Grias di Kuh!

Jo danke, bei mir is olles ok. Zumindest hiatzand wieda. Bin iba 2 Wochn auf da Dackn glegn, oba hiatzand hupf i wieda uma ;-)

Am Somstog fohri wieda mit ana Freindin noch Faak. Du kennst sie eh schon aa Kuh, waaßt eh, de Karin. Mit der i eh schon oft untn wor. und se wor aa schon beim Villahatreffn dabei. Domols beim Fruhmonn zum Beispül.

Mol schaugn, vülleicht geht sichs jo aus bei uns, dass ma mir wieda gemeinsom essn gehn, ha!?
A poor Tog bleib ma schon untn in Faak.
I hoff lei, daas des Wetta aa bleibt und nit wieda Ions Regnen onfongt..... :/

An scheenen guatn Morgen!

Soooo scheen haaß wors am Wochnende und heite is wieda so grausig. Mog i gor nit. I brauchs haaß und sunnig.

Mah Kuhlee, hiatzand host mi gach gschockt und i hob glaabt, i hob dein Geburtstog vagessn ghobt. Oba daweil hobts jo lei hiatzand gfeiat.
Am 17.12 host du jo.

Ah geh, tua nit so redn. Werst segn, du werst nuch 100 werdn!
Konnst uns jo nit ontuan und aa gehen, so wie unsa liabe Ruflo ;(
Mah, er geht ma so ob..... ;(

An scheenen, wenn aa koltn und varregnetn Montog winsch i.

Dix Bussaleee....

Grias eich!

Freitog is und de Sunn scheint.
Wos wüll ma mehr.
Endlich isa do da Summa, aa wenns lei fir drei Tog is.
Oba de muass ma ausnutzn.

Ah Kuh, i hob ma glei gor nit de Östarreicha ongschaugt, hot ma eh schon im vurnhinein gwusst, wos aussakummen wert.
I hob ma meine Italiena ongschaugt. Und sixt, wos se sein....!

Sodale, ob in den letztn Orbeitstog und donn ins Bod zum Plantschn

Dix Bussaleeeeee....

Honi eh vurgestan gschriebn. I wor auf da Insel KOS!!

Scheenen Tog mit hoffentlich vül Sunnenschein :)

Grias eich!

Auf Kos wori. A liabe klaane Insl. Und des Hotel wor aa voll nett. "Leida" mit All Inclusiv. Essn und trinken rund um die Uhr. Und i mittn drin und voll dabei :D
Meina Woog werts nit so stern, wia mi. Oba i tua eh schon wieda biiiissle weniga essn, damit de Kilos bold wieda heruntn send, de i durtn auffegfuattat hob. Is holt nit so anfoch, wenns so guat schmeckt :D

Sixt Kuh, Kroatien wori aa noch nia. Soll jo aa voll scheen sein.
I hob eh a Einlodung kriagt, zum Obefohrn, von Leitn, de durt a Pension hobn irgendwo. 550 Kilometa von Wien zum Fohrn sogt se. I bin echt am ibalegn, ob i nit onnimm :-P

Grias eich meine Liabn!

Bin wieda daham. Scheen wors im sunnign Südn Griechnlonds. Oba vül zkurz.
Mah, s'is ols warat i gor nit weg gwesn.
Wetta wor scheen, Essn wor voll guat (mei Woog sogt ma des aa), des Meer wor frisch, oba mir wurscht, i wor trotzdem drin.

Hiatzand gfrei i mi schon auf den näxtn Urlaub...a bissale dauats noch, oba neama so long, wias schon dauat hot.

Winsch eich a scheene Wochn!

Dix Bussale....

Grias eich!!

Kolt worm, kolt worm....heute saukolt und lei noss...maaahhhh...

Oba i pfeif hiatzand fir a Wochn auf des Wetta do bei uns und schmeiss mi in die griechische Sunn ob murgn. Frei mi schon!

Eeeeyyyy...ab in den Süden.....!!!

Winsch eich bis zum Zruckkummen a scheene Zeit!

Dix Bussale, noch aus Wien!!

No schau, mir homa Mitte Mai und da Herbst is schon fost beinohe gonz do. Wert neama long auf Weihnochtn sein....

Tiefgekühlte Grüße aus Wien!

I winsch eich a scheenes Wochnende und bleibts ma schheen brav!
I schleich mi hiatzand ham.

Pfiat eich und is Montog!!!

Ui, ui, ui, noch ana, der gern a poor Kilos weghobn mecht. So wia i. Oba i tua ma sooo schwar damit. I wollt bis zum 25. Mai 6 Kilo weg hobn. 3 seins erst. des wert nia wos. I iss imma wieda dazwischn noch mei siasses Zeigs. Und am Montog honi voll eineghaut. Do honi ma zur Belohnung, weil mei Knack- und Kopf am Obnd bessa wurnd is, a Portion Sparerips mit pizzabrot und ana guatn fettn Dipsauce genehmigt. Wia soll i do, mei Fett onkriagn....

Heite gibt's wieda Zucchini in irgendana Form am Obnd. Damit i zumindest mei schlechtes Gewissn beruhig ;-)

So wies ausschaugt, werts aa do glei ins regnen onfongen. Is schon olles zua und nit a Futzl blaua Himml mehr zum segn. Wind geht aa schon...

Sunn scheint, guatn Morgen!

Jo Kuhlee, i hob natirlich aa frei am Montog. Is jo Pfingstn. Do bleibt de Birotir zuagsperrt. Feiatog, is Feiatog! Gott sei Donk!!

Liabe Griass aus Wean und scheenen Tog winsch i

An scheenen guatn Morgen am Montog!

Mit Schädl- und Knackweh fongt jo de wochn glei guat on. Mir zreisst de Birn...
Des wird a Wochn werdn. Halleluja...

Eich winsch i an scheenen sunnign Tog!

Grias eich und guatn Morgn!

Jo danke Kuh, geht ma eh soweit guat do in Wean. Send a poor Leit um mi, de schaugn auf mi, wenns nit so is und schon passts wieda :)
Oba trotzdem gangats ma in Kärntn bessa. des is fix!

Gonz stüll is heite do im Biro. Kaana do. lei a poor so orme Wirschtln wia i, de on dem heitign Tog orbeitn miassn. Oba paasst schon so. Do is wenixt a Ruah und i konn tuan, wia i wüll.

Sunn scheint schon gonz leicht, wert vülleicht doch a scheena Tog werdn und wer waaß, vülleicht aa a scheenes Wochnende. Wort mas ob...

Muttatog is jo am Sunntot!

Winsch eich daweil amol an scheenen Tog....

Halli, hallo am Montog am Nochmittog!

Wüll nit recht scheen werdn. Ziagt so uman. Mol blau, mol grau. Wind geht ah. Nix zum groß Spazierngehn.

Mah, i hoff es wert bold da Summa kummen. Hiatzand is schon Zeit. Bäda hom aufgsperrt!

Ah, hot unsa Haubnkoch in Kanada wieda fest den Kochläffl gschwungen. Mah, a guate knuschprige Kruschpl auf an Schweinsbroten. Des wars hiatzand.... mmmmhhh.....

Bei mir hots heite gfüllte Zucchini geben. Is noch ibageblieben von gestan Mittog. Honi fleissig gikocht. Wissts jo eh, i bin am Gemüsetrip und xund essn.... NOCH holt i durch....
Is jo lei a Monat....lei a Monaaaaaat....uuuaaaahhhh.....i hätt schon so gern wos gscheits...so an Schweinsbrotn vom Pfeiferle zum Beispül....lei de Kruschpln...