So, es is schon finsta draußn. Bin seit sexe im Büro - då darf i jetzt wohl vadient Feiaåbnd mochn, hoff i!
@Chrischtele: I bin bei de Vamessa - waßt eh, då im großen Åmtsgebeide, wo a die Schendamarie (i waß eh, dåss de hez Polizei haßn) und die Finanza a sitzn. Von meim Büro aus sieg i die buntn Blattln vom Stådtpark.
@Phoebe: Thanks! Jua ansah is on the wei. (Gott, das wird ja immer schwerer mit den Dialekten hier drinnen!)
@ruflo: Hosnlaata? San des Hosnträga? Da Papa håt sowås nuch åb und zua benutzt, soweit i mi erinnern kånn. Oba der wohnt schon lång wo ånders, deshålb kånn i nit so leicht überprüfn, ob er imma nuch wölche trog, oda lei mehr Girtl. Bei denen passat ihm oba sicha a die zwaametavierzg-Variante! Mei Papa is jo nuch a påår Jahrlan ölta als du, also kennt a mit dem Wort Hosnlaata sicha a wos onfongen.

Mit eiam Gred vom Szegedina håbts mi jez so ongeglustet, dåss mein Bauch jo schon in ålle Himmlsrichtungen knurrn hean miassts...!
Jez setz i mi in mein Flocki (naa, ka Mazda, a Viaragolf) und braus durch die Dunklheit ham, damit i ma wos zum Mamfpn kochn konn.
Hoffntlich hobts a ihr an scheen (und kulinarisch ongenehmen) Åbnd. Vielleicht schaug i noaha nuchamol vorbei zum Gute-Nåcht sågn. A bissl a Suchtvaholten entwicklt ma irgndwie schon do bei eich....
Gfållt ma!

@Phoebe: In Wien?? Na des is jå glei gscheit weit weg. Bin åba e gelegentlich draußn, weil mei "Åmt" is jå a Bundesbehörde (beHERDE?). Då gibs imma ållerlei Schulungen und so...
(Sollt des hohe Publikum in Wien eier Stickl denn donn nit so oda so zum Schätzn wissn???)
Mehlen kånnst ma auf mega-maus@gmx.at - låch nit, de Adress håb i jez schon åcht Jåhr. Dåmåls håt ma des hålt gfålln. I gfrei mi schon aufs Büldl...

@ Phoebe: Wo spülts denn eia Stickl? Vielleicht sollt i ma des amol onschaun!? I glab, wenn di Leitlan gspirn, dåss ihr eire Rolln lebts, dånn werds senen a gfolln. Ima schen positiv denkn - normalaweise hülft des.
Host du a Hasl oda mehr? Darf de lei so in da Wohnung umanond lafen? Host do ka Ångst, dåss sie a Kabl onfrisst? Haut da de nie ob und vasteckt sich vur dir? Wie hostn des gmocht, dåss de so brav is???

Ka Ångst, für so a Fledamausele bin ich vüüül zu schnöll!
Im Übrign find i's supa, dåss endlich kane Gölsn mehr ins Schlåfzimma kummen, wenn ich auf d'Nåcht nuch im Bett lieg und wås lies - mit Liacht beim aufgekipptn Fensta. (Då war ma so a teppichfressendes Karnickl um aniges liaba als de elendign Bluatsauga!!!)
I bin a Villacharin. Aufgwåxn genau durt, wo jez des ATRIO drauf steht. Dånn wår i åcht Jåhr in Baldramsdorf und bin seit neine wieda in Villach, in de Auen. Årbeitn tua i åba in Spittal. Håb heit meine Männa då mit meina gestan gebohenen Tuatn gfuatat - håt ma glei a påår Pluspunkte eingebråcht.
Irgntwie is voll årg, dåss schon zehne is - da heitige Tåg vafliag lei so - håt wohl a zwa Fliegl (Flögl?). War scheen, wenn da gånze Winta sich so vaholtet! Sunniges Bussale aus da Liesastådt!

An scheenen gutn Morgn wünsch i eich ålln - heit direkt aus'm Åmt. Is des nit scheen, wenn da Himml wieda blau is und die Sun die vüln buntn Blattln zum Leichtn bringt? So kennt da Herbst schon zum Aushålnt sein.
Des mit ana Stund länga schlåfn hot ma heit a voll getaugt.
@Phoebe: Glabst echt, dåss eia Stickl so schlecht is? Kånn ma nit vurstelln, dåss weniga Leit kummen. Wenn i ma a Stickl ånschaun geh, dånn håm de do obn auf da Bühne imma mein volln Respekt, denn i kennt mi nie vor so vül Leit wo aufe stölln und wås redn.
@coolati: Sigst, mitn heitign Tåg bin i somit schon zur Dreitågsfliagn mutiert ;-)
Scheen Wochnbeginn - und bleibts brav!

