|
|
|
| ruflo am 10.10.2012 10:11 (vua 4433 Tåg) |
es roate stiermanndle håt. zwengs de fuffzg mülliohnen werd der niet årm. und die riklahme bringt ållas wieda zruck. und noch mehr sugår.
und des höllium ies a gschiecht. wernd ålle manndlen in njumäcksikoh, de wo des einschnaubm tuamt, a stiemm kriagn wia die christakummer. hihi. oda wia da bähnsionirte schifåhra in da reibeisn-riklame.
... åba aana ies jå wohl ghupft und håt siech nietamål den haxn gibrochn: www.facebook.com/ajax/flash/expand_inline.php
|
| ruflo am 10.10.2012 08:35 (vua 4433 Tåg) |
schnecki, nit iergern, is bei uns in austria aa niet vül ånders als wia in tschermänie.
da glieckliehe felix ies a biessale ungliecklieh. håt a luftigs lüftle ållas z'niechte gmåcht. ies er nix ghupft. valleicht murgn odaso - wenn niet da petrus wieda aan fåhrn låsst und den gånzn mülliohnenaufwånd miet aan aanzign wienzign fürzlen zaplatzn låsst. naanaa, idäen håmze die leit ...
wenn er noch a biessale weita aufewärtz fliagn taatet, da felix, taatet er valleicht am mond låndn und könnet durtn es mondkalble bigriaßn. haha ...
tu felix austria bleibst am bodn und brauchst går niet åbehupfm - biest eh schon gånz tiaf druntn mit karlheinz und ginossen, mit harald und konsorten, ...
uns kånn a kaa minifürzle aus da ruah bringen, solångs då bei uns settene paua-schaaß gips und siech noch ållaweil kaana die nåsn zuahåltet und amål ånständig lüftet ...
wientsch eich an guatn morgen und an scheenen tåg. |
| ruflo am 09.10.2012 11:36 (vua 4434 Tåg) |
i håb's mir ieberlegt, iegahl wås da dober nig sågg: i bin a kärntna und låss mir des von neamdn vurschreibm, ob i's aa sein terf.
und wenn unsre diandlen niex mehr kummen, brauch i senen bleamlan aa kaane mehr brockn. nudl.
|
| ruflo am 09.10.2012 07:59 (vua 4434 Tåg) |
an guatn morgen und an scheenen (???) tåg eich ålln. mummentahn ies es noch neblig triab, åba wås niet ies ...
und murgn ies da kärntna fajatåg. kärntna ånzug håb i kaan und i möcht mir aa kaan zualegen, solång des bei uns iemma noch a so a årt gidenktåg fier eppes ies, wås fåst hundert jåhr zruckliegt und iemma noch so vül ewiggestriegen ånlåss fier hetzarei und auffrieschung da bluat-und-bodn-bolüdük ies.
wånn werd des endlich aufhearn und aa bei uns då ånkummen, dass mir im aanezwanigstn jåhrhundert leben und niet im lånd "wo man mit blut die grenze schrieb"?
i werd des siehalieh niamma erlebm, åba i hoff es beste fier unsre kienda und enkalan, dass de endlich in an landlen leben können, wo toleranz und gideihlieches mietanånda vurherrschn und niet engstiernige vabohrtheit und ignoranz. und in dem sinn wientsch i eich "dober dan" - åba niet dober nig. *)
___________________________________________________
*) des sågt aana, der vur fåst 77 jåhr in villach geburn wurdn ies, und der hiatzt niet waaß, ob er a echta kärntna ies. ies wohl sei gånzes långes lebm dådedå dahaam gwesn. und sei våta ies "fürs vaterland" am schlåchtföld gebliebm. åba sei muatta ståmmt ausm gailtål ... und då kånn man jå nia so ginau wiessn ... (aa wenn da großonkl die ehrnbürgerschåft da stådt villach valiehn kriagt håt). werdn mir hålt amål beim herrn låndesråt nåchfrågn, wås er maant.
|
| ruflo am 08.10.2012 07:17 (vua 4435 Tåg) |
iwer'naarrisch.... drei gräder håtz lei ... åba wenigstns wolknlos ies es.
