Guten Morgn miteinånd

Heite muaß i außa Haus
Gedichtle aus.   : )
s' Wastale

15.02.2018 11:27:
 Griaß eich ålle z'somm

Schon wieda is da Pfingste då.
flux, wår se furt dö Wochn
Und hiatza in da Fåstnzeit
terf ma lei måga kochn.

Soll guat für die Gesundheit sein
und geg'n an dickn Rånzn,
viel liaba is mir wohl a Bier
und gaxtamol dos Tånzn.

Weil schon die åltn Mönch håmb gwisst
wia gsund Bier für die Menschen ist.
Deswögn håmb sö selbst gebraut
und dånn die Bierlan åbeghaut.

Genau deshålb ihr liab'n Leit:
Trinkt's " VILLACHER " zur Fåstnzeit

s'Wastale

wastale, mir hom schon gwarted auf dei gedichtle, I mechat a so gern wos dichten oba mir foll nix ein blos a bledsinn wos I mi net schreibn trau, fosching werd bei uns do net viel wos gmocht draus,zb. umzuege wie in karntn,

murgen bin I nix daham,so winsch I eich heite schon HAPPY VALENTINES
L.G. eich villacher
es pfeifele

 Da Åschamittwoch

Da Pfårra und da Mesna
send in da Sakristei
Am Fåschingdienståg Nåchmittåg
er wår schon fåst vorbei.

Da Pfårra frågt den Mesna hiatz
wia werd dås morgn sein?
Es tomb sich schon an Haufn Leit
Auf's Åschnkreizle gfrein.

Lei i allan bin schon zu schwåch,
dåß i so viele Kreize måch.
Deswegn Mesna warat fein,
wonn du kintast mei Helfer sein.

Aus Staub bist du geworden
zu Staub kehrst du zu zurück
Dos Sprüchle is jo eh nit long
zu deinem großen Glück.

Genau die Wörta muaßt do sågn
und terfst dabei nit låchn
wonn du mir morgn helfn werst
die Åschnkreiza måchn.

Dem Mesna wird gånz ånders hiatz
er wird a schon gånz blach
wås er då morgn måchn muaß
dö Knia wernd eahm schon wach.

Da Mesna is die gånze Nåcht
ban Sprüchlan lernen gwesn,
håt in da Fruah in seina Noat
den gånzn Såtz vargessn.

Deswegen tuat er vor da Mess
den Pfårra wieda frågn:
Du Pfårra wås muaß i den heint
zu unsre Sünda sågn?

Da Pfårra tuat dås nit varstehn,
wia man so tumm sein kånn:
DU BIST A TEPP UND BLEIBST A TEPP
fåhrt er den Mesna ån.

Dem Mesna kimmt dås Spanisch für
und a nit går so fein,
jå åba wenn's da Pfårra såg,
dånn werd es wohl so sein.

 Dö Tür geht auf dö Orgl spielt
dö Mess dö beb hiatz on,
jo und alls Ersta von dö Leit
då is da Bürgamasta drånn.

Da Mesna håt eahm mit bedåcht
a Åschnkreiz auf's Hirn gemåcht
und dabei såg da Mesna Sepp:
DU BIST A TEPP UND BLEIBST A TEPP

Da G'meindechef is gånz vardutzt
und håt den Mesna gfrågt:
A håt da Pfårra früheramål
nit gånz wås åndres gsågt?

Jå fralle sågt da Mesna drauf,
dås werd gånz gwiss so sein
weil frühra håt ma ånders g'redt
då wår jå Ålls LATEIN.

s' Wastale

du 

jo, do bei uns flockts aa a bissle seit ana Stund. oba es bleibt nix liegn. lei so a dünnes geflankl.