Griaß eich ålle mitanånd! Wenn i des richtig sieg, dånn håt's jez schon seit åcht Stund ausgmazdat. Eire Einträge sein eh vül lustiger zum Lesen! Außadem find i`s går net liab, dåss de "Patisanen" en Ruflo vatreibn, wo der mia doch den gånzn vurgestrign Tåg grettet håt!
I wünsch eich nuch an meglichst scheenen (grauen) Sunntog - und geh hez mei Tuatn fertig måchn. Gefolgt vom obligatorischen Mittogsschlafalen.
Pfiat eich...

Ruflo, du bist genial!!! DANKE
I bin absolut begeistert, dåss ihr eich so fia mi (uns) ins Zeig glegt håbts! Des Gedichtle is so scheen, dåss an glått die Zachalan obarinnen ånfangen! Mei Mami is a gånz selig - de håt ma nit geglabt, dåss es a Meglichkeit gibt, de Zeilen aus ihra Vagångenheit in die Gegnwart zu befördern.
Ihr seid's turbo-spitze! hi hi hi... und wia ihr eich auskennts in Spittal und so... - i fühl mi echt voll daham då bei eich. Werd eich jez wohl öfta mit meina Gegnwart beehrn miassn, do gfållts ma nämlich.
Chrischtele - scheen, dåss i a Mitintaressierte gfundn hob. Eier Ruflo is echt Goldes wert! (Und seine Vegalan somt Hundsviech und bessare Hölfte hom mi jez vurm Schlåfngehn nuch so zum Låchn gebråcht, dåss die Tränen schon wieda rinnen!)
Bis morgn ihr hülfsbereitn Pfundskerl do harin!
Håbts jez echt wås guat bei mir!
Ruflo - gånz a dickes Bussale fia di (åba nit, dåss donn unruhig schlåfst!?)
Guate Nåcht!
Larissa

Håb jå lei gmant, weil du gfrågt håst, ob i Lehrarin WÅR.
Wenn da Ruflo neama so a junga Tuta is, dånn stehn meine Chancen eh bessa, dåss er a Åhnung håt von Kantnarischn Gedichtlan.
I hoff, du håst mittlaweile wos Gscheits zum Essn kriagt. I hob east uma hålba zehne gfrühstückt, deswegen is von Hunga nuch weit und breit nix zum Segn.
Oba i wer mia jez a Häklnådl holn und wås håndårbeitn... - jå, i waß, is a bissl komisch fia a nuch hålbwegs jungs Dirndle, åba bei dem Wetta taug ma des anfåch. Brauchst jå nit weitersågn...!
Und du? Måchst jez a feines Mittagsschlafale?
War eh des anzig Gscheide heit.
Nå wås a immer - bis später jednfålls!
Bussale, Larissa

Geh hea auf - i bin doch ka Lehrarin. I bin jå east 27. Und naaa - nix mit Marine! I bin sozusågn a "Fräulein vom Åmt" ;-)
Wollt damit jo lei sågn, dåss i dein Vuaschlåg befolg und aufn Ruflo wårt.
Mami's Hirn raucht schon nebn mia, weil se so vül nåchdenkt, wia des Gedichtl wohl gången is. Sie mant mittlaweile, es fång mit "kennst wohl unser Wåppn" ån. Und mia is schon schlecht vom vüln Suachn im Internet.
I glab, i geh ma jez erst amål nuch an Kaffee holn.
Pfiat di daweil du Seglbootmarineoffizier!

Ei-ei söa! I wer wårtn, bis da Ruflo ausgjagat håt, vielleicht håt der jå dånn a Idee, wia ma am Gscheitstn noch so wås suacht.
I såg eich, wenn ma nit gwehnt is im Dialekt zum Schreibn,... des is gånz schen ånstrengend!!! Karntnarisch redn tua i zwår schnell (wia sich's hålt ghert fia a Dirndl!), åba beim Schreibn steh i imma nuch auf Rechtschreibung und Grammatik - heitzutåg kennt ma sågn, i gher zu ana aussterbndn Rass! ;-)
Trotzdem schon amål donkschen! Es is supa gmiatlich då bei eich harin; quasi wia a Valängerung vom Wohnzimma.
Schen nossn Feiatog daweil amål!
Larissa

Griass eich und gutn Morgn!
I brauchat bitte dringend euer Hilfe!!! - Bin mit meina Mami am Ibalegn, wia a åltes Gedicht geht, wås unser Wåppen betrifft.
Mia kennen uns nur ån
"rot-weiß bliaht da Hådn, i riach schon den Sterz"
und
"drei Löwen sein drin, mit kräftige Tåtzn gehn se dahin"
erinnern.
Des muass ziemlich ålt sein (Mama håt's so um 1956 uma glernt).
Vielleicht kennt's ma helfen und irgendwen frågn, der sich då auskennt!?

Gånz, gånz großes Dånkschen!!!!
Larissa