@Chrischtele: Die Tånzarei (und vor ållm da Tånzschulschef!!!) ziagn mi hålt imma wieda då obe! Als Villaharin sollt i då jå negativare Gefühle hom, åba der Kerl håt irgntwos, wås mei Männa-Immunsystem nit dapackt! ;-)
@Coolati: Danke fias Freschl - mei Büldschiam is schon gonz ongschnudlt valauta bussln, oba da Tepp vawondlt sich anfoch nit in an Prinzn...! (I håb schon anigs gebusslt auf dera Wölt, in da Hoffnung auf a Vawondlung...!!!)
Wenn mi mei Erinnarung oba nit teischt... - hot de ane Taubn den Froggie nit on die Wånd gschmissn, damit a sich vawondlt??? Vielleicht sollt i's amål mit dera Technik probiern?? Prophylaktisch, damit i nit angach übrig bleib!? Ansunst probier i's amål mit ana Annohns im Intanet... - vielleicht findet sich jå då a gscheits Monnsbüld!?
Wünsch eich an scheen, wenn a recht frischn Nåchmittag/Åbnd!
Bussale (i bin wohl die anzige, der xundheitlich går nix fahlt!?),
Larissa

@Coolati: DANKE fürs Büldl! Schaugst går nit aus, als würdest oft im Tütü Schwanensee tånzn! ;-)
Scheen Nåchmittag!

@coolati: Tjå, mein Nåmen håb i anfoch nur da Mami zu vadonkn. Larissa is a Stådt in Griechnlond, a Mond vom Neptun, die grichische Variante vom russischn Laura und irgnd a Märtirarin. I mog des a total gern, dåss i mein Nåmen nit teiln muass. Obwohl jez schon vül Klaane so haßn.
@ruflo: Muass jo nit imma gleich Palett sein - a schneidige Polka oda a scheans Walzale tuats aa!
@Phoebe: Solltest da a zwahaxate Wärmflåschn fia die Nåcht zualegen. Då bleibst dånn glei liaba im Krånkstånd! Guate Bessarung Mädl! Und steck dei Hasi nit on!
@Irmile: Unbekånntes Hallo! Håb vur a påår Wochn då eina gfundn, und de Leit håm gånz oft liab von dir gredt oda nåch dir gfråg. Deswegn waß i schon, dåss du a Liabe sein muasst, obwohl i di nit kenn. Scheen, dåss'd wieda då bist!!!

Griaß eich! Und donkscheen fia die Kemiinochhülfestund! Is imma sehr intressant, wos man bei eich do harinnen olls lernt!
@Coolati: mega-maus@gmx.at - wennst ma ane Büldln schicken mogst. Klingt übrigens sehr sponnend, wos du fia ane Sportortn betriebn host... - scheinst ma a gonz schena Lausbua gwesen zu sein. Obwohl... - i glab, du bist imma nuch ana!
I find des voll supa, doss se übaoll von Schneekaos redn und bei uns do is soooo scheena blaua Himml. Es weiße Gmeineck untam Blitzblau... - do miassat i eich fost a ane Büldln schickn. So kennt da gonze Winta sein...!
@Phoebe: Hoffntlich gehts da schon wieda a bissl bessa!? In der Johreszeit mit oll de Bazülnschleidan rundumadum muass ma schon vorsorglich (quasi prophylaktisch) genua Füttermine einschmeißn, damit es Immunsüstem gscheit tuat.
Sunnigs Bussl und an scheen Mittwoch ollaseits!

Mahlzeit! Ah, da ominöse Wuhte håt ausgeurlaubt. Danke für de Begrüßung! Gfreit mi, den Schef persenlich kennenzlernen.
Du, Coolati, såg amål, wovon redst'n du, wennst imma von da Hupfarei erzöhlst? I glab, i håb du wieda amål wås nit mitkriag.
I gfrei mi imma vollgas üba die supa Büldln, die ihr ma schickts. Muass sogn, die Kreizn is schon a schene Gegnd. Und die Chrischtele-Fotos san aa genial. Phoebe, wie schaut'sn bei dir im hohen Nordn aus? Håt's die und dei Hasl schon eingschniebn? I bin soooo froh, dåss bei uns nuch schneefrei is, weil mit da Fåhrarei ins Büro is so um anigs leichta; sein jå doch üba 40 km. Obwohl mei Flocki neie Wintapatschln kriag hot, damit ma auf da Übaholspur nit imma da Reiß geht...!
I wünsch eich jez amål a fröhliches Mahlzeitn und schick an Platsch Sunnenstråhln aus Spittal!

