hihihihi, jo, jo, da orf is echt a schaaß senda. ui, derf ma des so sogn? na egal. stimmt jo. lei wiedaholungen und werbung.
und
@ruflo: stimmt, i ärga mi aa imma bei an fülm, wenn des ende irgendwie föhlt. do konn ma gor nimma dem scheenen ende nochplärrn, folls der fülm traurig ausgongen is, weil schon de werbung einekläscht. und schon is vurbei mit einelebn in die schlussszene nuch bevurs ongfongen hot. do hupf i donn aa imma im zick zack iba de couch...

QUUUAAAAAAAACK!!!!!!!!!!!!!!!

honi grod giklickt. i hoff es tuat sich wos. hot so komisch giton, wie i auf olle 4 sterndlen gidruckt hob. schreibt imma fehler auf der seit der hund der....

morgnstund hot gold im mund....
.......spuck, krächz, spuck, tui, pfff..... so hiatzand is herausdn, des gold. weil i tat liaba schlofn, ols do im biro sitzn und mit meine augn kämpfn. de anfoch nit und nit obn bleibn wolln. oba bis zum mittogessn werts jo hoffenlich aufgebn hobn und nimma zuafolln sondan offn bleibn. sunst konn i mein papa kaa essn gebn. sunst sigg i jo nit, wos er wieda fir an matsch kriagt, den i eahm gebn "derf". wäääh, des grausige klump, des grausig....

eich an muntaren morgn... :*

pooh, ich platze.
i hob heite so an hunga ghobt zmittog, doss i 2 mittlare - oba dünne - surschnitzl mit majosalot vadruckt hob und hintnoch noch an haufn mousse au chocolate mit schlog und erdbeersauce. hiatzand kennts mi rolln

oba scheinbor honis gibraucht. hungrig bin i jednfolls nimma

morgen, montog is, iiiiieeeehhhhh!!
und noch dazua a so a schiacha graua frischa. pfui, pfui, pfui.

hihihi, da papa hot gestan nochmittag fest unsa bea in beschlog gnummen. hot sie dazöhlt, doss er fest mit ihr gredet hot und sie ausglocht, weil sie kaa ohnung von sponnung und strom hot :D
i glaab echt, es tuat eahm guat. bei ihr kummt er mir so ruhig vur am obnd und schloft imma glei ein.

am somstog dirft i eahm ibafordat hobn. von holba zwölfe bis ans wor amol mittogessn und nochspeis. donn bin i sölbst gach essn gongen und uma viertl drei wieda eine.  worma einkaafn beim hofer, im zimmer jausn essn, donn beim billa, danoch in an park und olles innerholb 3 stund. des wor donn doch a bissle zvül zum schluss. um 5e beim obndessn isa donn schon ziemlich fertig drauf gwesn und donn nit und nit eingschlopfn. uma holba 8e honi donn aufgeben und bin hamgongen. obwohl währenddessn hots ihm getaugt und hot ma onxogt, wos i olles einkaafn muass. na wurscht, honi holt des olles zommengitrogn und eahm holtn lossn. zum schluss bei da kassa hota donn gmaant, er hätt sei göld grod nit dabei, soll holt daweil i zohln  liab irgendwie. und wiedarum voll traurig. so is des lebn holt.... und hiatzand honi lauta zeigs daham, wos i nit brauch

pooh, bin i heite miad. kaum scheint kaa sunn, druckts ma de augn zua

hihihi, gö, monchmol kummt anfoch nuch nit mehr aussa.
oba hiatzand gehts schon. hiatz honi mei stimm wieda holbwegs im griff ;)

heite gibts obwechslung zum longweilign birolebn. heite fohr i am vurmittog mit ana refarentin zu ana ortsvahondlung mit. streitn zuaschaun. wori eh nuch nie mit bei sowos. guck ma mol, wos sich do so tuat.

i winsch eich an scheene freitog,

bussaleeeeee.......