i wientsch eich an guatn morgen und an scheenen tåg! 08.10.2012 09:10:andale, frågst hålt nåch da goggelore-åbteilung bei da auskunft. werst sehgn, werntze da glei zaagn wo du hien muaßt. seind jå ållas liabe leitln då untn im elkahaa. a påår seind wohl grantig und hantig aa, åba könnent jå niet ånders, seind hålt klafuziana und fier des könnentze niex dafur. åba paass auf, dass sie di niet zu da goggalan-åbteilung schieckn, weil des ies gånz wås åndriges und låss di lei niet durtn operirn .... goggelore und goggalan seind vaschiedene hiat. jå.
es bleamle fir unsre weiberlen ies schon a biessale tschunggert und tschaupert. åba wen tuat des wundern? ies jå schon hierbest.
www.flickr.com/photos/dueller
farm9.staticflickr.com/8457/8066035648_df3c418b2d_b.jpg
|
| ruflo am 07.10.2012 10:37 (vua 4436 Tåg) |
kuhle - mir ies da gspreizte gockl eigntliech niet åbgången, i find da "neiche" håtz guat gmåcht. ies recht sümbattisch, und wås nit gepasst håt, werd schon noch werdn. ies hålt noch kaa maasta vom hiemml åbagipurzlt. und des ies guat so, der taatet siech wumöglich daschlågn odaso.
hihi, du ålta tschicka, åcht jåhr håb i des låsta schon im schubladle giparkt und durt drienn bleibtz aa. nudl. (pasta)
|
| ruflo am 07.10.2012 10:25 (vua 4436 Tåg) |
jåjåjå ... des wientsch i eich aa. i håb niet vaschlåfn, naa, åba i bin fuxteiflswüld ... håb i miaßn fier an guatn nåchbårn aane einlådungen druckn - und wer die murphy'schn gisetze kennt (wenn wås schief gehn kånn, nåachan gehts a schief) der waaß dass des stiemmt: im drucka huckt a wienzigs klaans manndle, dås treibt aan possn nåchm åndern, låcht siech es wampale voll und tratzt di bies zum gehtnietmehr. wenn da vapåtzte årbeitsgång aledigt ies und i mi ginua gigiftet håb - ies ållas wieda okeh und des degene rumplstülzle geht wieda schlåfn. bis zum näxtn mål. sauarei des. åba kånnst niex måchn, ies hålt a so.
sodala, hiatzt håb i mi ausgitobt und hiatzt nochamål von vurn:
wientsch eich an guatn morgen, an prächtign sunntåg und bleamlan fier die dahmen:
www.flickr.com/photos/dueller
farm9.staticflickr.com/8033/8061898721_8e93d2b496_b.jpg |
| ruflo am 06.10.2012 10:02 (vua 4437 Tåg) |
die sally kriagt kaane jungen, de håt kastritis und kånn kaane kriagn. den bauch håt sie siech zuaglegt, damiet dass da spruch stiemmt "wia da herr, so es gscherr". |
| ruflo am 06.10.2012 07:52 (vua 4437 Tåg) |
moin!
naaa - tschuligunk - so sågg man als kärntna niet. "griaßeich" klingt aa vül beessa.
an guatn morgen und an wundscheenen såmståg eich ålln und a herrliehes wochnend wientsch i eich. die christakummer ausm orferl håt uns wohl wieda kummer bereitet und fier sunntåg niet går so scheens weetta brufezeit - åba mit sunne im herzn werdn mir des aa ieberstehn
werds des heit in nötsch a plentn vatülgn? oda miet da dimona oda an segla vom intanäschonäl-polenta-ährport LOKN fier a runde in die lüffte åbhebn? i bin schon viermål mit'm zwaasitzign luftzeig, mit da dimona zu rundflüge gstartet (büdlen auf meina flickr-seitn) und a jeda flug wår a erlebnis. hiatzt gehts leida niamma, i dasteig niamma eine. åba die erinnerung drån ies ållaweil noch lebendig.
ålsdann, gemmas ån: morgenrunde miet die zampalan ies ånxågg. und vielleicht bring i aane büldln miet. oda aa niet., werdn mir schon sehgn.
06.10.2012 09:30:då ies des vasprochene büldl. des håbbes åba niet gwusst, dass da ruflo an heilignschein håbm tuat? www.flickr.com/photos/duellerfarm9.staticflickr.com/8042/8058730538_d6b7a71b8a_b.jpg |
| ruflo am 02.10.2012 07:33 (vua 4441 Tåg) |
an guatn morgen wientsch i eich und weil i heit nix dahaam bin, bin i furt und wientsch eich hiatzt schon an scheenen tåg. ållas guate fier eich und bies murgn. odaso. |
|
|
|
|