Jå Ruflo, wås tuastn du in ålla Fruah schon im Net? Håb gedåcht, i bin di anzige, de då schon so fruah umanonda kraxlt. Bin hålt a Morgnmensch und steh unta da Wochn um holba fünfe auf. (Bin neigierig, wånn mi dånn amål die senile Bettflucht aus de Harpfn reißn werd!)
Kolt isses, nuch a bissl finsta, oba da blaue Himml üba Spittal is schon scheen zum Segn. Wieda a neia Tåg.
Phoebe: Genieß dein freien Tåg - und tua schaun, dåss dei Gnack wieda gscheit tuat. I kenn des - i glab, dås is anfoch a Büro-Leidn.
I find des jo total gemein, wia da Coolati des Gansl bis in klanste Detail beschreibt - do kennt i sogor um de Zeit schon lei so einemampfn in mi. Dabei passts Gansl jå går nit zum Kaffee...!
Nå wie dem auch sei, i wünsch eich ållaseits an ganz besundas scheenen Mittwoch - egal ob Urlaub, Pension oda Schepfarei!
A nuch a bissl untakühlts Kaffee-Bussl aus da Liesastådt von eiam Larissalen

Coolati: Sorry, in dem Fåll wår mei Pointe dånn natürlich nit ångebracht. MS - mei Nåchbårin håt des, åba i waß ehrlichgsåg går nix drüber.
Du sågst, i soll aufpassn, dåss i des nit kriag - kånn man denn do wås dagegn tuan? Prophylaktisch, man i? Hoffntlich bist ma nit bös, - i wollt di do nit beleidign oda so! Wie rauschig, nur billiga? Vielleicht war des a Alternative fir die jungen Komatrinka, de hez so "modern" san? Also i trink jo gånz gern, Wein oda a a Schnapsl oda zwa, åba i find nit, dåss betrunkn sein sich sondalich guat ånfühlt. Vor allm, weil i am nextn Tåg imma stundnlång üba da Kloschissl häng! wäh! I måch Feieråbend - pfiat di!

@coolati: Wås'n für Sölbsthülfegruppn? "Kukidentfreies Schmusen"? ;-)
Die Zeit der Krampelen kånn i übahaupt nit leidn. Då kriag i jedes Mål die Panik wia a klanes Kind, schon wenn i es Leitn her! Ka Åhnung, warum i då so auszuck, des wår schon imma so - und i kånn's ma a nit åbgwehnen, obwohl i echt schon ålt genua war.
Vielleicht måch ma dånn im Juli a "Villacher am Bauernmårkt"-Treffn!? Låd'ma es Chrischtele samt Schnecki a ein, dånn håmma quasi a Live-Schåltung.
Mittlaweil is wieda schen sunnig worn, åba in da Fruah woa Eiskråtzn ångsågt bei meim (Nit-Mazda-)Flocki.
Scheen Nåchmittag und an festn Schmåtz aus Spittal!

Gutn Morgn ållerseits!
Nå då seint vielleicht Zuaständ harinnen, wenn man amål a bissl nit hinschaut...!? Tatschln, bussln... - då kennt ma jå glått neidig wern!
Schåd, dåss nuch so lång is bis Juli - i tat gern mit da Phoebe a Runde am Bauanmårkt drahn und auf a guats Schnapsle gehn...! Åba en Coolati muass se vuaha bussln - weil mitn Alk im Bluat werd se ansunstn gach übamiatig!!!
Håbts an scheen Tåg meine Liabn und passts auf eich auf!!!
Bussale, Lariss'chen

Morgn ållaseits!
A wia isn des då bei eich, wenn ihr des Liacht aufd'Nåcht åbschåltets, muass i des nocha wieda einschåltn in da Fruah, wenn draußn nuch finsta is???
@Frounz: Spaziern warat ma liaba als seggiern! Åba i waß nuch nit so recht, ob i am Freitåg årbeitn wer oda nit. Miassn tua i nit. Åba daweil håb i jå nuch nix åndres vur.
Sågts amål, sein eire Schneckn då harinn eigentlich nur nåchtaktiv???
Tuats scheen muntawern - und imma positv denkn, wissts eh, weil heit is jå sozusågn a klana Freitog.
Bis späta!

