gott seis dank - unserm ruflo gehts guat
i hoff den ondern ah.............
olln an scheenen sunntig
10.04.2011 07:28: Jo des woar sebm, wie mi da storch hot getrogn- do hob ih eahm wolln hamlich ins uhrwaschl sogn:
DU - bring mi lei zu ane reichn leit! glabts der hätt glost? na der is gflogn wia nit gscheit!
Ih hob hold gegenkt: der tuat nit gern redn und we...nn schon donn holt nit mit an jedn!
ba gach fliegt er obe - ich siehg schon genau: unter uns a großer a stottlicher Bau!
oba a bissl daneben, ih konn mi nit teischn, a gonz a zalumperte windschiefe keischn!
und grod über dera ziagt er sein kras! mei lieaba selm woar mir des erste mol haß!
ih bet in mein innern: schwenk ume zum haus! liaba storsch loß lei hiatza nit aus!"
oba glabts der hätt ernst gmocht mitn umeschwenkn? NIT AMOL DENKN
10.04.2011 07:31: no ans muaß ih sogn: trotz mein bockign gwirr, in da keischn hom se a freid ghobt mit mir!
do hon ih gedenkt: no glebt is holt glebt - und hob in da wiagn zan singan onghebt!
zerscht woars a HALLO - oba donn bei der nocht do homs a grantigs g...sicht dazua gmocht!
"da popa wos der do zsommanplärrt!" PLÄRRT homs se gsogt! ah hobts des wohl gheart?
des geht gegn mein stolz! zerscht hob ih tumm gschaut, oba donn sing ih los noch amol so laut!
nix gnutzt hats. de hams ums sterbn nit kapiert, hamt gmant des is olls aba nur ka liead!
oba ih hob weiter gfurmt und lustig gebrüllt - se hams nit begriffn - da vota wird wüld!
"des wear ma jo
sehgn, ob du nit stad liegst!" und hot mir a poar hintn aufe gwixt!
no!!!! hiatz wars aus, des hot mi getroffn zerscht bleibt mir der mund vur schreckn weit offn,
DONN hon ih geplärrt - oba richtig verstärkt! - und glabts des, da vota hätt eppar bemerkt?
das ih mi wegn seiner tua giftn und kränkn? NIT AMOL DENKN!
10.04.2011 07:33: und noch bin ih zum schugeahn kemman! ih hobmi holt noch so kennt zsommannehman,
ih hobs nit dalernt - vaflixt und vakehrt wo a pinktle muaß sein wo a beistrich hingheart!
amol.hom wir ghobt in da schul a diktat, mei orbeit , so long se woar ...und so brat,
ols rote kreizlan von hintn bis vurn... nojo ih bin holt zum rechtshreibn nit gebuarn!
da vota des gsehgn schon hot er sein ream, und haut mi... oh gott gonz sakrisch mit eahm!
zerscht hob ih gebrüllt und donn so zan biaßn hob ih de fehla vabessan miassn.
ih setz mi lei zuaba, den blei in da hond - un dwirkle ih hob holt nit soviel vastond,
do frog ih den vota er sollat mir sogn wo ih de beistrich soll richte eintrogn!
und glabts DER hätt kennan de beck eindarenkn? NIT AMOL DENKN!
10.04.2011 07:35: die lies hob ih gheirat. zerscht woars jo gonz schean. oba bold hot sie sich sölba aufgspült als herrn!
"um ochte bist zaus und 2 kriaglan nit mehr! wennst mehr kriagst donn krieagst es! des lebn is schwer!
amol bin ih hamkemm in mir woar vie...l mehr als sie mir dalabt hot! jo s leben is schwer
sie steht do in nochthemd im lompnschein und hot in da hond unsre blecharne rein,
die große zum wuchtln und reindlicg bochn! uhje ih hears auf mein schädl schon krochn!
ich ruaf ihr lei zua hau nit mit der rein mit anwenkn werds se niamma zan bracuhn sein!
oba glabst de hätt sich gscheart um an wenkn? NIT AMOL DENKN!
der Dauagrinsa