geeeh collati - des is jo ka keantnawuart - is jo lei italjänische ibasetzung......ma he, tua mi nit durchanonda bringen im oltan joa nouch

31.12.2009 12:30:
natirlich - coolati

maaa, bin eh nouamol do-
do hasts olwan : sauf, tupf und joudl - sunstan bleibscht a leibnlong a doudl! hetzand hon i des schon sou longe prowiert.......leck oarsch, nuzt nix - a wer i eppas olwan nouch wos folsch mochn - ha?
he, loust amohl, mir follt do nou a italjänisches wuat ein : viktor (housntierl ) - is jo wouhl a guat oda?
@ruflo mei mehladresn warat - boa.schoba@gmx.net - jo, falleicht kimt amohl wos - und hetztan MOHLZEIT

gmuuuurgn -  hant is irtig (donnerstag) tatat mei oma sogn, oba dei leibt hetztan neama. do bin i lei a poor stindlan nit do und schon muaß i funfmol umblatln um am lafenden zu sein. gfolt mir....hehehe....
wiasou sul i eppa an olten witz af a ondare seitn schreibm, des vasteh i hetz oba nit. i vasuachs nouamol, valeicht kutert jo ana....aalso....
do geaht a nahnodl und a stricknodl in ana wiere (rinnsal) schpazieren, sogt agach de ane za ondan - paas auf, hinta uns geaht a sichaheitsnodl....
wos is hetz? looochn!!!
af italjänisch waß i lei a wurt - garribaldi (schnellkochtopf) - guat geh?
so deis weibaleit und manda - i winsch eich an guaten wexel und gfrei mi gonz schiach auf näxte joha af dera saitn -    i wea hant sichalich zevül oachngumbm und derwegn neama eichaschaun kenan......PROST.....

31.12.2009 07:41:
@wuhte - schefe, tatast a a wurt von mia ins weatabuach eichnschreibm, obgebm hon i jo a poor - tatat mi schiach gfrein - mant de bea, oda schobarin

@sissi - wohl, wohl, hontze a sickagruabm und tuantze mitn jauchnputsch ause aufs feld........ah manst des iberlebm de virn nit. jo nacha kenati oachn forn und mei bruada kenat den fock ruhig nidalosn.
houpsn zwaa erbsen ausn toupf und wolgn die lawe (Vorraumgang) entlong, sogt de ane za ondan : he paas auf, do kimt a terp -p -p -p -p -p -p -pe

gmuurgn leitlan
leck oarsch, seids deis oba weit umma kemmen af dera welt - is da pos hetztan vull zuagstemplt - oda wos ha? i tua lei liaba daham ummaplotn. mei bruada hot sogor schon gsogt, er tatat an fock niedalossn, wenn i lei amol daherkamat. hetz waß i nit genau wia dos is, er hot seine fockn nix gimpft gegn dera neiche gripp. kenat i de nacha griagn? waß dos wer?
den oubernostera kari sei eisl is dera wouchn gsturm, isa noachan mitn tackta oachn gforn zu da schöndarmarie und wolt des meldn, hom de schöndarme gsogt, das a des eppa beim viechaorzt mochn sull, hot da kari gonz dadotat gsogt, jo i wollt lei seiner nähaschten vawondschoft bscheid sogn.
wer hetzan wieda oarbeitn, damit woa laaft!
pfiat eich

mhhhmmm - hant lei lesn, murgn wieda redn - i hon enk schiach gern - babaaa

29.12.2009 19:50:
feispuck - schoba beate

guatn obnd - pißnen - mein gott genau (bischt a leschta frisch und xund gerne gebn longe lebn olles guate fias neiche joah) sou hom mir daham nouch ghaut. in wean kennt des kana, de hom gonz ondare gebräuche oda hon i des do lei no nia gseachn - wos a a meglichkeit warat.
vurcha hon i folsch gschriebm, da tschortschi - der tscholf - hot sei lebm nit mit tschibo, sundan mit da nespressomaschin valängart - oda wor des eppa vulle obsicht vom himlwerta dem schlitzohr - wer waß des schon so genau.
bin heit a bisl dadotart - laft ols a bisl daquer - i waß a nit, filaicht liegs jo am mond oda am mogn oda anfoch lei in da koschpl.......grunz
scheenen obend nouch und i winsch eich fia pfingschtig (dienstag) ols guate    

wor i sehr faul heite, hot oba guat geton - wea hetzan nochrichtn schaugn und mi nachand fias heiti zommrichtn, muas jo murgn orbeitn gean. winsch eich a sanftes taummandal, so wia domols: wist des no....um fünf miuten vor sieme...das traummännlein kummt - samma muxmeislstü vurn radio gsessn und homma mit aufgrissane augn zuagloust.........guate nocht olle mitanonda

27.12.2009 19:34:
jojo, da wildpanner woa a onkl um zwaa eckn - wohl, der is schon gsturbm - geat uns eppa olln so amol
seas - sissi - host no so a longs gedichtl - woa echt klaas zem lesn

ma, hobts deis schon des longe, scheene gedicht glesn wos de elisabeth mueller af da seitn "die KÄRNTNER auf Facebook" eichn getippt hot? des haast "nit amol denkn`- särfts amol umme, des is nit ummasunstan gwesn - mocht a a freid. des wollt i lei nouch sogn - pfiat enk

jo do schau her, radenthein kenn i wohl a, hon amol vua anige johr (werd wohl a30 sein) beim hotel vulgo wildbanner ferialpraxis gmocht. a weitschichtige vawondschoft. i kennat mit gänsebleamalan aushelfn - untn im houf woxn schon a poor. schaugn eh aus wiea gooonz klane schneerosn. najo, fost holt

grias enk ole mitanonda  schen zum obalesn, dass deis guat iba de heilign feiertog kumman seits, das kanna vahungat oda dafrurn is. des warat schiach schod gwesn. - chrischtele, i kim nit aus ketschach, i bin durt lei a weile schual mitn dieter wulz gongen, der wos de gleiche stimme und den gleichn spitznomen wos eicha schefe hot, derwegn hob i nochgfrogt und "leck fettn da dieta" gmant. wascht, so is des. i bin af da schotzseitn do bei gunderschum geburn und leb hetz schon 25 johr long in wean - neschtflüchter, weil beirin wollt i domols iberhaupt nit werdn. eicha seitn hon i gfundn wia i a kärntnerwort gsuacht hob (schen longsom folln se mir ausn kopf - werd wohl es olta a sein nit lei des auslond). eppa dalern i wieda ebas, wenn i eftan do mitlies.......pfiat eich daweil

grias enk recht scheen - sogts amol, is da wuthe vielleicht in kötschach fur longa zeit mit mir schul gongen........dieter, bischt du des hez oder wos.....hez sog holt....