du wüllst wieda zruck nåch kerntn und findast kan job? gäääh, kånn nit sein! kernt is die numma 1 bei mindestns olles und schåltet jetz a noch "den turbo" ein... håt da bin-scho-då-und-schon-wieda-wek gsågt - und du wüllst kan job findn? nå jå, da ruflo suacht jå a sein adsl ånschluss, der ihm vasprochn wurn is ;)
vül glick beim suachn - wenn i wås hea, såg i's da!

und in die åndan: an schenan feiatåg noch! bleibts xund!
da wuhte

sers ollezåm!
ane bauoabeita-tuscha håm heite da einot (INODE) beim ummnåndagråbn a kabl aussm bodn gfetzt, deswegn is bis mittåg des villacher.net nit gången! dånkschen, es klescha!
hoffentlich håts eich nit z'vül gfahlt - oba jetz is eh wieda olles rotscha!
pfiateich!
da wuhte

HOLLAREITULLIO, da Wuhte is wieda då!
griaß eich, leitln! nå, fleißig woats in meine åbwesnheit, olle 80! i wea east in die näxtn tåg dazua kumman, eire gånzn einträge zum lesn, deswegn waß i jetz noch goa nit, wås es so getriebn håbts. wollt mi lei amål kuaz zruckmöldn von italienien. schen woas! zwoa nit's wetta, oba dafia's essn und des nixtuan (la doltsche wita, he!) ghåglt håts wie da teifl und gegossn, als ob am meer nit schon gnua wossa warat! oba, wie gsågt, des futta woa sensazionöll... des meiste kånn i goa nit aussprechn, obegången isses oba wia naives olivnöl!
so, jetz muaß i schon weita... da fuaßbåll woatet ;)
pfiateich, schen, dass es noch olle då seits!
kizez!
da wuhte

Meine Liabn,
da Wuhte schleicht sich jetz amål fia a poa Tåg durt hin, wo da Pfeffa wåxt. Valauta Ontwuatn schreibn bin i soooo miad, dass i ma bis näxtn Donnaståg (28.4.) URLAUB gnommen håb!
Seits brav, stöllts nix ån, i kim eh båld wieda!
Pfiateich ollezåm, Kizzez in di Dirndln!
da Wuhte

SALVE olle!

*GÄÄN* wås, is schon sunntåg? MA, DONNASTÅG IS! MARANTANA!
nå jå, a wuascht, mei scheff håt eh gmant, wenn i am montåg schon wieda nit kumm, brauch i di restliche wochn a niama kumman... supa - frei! ;))

na, in echt. jetz kummt die sun wieda aussa und dånn weat schon wean! da kühlschrånk is a laa, i muass also eh ausse.

@ruflo: dazöhl, wås håstn gfeiat? buaztåg? soll i da wås singan ;)
@coolati: pass lei auf, bei da erstn sun vabrennt ma sich gern die birn!
@andy: schotzale, wås woa los mit dein KAZ? schwåch im åbgång ;)
@evale: varåtest uns dei ö3-nickpäitsch? nit lei simbolisch ;) ajå: meine is auf fm4, då leg i wert drauf, hehe
@chrischtele: dånkschen fia deine sunnenstråhln! jetz' bin i a aufgwåcht :)

jå, und sunst? de eishockey wm fångt jå båld an. vielleicht reiss "ma" jå då wås. da vsv håt jå lei die cätsch-wetung gwunnan. und dass da kaz nit wuan is, schåd a nit. de andy weat då åndara meinung sein... de olte kazlarin ;))

tuabts lei weita so! bleibtz xund und weats braun - nit politisch, in gotts wülln - von da SUN!

kizez on die mädls,
griaß eich die buam!
da wuhte

griaßeich!
nå, is jå wieda ollahånd zåmmkumman seitdem i mi's letzte mål umgedraht håb.
mariana, coolati, kålt is ma nit, oba miad bin i wie a wultschga im oktoba. bei dem sauwetta brauchst eh nix aussa a bett und an hassn tee. oda a kolts bia in da bådewånn... maa lecka!

....

so. zruck aus da bådwånn. jetz is ma niama kålt, oba so ångenehm schwundlig....

an schen' sunntåg noch!
pfiateich

(andy, den ^^^^Bergelauf schaugat i ma nitamål im tefau ån - vül'z ånstrengend!)

jå hadifix, bei eich kumm i goa niama zåmm, auf olls an sempf aufe zum tuan... dazua muaß i ma jå glått urlaub nehman!

dånn hålt in olla kirze:

ruflo, wås måchst'n fia såchn! s' näxte mål haust da angaxt die zehnt oda die brülln zåm, dånn geht oba nix mehr mit'm hofa-aldi!

coolati, de idee mit die kommunistn håb i schon fua dir ghåbt ;-)

christiane, des umföld von minchn is eh recht witzig. i håb an freind in paunzhausen... leck! då sågn sich oba echt fux und hen guate nåcht! is bei dir a so vül los?

he silke, des mit da GAV is jå lei a politschmäh! zerst fuchtln mit da gebålltn faust und wenn die leit dånn KANE in die goschn kriagn, håms a volle freid! sunst hätt da manze von da gånzn bruckn eh nix. des gleiche is mit citybus und nåchttaxi: woat lei, a holbes joa vur da nächstn wåhl gibts des olles wieda - wie von sölba - wettn?!

sodawassa, kindalan, i geh jetz' ins wochnend'. vielleicht noch a bissle an spurt und dånn zum wirt. am sunntåg in da nåcht kennts mi dånn zausbringan zum wåschn... immahin muaß i am montåg wieda hackln.

pfiateich,
kizzez fia die dirndlan,
prost in die letta!

da wuhte

Kindalan!
's Evale håts eh schon gsågt: da friihling kimmt!
dewegn såg i eich ans: hucktz nit in gånzn tåg vuam pe ze, wal des måcht wuadlat im kopf... gehtz ausse und schaufts a bissle frische luft, so lång se noch frisch is.
pfiateich und a recht a supanes wochnend'!
da wuhte

jå såg amål... i schau amål nit hin und am ståmmtisch weat gratscht wie da teifl!
also: ruflo, mit deim oltn modem weast wohl noch a zeitl ummapfrettn miaßn! und wie da coolati schon sågt: glab nit olls, wåst liest und schon goa nit, wenn's m jirg (wirg) aus'm **** kumman is ;)
und coolati, mit deine sprängungän weast olle viecha daschreckn und di sölba noch ins krånknhaus bringan! mit an tschick des.... na, waßt!? oba wie i di kenn tuast des eh nit :o)
und wås is mit die mädls los då herin? olle auf aia jågn ;)
pfiatenk, a schenes aiarolln und...
furztz ma nit noamol des netz voll *G*
da wuhte