15.07.2011 14:17:
sodale, von da ortsvahondlung retour. wor echt amol interessant sowos. udn wos is aussakummen. ursprünglich wors a freindschoft, donn is zu an nochborschoftsstreit kummen udn hiatzand wert feste ongezagt. und der der onzeigt, kreigt jetzt wos vur de tir gsetzt, wo er ursprünglich eigentlich mit seina onzeigarei vahindan wollt. schräg des gonze :D
oba so konns gehn, wenns bleed herschaut und zvül wirbl um wos mocht, wos seit 20 johr geduldet wor. hiatzand is es offiziell und er konn einschaun gehn. und es wert noch mehr durt on autos umastehn, ols de 3, 4, die eahm seit kurzn stärn. jetzt is durt offiziell parkn erlaubt. fir forst jedn.

najo, so a mittogsschlaferl is schon wos feines. des hätt i ma friha aa nie vurstölln kennen. hiatzand moch i des schon sölba, wenn sich die zeit ergibt am wochnend :)

@ruflo: stimmt. i bin echt froh, dass es die bea fir mi gibt. kennts ma nimma vurstülln ohne sie.

donkscheen fir die bleamlen, die rotn.

donkscheen ruflo, geht eh guat.
die bea wor gestan voll liab und hot mi am nohmittog ins bod gschickt und hot stott mir den papa-hüte-dienst ibanummen. mah, hon i mi gfreit. und dem papa dirfts aa gitaugt hobn, so wie sie ma donn am obnd erzöhlt hot. wora gonz ruhig bei ihr und hot brav gessn und is donn lächlnd eingschlofn, wie sie nebn eahm beim bett gsessn is.
wor siha a tolle obwechlung fir eahm. amol a ondres freindliches gsichtl.

morgääääähn, meine liabn :)

winsch eich an scheenen dunnastog.

bussale

oij, oij, sovül zohnorzt. wääääh!
orme irmi :(

i wor gestan aa beim zohnorzt. olladings mitn papa in da ambulanz am vurmittog. homse eahm wieda an zohn ziagn miassn. des haaßt, wos davon noch übrig wor. is nämlich schon wieda a zohn furt gwesn und senen do drin is nit aufgfolln. des restl davon wor nuch im zohnfleisch.

mama hot gestan aa ongruafn. gfollt ihr guat. scheen ruhig sgt se is es in bad schönau! hoffentlich bringt des durt wos fir sie. schwer untagewichtig is, hobn ihr durt de ärzte xogt und ihr vüüüül essn vaordnet :D

blau mit sunn hot sich in grau mit regn vawondlt.

aa egal. i fohr jetzt zum papa mit eahm a bissle umarolln im hof. folls zum tröpfln aufhert. sunst gibts lei empfongshalle und aquarium schaun....

pfiat eich!!!

guatn morgn on dem sunnign montog!

@schnecki: donkscheen fir des scheene bleamle.

mama is seit gestan in bad schönau auf kur. i hob jo nit dron giglaabt, doss se wirklich fohrt. tausnd ausredn hätt sie jo schon vurher vurgebrocht, um des olles obzusogn. oba donn is se doch gfohrn. schau ma mol, wielong sie bleibt. ma konn jo aa wos erfindn, um friha ham zum fohrn.... ;)
daweil tat ihr des so guat amol weg von ollem.
i schau jo eh zum papa eine die näxtn drei wochn. wert mi mit meina tanto obwechsln, damit er nit allan do drin is und immer wer bei eahm is um des essn zum gebn.

sodale, hiatzand amol a bissle orbeitn....

bussale!!

danke, gnack passt im moment holbwegs. lei mei pumperl spült varruckt.

jo, zeignis wor bei uns schon letztn freitog. oba in singen, religion und zeichnen, do honi ma imma siha sein kennen, dos i an ansa kriag. bei mathe und englisch, jo, des wor a bissle haglicha ;)
oba gott sie donk werma mia hiatzand nimma benotet :)

guatn morgen eich ollen!

hui, do blosst hiatzand da wind. erst wors so scheen und auf amol fliagn olle zettlen durchs biro. und darausdn liegn de baam schon fost so druckts da wind um. wos soll denn des?? kummt do leicht a wetta, ha? huch, muass i mi glei wieda firchtn. gott sei donk bin i unta doch.

dickes bussale fir olle!