Mah, a Lebakaas. Voll guat.
Schaut aa voll guat aus auf de Büldlen, de du ma gschickt host.
Tat i glott einebeissn ;-)

Sewas in olle!

Hoff, eich geht's guat.
De Wochn is jo quasi schon wieda aus, somit passts aa bei mir.
Murgn honi an Urlaubstog und i fohr noch Obaösterreich a Freindin von mir ibas Wochnend besuchn. Gfrei mi schon total!!

@Wastale:
Na, na, um Gotts Wülln, is jo egal, konn ma jo nit glei wissen, ob des a Mandle oda a Weible is ;-)
Jo, i bin in Wean aufgwochsn. Oba in de Ferien wori mit meine Öltan imma in Kärntn bei meine Großöltan. Bis se holt donn gsturnb send, donn worma neama untn. I bin donn späta wieda allan auf Urlaub gfohrn mit ana Freindin. So hot sich des eingebürgat, daas ma mir fost jedes Johr fir poor Tog in unsara Stomm-Pension a bissle Ruhe und entsponnung am Faaker See mochn.

@Martin:
Jo, do host recht, hiatzand kennts schon wieda aufhern mit winta und kolt. und lei mehr frühling kumen. Wobei so a richtig scheena Schnee, des warat schon scheen. Bissle umastapftn und rodln...des tat ma wohl aa gfolln.
Ins Kronkenhaus muasst??? Jo warum denn??? Winsch da olles Guate!!!

@z nix:
Grias di! Liabe Griass aa in de Sankt Eiermark!!

@Pfeiferle, mei Schotz, i hob ma hiatzand vurgnummen, wieda öfta zum schaugn. Vur ollem, wenn wieda mehr los ist. Do mochts jo donn aa wieda mehr Spass, ols allan mit sich sölbst zum Schreiben ;-)

Grias eich und an scheenen guatn Morgn!

Jo schau, voll scheen.
Donkscheen Wastale, fir de liabe Beschreibung deina Person. Sogor mit an liabn Reim.

I bin olladings ka "Er" sondan a "Sie" ;-)
Fibi werts ausgsprochn. Der Nomen kummt desholb, weil i vur a poor Johr a Hasale ghobt hob, de Phoebe (Fibi) ghaßn hot.
Do homse olle mitgfiabat mit mir do im VillahaNet und fest de Daumen gholtn, ols sie so kronk wor. Und mi gonz liab und fest untastützt und mi aufgebaut, ols se donn leida gsturbn is ;(
Des wor holt mei Kind. Mei Baby, honi imma xogt.

I bin in Wien daham. Mei Papa wor a Kärntna. Aus Fürnitz/Korpitsch.
Und i bin imma wieda gern untn in Kärntn und genieß durt mein Urlaub. Am FaakerSee. Vawondte honi kaane mehr untn. Zumindest kaane, von denen ich noch waaß. Oba vül liabe Freind. Nit allan aa durch de Seitn do. Und jedes Mol, wenn sichs ausgeht, donn gibt's a VillahaNet-Treffn unten. Des imma voll liab wor.
Leida seins mittlerweile, 3 Leit weniga ;(
Unsa Irmile, da Ruflo und unsa Coolati. Oba de sein zumindest im Herzn imma bei uns.

In da Rentn bin i leida noch nit. Do hob i noch so anige Johr vur mir, bis i des sogn konn.

Morgääähn!

Jo schau, es Pfeiferle is schon wieda fleissig. Host dein Biruf vafehlt, ha?!
Werst noch da Haubnkoch werdn!

Winsch eich a scheene Wochn,
bussaleeee....

Oij, Martin, i hoff nix Schlimmes??
Grias hinta zu dir und Barbara

Grias eich!!

Jo schau, geht jo wohl. Schaugt doch imma wieda noch wer eina.

Gezda denn Martin?
Olles supa im Ländle? Hobts siha vül Schnee!?
Mia bei uns nit an Decka.

Sewas Wastale!
Dazöhl amol a bissle wos von dir ols Neizugong. Wo kimmst her, wo gehst hin, wos tuast den gonzn Tog so?
Scheen, dass aa neie Leit einafindn do.

Mia worn amol e recht große gesellige Runde. In letzta Zeit is holt leida aa a bissle eingschlofn. Nit lei, weil leida schon a poor von uns gegongen sein ;-(

Oba se wern siha von obn mitlesn, und sich gfrein, do host recht Martin.

A liabes Hallo in olle Richtungen!
Vül Richtungen seins jo leida neama, oba a poor doch noch, wia i grod siech.
S'Pfeiferle is holt a treue Seele :)
Und unsa Schnecki wor aa amol do.
Jo grias de Paolee.
Martin, seawas!
Und an neien Nomen sigg i aa grod. "Z nix" wer bist denn du?
Aa und a Elisabeth honi aa entdeckt.

Wert jo wohl nit wieda des VillahaNet nei aufblühn, ha?

Es is holt neama des sölbe seit unsre zwa neama send ;(
Mah Kuhlee, Ruflo...
se föhln ma so schiach.....

Sodala, hiatzand honi meine Griass do glossn, weri wohl wieda weitaorbeitn.

Pfiat eich!

Ins regnen hots aufghert. Es scheint sogor schon bissle Sunn. Oba kolt is derwegn.
brrr....
Des send nit meine Temperaturn....

An scheenen Tog winsch i da

Guten Morgen!

Jo, des Wetta. Bei uns is heite aa ziemlich schlimm kolt. Mah, i gfrier. Es regnet schon seit da Nocht und so wias ausschaugt, werts die nächstn Stund nit bessa werdn. Oba am Wochnend is jo ongeblich wieda scheen. wort ma mol ab....

Winsch da an scheenen Tog.

Jo i waaß aa nit, wo unsa Pfeiferle is. I wert eham amol a Mail schickn, wies eahm geht...

Host an fleissign Buam. Brav!

Winsch dir an scheenen Dienstog!

I waaß wohl, dass es sie gibt, de Saure Suppn, oba gessn honi noch nia ane. Kirchtog warat scheen, oba is sie heia wieda nit ausgongen. Bin i zfruah hamgfohrn. Poor Tog späta hota ongfongen.
Oba irgendwon weri aa zu meina Kirchtogssuppn kummen mit Reidling.

Sodale, hiatzand is bodn gehen onxogt. Da letzte scheene Tog muass ausgnutz werdn. Ob murgn solls jo wieda fir a Zeit schiach werdn.

Ob in Pool!!!

Scheenen Nochmittog!

Grias di Kuh!

Dem Mietzale geht's guat.
I denk ma holt, aa Telefon funktioniert in baade Richtungen. Werst holt du se amol anruafn und nochfrogen. Oda fohrts hin se besuchn!!
Se tat sich siha gfrein!

Du jo, danke. Knack is mol bessa mol schlechta. Oba neama so wie friha. Des is schon wesentlich bessa wurdn und i hobs nimma so oft und so stork. Do in i schon sehr froh driba. Oba vaschrei mas nit :)

Grias di Kuh!

Scheen haaß wors am Wochnende, gä!?
I hob mi wohl gfühlt.
Heite is nit so scheen. Is zwor nit kolt, oba es ist so grau und schaugt zum regnen her. Gestan am Obnd hots aa voll gwaschlt.

A scheene Wochn winsch i da!

jo donkscheen, mir geht's wieda guat.

de nächste Wochn geht's ma noch bessa :)