Griaß Eich und LEI Lei.
Hetzan is da Fosching schon widda furbei und i hob nix gmerkt davon. Is oba net wegen meina Kronkheit weil i hob früher a nix gmerkt von dem trubel.
Is nit so mei Ding, hobs liaba gmiatlicher.
Hoff Eich gehts ollen guat.
Bei uns is a bissele weiß draussn und es scheint die Sunne. Morgn is die weiße Procht oba widda vurbei weil er hot a Wormfront ongsogt.
Phoebe donkschean fir die lieben Griaß und vor ollem fürs Buassale. Schick a dickes Zruck!!!!!
morg muass i widda ins Spitol oba wenn olles guat geht darf i om obend widda ham.
Eich ollen an scheanen Foschingsdienstog und liabe Griaß.
Martin und Barbara 

Grias eich!

Jo Wastatle, bin jo eh schon do!!!
Wohl, wohl, i geh schon gach amol tonzn. Am Freitog zB wori mit mein Taufkind in da Disco bis 4 in da Fruah. Und hob 2 Tog gibraucht, um mi wieda zum daholn :D
I konn holt neama so mitholtn mit da Jugend :-P
Oba scheen und lustig wors derwegn.
Am Sunntog honi ma an Faschingumzug in Mödling ongschaugt. Wor aa voll liab und lustig.
Sunst gibt's bei mir kaan Fasching nit. I bin eh des gonze Johr im Biro von Norrn umgebn ;-)

Murgn warat i aufs Helene Fischer Konzert gongen. Oba es is obxogt wurdn. De Orme is kronk und konn nit auftretn. Wert ongeblich a Ersotzkonzert geben. I hoff i bin donn aa do zu dem Zeitpunkt und nit auf Urlaub.

Winsch eich an scheenen Foschingsdienstog!!!

LEI LEI!!!

@Martin: Dir vül Kroft und Stärke!!!!! Dix Bussale

namla wol wol mir hom schwer gwortet aufs gedichtle und scon is es do donkschen wastale
wie fost jedn sunti noch dem fruhstick bin I in da kuchl,leber pate auf strich is schon fertig. und fir valentines tog muas I noch mehr linzer augen backen,dos moch holt i wenns drausen schiach is
martin u. Barbara
fibi eicholle an scheenan sunti
es pfeiferle

12.02.2018 05:22:
dobro jutro,good morning,grias eich gott ole miteinonda,a neie wochn fong wieda on,is lei guat I brauch nix mehr orbeitn gehn,meine kekkslan sein schon gebackn fir valenstog, und bold wer I sie verteilen,oba nur zu meinen guat bekonntn,zb. eich villacher pfirt eich L.G. es pfeiferle

wastale good morning your English is almost perfect,es schodat nix noch a bissl wos dazua lernan,oba doharin bleib ma lei kartnerisch

Guatn Morgn.
An scheanen Sunntog und dem Wastale Dank fürs Gedichtle.
Martin und Barbara 

 Guatn morgn Ålle miteinånd

Jå Fibi såg wo bist den du?
Mir höhr ma nix von dir,
bist öpa wieda schlangln gång?
Dås kimmt ma fåst so vür.

Dås Pfeiferle aus Kanada
håt gräuchart seine Fisch
schaun't  åba richte wåhr guat aus,
hätt's a gern auf mein Tisch.

Dem Martin aus Voradlberg
wünsch i von gånzem Herzen,
dåß er stärka wia sei Krånkheit is
und nit håt går viel Schmerzn.

Und weil heint Fåschingsunntåg is,
håb i an bsundarn Gruaß,
den jeda der bei uns då is,
zu die Fåsching sågn muaß

 NAMLA - WOLL WOLL

s'Wastale

ob es washtale wohl beim dichtn is?? scheens wochenend eich do harin
es pfeiferle

Guatn morgn aussn Ländle.
Wetta is guat oba kolt. Is jo a winta.
Habts schon dos Foschingswochenened verplant? Mir geht das am Popo vorbei. Sunnst is do olles OK. Mir gehts eh guat lei durch die Chemo bin i holt a bissele miad.
Eich olln an scheanen Tog und liabe Griaß.
Martin und Barbara 

 Und üba Nåcht is Freite wårn
da Opernball is går,
Am Wochenend is Fåschingzeit
dås gfreit an jedn Nårr.

