|
|
|
| ruflo am 31.03.2005 17:20 (vua 7698 Tåg) |
@kuhlatti: i wårt seit da ånmöldung hiatzt schon 7 jåhr auf ADSL. nix geht. i waaß i eh, dass ma mir a biessele åbseitig gelegn sein, und dass es sich nit auszåhlt fier de påår gamsnkampla a ånschtändige telefonleitung zan valegn. die delekumm sågt "de då obm aufm berg solln ålmrausch klaubm und da sennarin wås vurjodln, åba nit im intanet sörfn."
okee, agzebtirt, åba dass uns då aana wås vaschpricht, sogårn im orf und in de zeitungen wårs drin, und mir gfrein uns umasunst, - dås giftet mi.
haaße luft. wia es maaste, wås då von untakärntn, von unsriga gelobtn låndeshauptstått aufa kummt. haaßt nit umasunst klaagenfurz.
wånn i noch amål 7 jåhr wårtn muaß, brauch i echt ka ADSL mehr. åba ålmrausch aa kan und jodln kånn i aa niamma. lei mehr mit meine baana åls gschpenst kleapparn. haha.
a simmpolisches- åba nit fier di, lei fier dei lenale. und vonmiraus fiern fluffi.
seas, ålta. bleib xund |
| ruflo am 30.03.2005 18:39 (vua 7699 Tåg) |
evale, wånn du a påår runzelen håst - måch da nix draus. gscheita a påår ehrlich erwurbene runzln und faltelen åls wia a gsicht, dås a dockta mit schpritzn eingschläfert håt. oda wo se hinta die uhrwaschl so ane årt locknwickla befestign tuamt und nåacha die haute schpånnen und z'såmmrattln. is a graus, wås man då so ausm tefau gach amål ausaschillern siehgt. scheen gruaß vom sillikonn. und a simmpolisches.drauf. seas! bleib xund! |
| ruflo am 30.03.2005 17:51 (vua 7699 Tåg) |
he kuhlatti, uns håmtze schon vur jåhrn a schnellares intanet vaschprochn. nix då, noch ålweil nit. i kånn leida nit mit haischpied sörfn, mei modem fåhrt mit 2 bis maksimal 4 k/sek dahin wia a schneckn. und i zåhl mi derwegn deppat - i geh lei aufd nåcht oda in da fruah eine ins net, wånns billiga is. derwegn hålt i mi mit meine gummentare aa z'ruck. sei froh, sunstn tatest du di jå går niamma dawiehrn......
bist eh a ålta scharmöör, tua di lei du a biessele ums evale kimman. |
| ruflo am 29.03.2005 18:33 (vua 7700 Tåg) |
du, evale, a merkest wohl, de lötta, de gfrasta - kaum sehgntse a kittele wachtln, schon wern se heeflich und bålznt umanånda åls wia de aawahåhnen. augn zua, fliegl ausgebratet, schwånz in d' heah und durch.
i bin nix heeflich, i såg da die wåhrheit mitn ins gsicht: i schätz di nit auf zwanzg, sondarn auf anezwanzgahålb.göll, håb i recht, ha? |
| ruflo am 29.03.2005 18:28 (vua 7700 Tåg) |
a so a simmpolisches gschmatzrach und gschmusrach då harinnen. wånnst a runzlate wångan brauchst, nimm meinige. åba nit z'laut schmatzn, sunst heart's mei mitzale und i muaß wieda untern tisch eine.
i hättet a a ritzept fier an reahrdlsålåt fiern kuhlatti: gehst ins wirtzhaus, såmmlst durtn ana reahrlen wo die gäst limo gsoffn håbm, schittest daham a schmieröl drieba und haust des zeig durt hin, wo dei fluffi (=kåtz) ållweil würschtlen fabriziert. passt guat dazua.
und du tuast da zum gwierfltn schpeck an bauernpimps åbaschneidn.
mmmmhm - dås schmeckt, werst sehgn!
i såg da, evale, a so a rentnamanndl håt an schtress - nitamål "seas" hån i noch gsågt zu dir. also: seas, griaßdi und a simmpolisches! |
| ruflo am 29.03.2005 06:27 (vua 7700 Tåg) |
siehgst, kuhlatti, schon wieda a untaschied: des steckts die hosn ins ofnrohr, damit se dreckig wer'n, mir tuamma se in die wåschmaschin, damit se sauba wer'n. und wer kane håt, nimmt a rumpl.
åba hiatzt håb i echt genua von die ostan. wer'n eh båld die niggelo und grampus in de auslågn stehn, wearst sehgn. |
|
|
|
|