Seas Franzi und Fibi!
I bin lei a bissl als unsichtbåra Lesa do - dafia åba schon länga. Werd mi åba glei nuch unsichtbåra mochn und in bei Bettl hupfn. I håb nämlich a gegn an Virus zum Kämpfn, oba nit gegn die Schnupfaritis sondan gegn die Schpeibarei. Unsa Putzfrau im Büro somt Kinda liegt darnieda... - und mir is schon en gånzn Nåchmittåg schlecht. Håb jez a Nudlsuppele gschleppat und wer mein Pansn jez in die Wåågrechte schmeißn, damit se untn bleib. Krånk wern gibs nämli nit, weil morgn håb i platschweis zum tuan. Winsch eich an Haufn Xundheit und dåss eire weißn Bluatkerpalen Gewehr bei Fuß an jedn Feind glei åbmurxn, der nix in eiem Luxusbody valorn håt.
Bis morgen! (Heit gibs ka Bussale, sunst steck i eich lei ån!)

@Coolati: Då håt dei bessare Hölfte jå sicha imma a murds Freid ghob, wennst vastunkn und zrissn hamkummen bist, ha? I måg des Chemiegstånk jå ganz gern. Schon da Chemiesåål im Gymnasium håt imma vateiflt guat grochen. Mei Cousin håt als Jugntlicha imma umageboslt mit dem Zeig (heit studiert ers) - den faule Eia Gruch håb i tågelång neama aus meim Zinkn ausagebråcht.
hee... es is jå schon glei Mittåg - kånn dås sein, dåss de Wintazeit schnölla vageht???

Chemielaborant kling supa spånnend! Naa, mia vamessn kaane Höhln, nur Grundstickln, und de eigentlich aa nit sölba ( - tiepisch Beherde! - ). Åba das is a longe Gschicht...! Programme für so a Zeichnarei gibs an gånzn Platsch. Mia tuan des jå in ersta Linie im AutoCAD. Åba a Bekonnta von mia studiert Geologie auf da Montanuni in Leoben... - do gibs vielleicht Progamme, echt genial!
I gams zwår im Suma aa a bissl in da Botanik umadum und kontrollier und übamiss unsare Festpunkte, åba mastns bin i aa im Büro. Und des ålles åndere als ungern. Vor ållm is des Årbeitn mit Habara so vül ångenehma als die Stutnbeißarei vom Weibsvolk.
Wie gehtsn dir Phoebe? San die Augn schon offn oda håst auf Büroschlåf umgstöllt ;-)
Sunn kånn i da heit leida aa kane schicken - is lei grau bei mir draußn (egal, ob i Richtung Stådtpark oda Richtung Chrischtele's Hauptschul schau! - Ajo, Chrischtele: dei Gabi kenn i nit, es Reisebüro schon!).
Åba mei sunnix Gmiat werd wohl reichn...

Aufsteen.... - is jå schon höll draußn, also außa aus de Fedan mit eich!
Und gutn Morgn übahaupt.
Då gibs jå nuch ållalei wås bei eich kreicht und fleicht... - sogoa Schneckn...! A freche Schneckn, wia ma scheint.
@Phoebe und Chrischtele: Wenn ihr in Wien Riesnrod fåhrts, dånn sågs ma bescheid - i kumm dånn a hin fia a Runde! Vielleicht kemma es Hasl aa mitnehmen!?
So, jez tuats amål gscheit munta wern - i wer ma aa nuch a zweits Tassele Kaffee holn.
Mit åmtliche Griass,
eia Vamessungsmausele

I glab, do tatn anige schen schaun, wennst dei Hosen nit onhost, sondan trogn losst! - Du, dei Sally is jo a gonz a putzigs Hundale... - hob ma des Foto auf deina HP ongschaut. Gibt's do a Großaufnahme a?
Hob mi jez vollewesch ongfuttat und geh jez in mei vurgwärmts Bettl a bissl lesn.
Guate Nocht und anige schene Traam!
Bussale, bis morgn!

@Phoebe: hi hi hi... i werts eich schon nuch frua genua wünschen, dass mi wieda loswerds... - i bin jo so onhänglich!