Då kåma tånzn, lustig sein
und singan frohe Lieda,
am Irte is da Fåsching aus
åba näxt's Jåhr kimmb er wieda.

Bei uns in Kärntn gibt's an Sruch
den muaß eich gschwind sågn
wal immaramol kimmt richte wåhr
der döge Spruch zan trågn.

Wer za dö Fåsching is ka Nårr
der is es sunst dos gånze Jåhr.

Und so wünsch i eich ålle
a lustiges Wochenend

Pfeiferle ? A wårst im Casino?
Fibi ? Gehst a gachamål tånzn?

eich olle an scheenan pfingsti,liabs gedichtle wastale
der Wilhelm Rudnigger hot a you tube seitn scheen zum zuahern

09.02.2018 04:45:
pfingsti wor a scheena tog fir mi heite der hot mir glikk gebrocht genauer zu sogn fost 3 blaue in shilling,guat oba is wor in dollars so hiax geh I pfeifn
GN8 wie da cooli imam gsogt hot
pfirt eich es pfeiferle

Maaaaaaahhhhh, voll lässig he!!!!

Des muas i ma direkt ausdruckn, wos du so dichtest. Is grenzgenial!!! Donkschee, fir de liabe Reime!

Gschniebn hots gestan bei uns in wien. Fost den gonzn Tog. Lei liegn gebliebn is gor nix. heit in da Friah wor nit amol mehr da Gatsch zum segn.
Nix mit Winterwonderland in Vienna...

Jo, Wastale, du host wohl recht. De Zeit varennt eh vül zu schnöll. Do sollt ma eh nix jamman, wegn ana zlongen wochn. Oba in da orbeit laaft se holt dopplt longsom. Daham is furt wia nix.
Zwamol umgidraht und schon is a Jahrle wieda um und mia sein um drei Johr ölta :/
Oba wos solls, so is da Lauf da Zeit!

Tuats es am wochnend?
Hobts schon Pläne?

 Da Pfingste

Da Pfingste is da Donnerståg,
wia jeda Kärntna waß,
da Pfingste is im Winta kålt
Und is im Summa haß.

Am Pfingste send im Summa donn
die meistn Feiatåg,
deswegn is da Pfingste der,
den i am liabstn mog.

Da Pfingste is im Wochenlauf
jo in da mittn drinn,
deswegn hot da Pfingste a
a weane an tiafarn Sinn.

Als a Junga denkst die gånze Zeit,
wonn lei schon Sunnte war
am Sunnte do werd lustig sein
die Wochn is so schwar.

Am Sunntåg åba kimmst dånn drauf:
Hiatz is die Wochn går.
Bist ålt, jo dånn varstehst du erscht,
wia kurz die Wochn wår.

Deswögn Leitlan glabt's mir dås,
I låss es då so stehn......
Da Pfingste is da scheanste Tåg
Er soll nit schnell vargehn.

Liabe Griaß
von Wastale




08.02.2018 06:56:
 Da Pfingste

Da Pfingste is da Donnerståg,
wia jeda Kärntna waß,
da Pfingste is im Winta kålt
Und is im Summa haß.

Am Pfingste send im Summa donn
die meistn Feiatåg,
deswegn is da Pfingste der,
den i am liabstn mog.

Da Pfingste is im Wochenlauf
jo in da mittn drinn,
deswegn hot da Pfingste a
a weane an tiafarn Sinn.

Als a Junga denkst die gånze Zeit,
wonn lei schon Sunnte war
am Sunnte do werd lustig sein
die Wochn is so schwar.

Am Sunntåg åba kimmst dånn drauf:
Hiatz is die Wochn går.
Bist ålt, jo dånn varstehst du erscht,
wia kurz die Wochn wår.

Deswögn Leitlan glabt's mir dås,
I låss es då so stehn......
Da Pfingste is da scheanste Tåg
Er soll nit schnell vargehn.

Liabe Griaß
von Wastale