ingottzwülln, i wollt mi jå zruckhåltn. åba naa - es muaß ausa, sunst zadruckts mi: hiatzt gråd, beim kuffeetrinkn, hån i gmiaßt umeschaugn aufn defau, weil mei mitzale sowås so vül gern siehgt. i såg da, då håmtze ghochzeitet. na, sowås scheenes håb i iebahaptz noch nia nit gsehgn. und de scheenen damen - de håmt ålle hiat aufm köpflen ghåbt - anige håmt wohl ausgschaugt wia schåchtl mit deckl, åba a påår wårnt richtig wundascheen. a braut håb i gsehgn, mit fedarn wia reiha, oda moorhuhn, und ane håt an büblischn dornbusch aufn kopf ghåbt.... wånn de lei nit ånfångt brennan... und a kinig wår aa dabei...

@kuhlatti: aa, maanst eppa, i hättet an so an wåmpm, wånn i bei de vierberga mitmåchn tuan tatet, ha? und zu deine fråg zwengs da kamara: jå!
@christiane: jå mei, brunna, schpittal....
i tatet jå so gern wieda amål nåch schpittal aufe fåhrn, åba find i nia. ållaweil, wånn i maan, i håbs ångetroffn - bin i schon wieda drausn...
pfiateich

årma wuhte - åba heit håb i meine acktifitetn auf meina hommpeitsch ausgetobt, damit der årme heita amål a ruah håt vur mia.
scheens wochnend enk ålln. pfiatenk, des hund, bleibst xund

sodala, aan noch, åba dånn is knuck fier heit:
bin i hiatzt vur a påår tåg mit dem yukon, dem tino und dem bello (des san echte hundling!) schpaziern gångan, håb i wolln aane scheenen büldlen fier mei hommpeitsch schiaßn, weil de årman gäul, wo hiatzn drauf sein, de stehn sich jå schon senare haxn in bauch.
då hupfm ma zwa von de flokattis in die kniaköhln, i fliag auf die schnauzn und mei olumpus weit aus.
hin is se.
nix mit büldlen.
bin i åba glei nåch feistritz ause zum aldi, der bei uns hofa haaßt und zua dem se lidl sågn und håb ma a neiche zuaglegt. (kamara).
stöll da vur, de måcht aa büldlen!
und hiatzt druck i wia varruckt aufs knöpfle und håb schon an haufn fotigrafien fotigrafiert. werd nix dauern, wer' i mei hommpeitsch a biessle apdeitn.
hoffentlich låsst mei acktifitetsschub nit vurher nåch. pfiateich. heit såg i nix mehr.

gellt, andaleee, heit håb i wieda an acktifitets-schub. sowås tatetn de ån da scheenen graubraunen donau brauchn. åba nix - geht nix weita, lei in sölbstbeweihREICHERung vasunkn und mit senare eigenen bropleme beschäftigt. wås solls. mia zwaa können lei bleed dahermauln und aa nix ändern. då kummt da lei mehr es große grassern.

@wuhte: waaßt, wås die wimitz sein tuam? wånnst an so an tutta mittn im g'sicht kriagst, - ieberhaupt in da bubertet, då hupfnt se lei so ausa aus da haute, - då kånnst nåacha sågn "schaug amål, wås i då fier an gölbm wimitz mittn aufm pöppl hån!"
ålla klår, scheffe? pfiatdi, seas

jåjå, andala, siehgst, is aa wieda guat, dass ma mia zwaa ålte teegl kaane scheffe mehr håbm tuan als rentna-manndlen. brauchn ma mir kane schtråfårweitn mehr schreibm.
haha. :)))
håmma lei mehr unsare mitzalen und lenelen, und dånn seimma wieda bei die nudlwålka glåndet, von de wo ma mir gestern gredet håmma. seas, ålta

wundasåme effenvamehrung: z'erscht håmma a efpeö g'håbt, de wo lei schon fåst beinåhe båld gschturbm warat.
dånn håt jörgi unsa a måchtwörtle ghaucht.
hiatzt håmma die blauen effen, de wo de blaunen sein tuamt, di arantschenen bierzöltla (Bier Zöltlavarein Ösistan), unsare vülgelipten Barlamentaria, de wo beim BZÖ dabei san åba noch FP-Klub haaßn tuamt und dånn håmma noch an haufn von årme hascherlen, de wo nit wissn tuamt, wo se hiatztn nåacha hinghearn tuamt, åba de wo wissn, dass se bei da schissl bleibm miassn, damit se nit vahungarn. kennst di aus? i nit. leilei.
seas, des hunt, bleibz xund.

supa, andaleee.... und wås håst denn nåacha gfültart, ha? hoffntlich an guatn kuffee....

haha, prawo, da kuhlatti schreibt schtråfårweit...

a wås, sch...(iachs) haischpied... ka ångst, kuhlatti, i drah aa nit durch, wia du sågst "is jå ka wålza".

so, åba hiatzt miaßn mia zwaa båld in deckung gehn, håst dås gmerkt, andaleeeee, wia es fiellaha-net schon tsimlich ån weiblicha ieberbefölkarung leidn ånfångt? da wuhte werd aa miaßn a biessele efta einaschaugn, nåacha werds schon irgndwia gehn.

waaßt eh, die weiblichn wåffn sand un hammlich gfehrlich: nudlwålka, kochleffl, pragga, reindln und tschreappm, de ålte vawåhrtagglte omlettnpfånne, und noch åndare kiechenudensilien... und miniröcklan und .... au weh...

i håb eh schon a påårmål xågt: da herr im haus bin ållweil noch i, weil untarm tisch kral i aus wånn iiii wüll.

wånn fåhrst denn es näxtze mål in tuttifrie-schopp?
pfiatdi. ålta, seas wuhte und a påår simmpolische fier die damen....

he, kuhlatti, waaßt nit, dass i klaass schiaggln kånn? a aigl rechts aufs evale und es åndare links nåch baian ause. sehgn tua i wia da lutz (oda wia des viech haaßt) - meine guggan håt ma da primarius untakircha in klafurz im lkh auf vurdamånn gebråcht. und auf die andy wårt i mit meim heahnaaigl dass se wieda amål kummt wånn se kummt.
ka wunda, dass ma mia ka haischpied-net kriagn, dås uns unsa gelipta fpö-boss vaschprochn håt, gibt jå ka fpö mehr, lei mehr an bajenzichtavabånd. oda a bierzöltvaeinigung oda wås dås BZÖ haaßt.
seas ålta.

näxta akt im kaschpale-tiata: hiatzt håt da kuhlatti an potz und mir in ösistan håmma an böz. :)))
båa, bin i åba glåcht, haha.

du, christiane, i maan, da kuhlatti håt da a fålsche iemääl-adress ångebm, der hundling, muaßt glått amål browiern, ob se passt. seas.

jå bravo, gaxt werds lustig bei uns. noch a diandle - suppa, a herzliches "seas" ause zua de bajuwaren!
wåsisnmitdemandylelosha? tuat de eppa noch imma aufn ostahåsn wårtn odawia? nåjå - sanktfeit - waaßt eh - a biessele hintnnåch, åba sunst recht liabe leitln :)))