grias eich olle mitnond!

hoff es geht eich so holbwegs guat wenn nit sogor voll guat!!! wos natirlich nuch vül scheena warat.

mei gnack hot sich de letzn toge wieda scheen onschaugn lossn. de orme bea hots eh sölba mitkriagt. do triff i mi mit ihr und geh glei wieda ham.

@bea: tschuldige noch amol. es hot ma echt laad giton, doss i lei so kurz gibliebn bin. am näxtn tog bei da wohl  ob 6e in da frih is nuch fest weitagongen. i hob schon kaum mehr schaugn kennen durt im wohllokal. und wor erst uma holba neine am obnd daham. des wor schon a zacha tog der wohlsunntog.
am montog honi ma donn in da frih spritzn gholt beim orzt und bin aa daham gibliebn.

@pfeiferle: donkscheen fir de geschenke. unsa bea hot ma olles mitgibrocht und ibagebn. i hob mi sehr gfreit.
danke aa fir de vorgezogenen geburtstogswünsche. muasst oba nuch an tog wortn, weil i wer erst murgn um aa johr ölta ;)

 pfuuuui, mog i gor nit....

mooorgääääääääääääähn!

mah, bin i miad. honi heite schon wieda an dreck gschlofn. hob voll nix gscheit einschlofn kennen. wor siha bis holba 3 nuch woch. *grmpfl*

und heite schau i schon wieda drein, wia so a autobus. dafir sollt i munta bleibn. bzw. nuch werdn. uma 6 aufd nocht honi wieda mei kroft-turnen-zeigs. wääääh! wenn i durt einschlof fliagt ma vielleicht a so a drum auf mei kopfale. geht doch nit ;)

sunst gehts daweil wieda a bissle mit mein gnack. de spritzn hobn doch a bissle gholfn letzte wochn. oba schau ma mol, wos es murgn in da frih noch dem heitign obnd sogt.

an scheenen sunnign mittwoch winsch i eich!!

nix neies zum berichtn. aussa, daass i schon wiede in de letzten tog voll gnackweh und kopfweh hob ständig. oba des is ja eigentlich aa nix neies ;)
drum gitrau i ma nuch nit sogn, ob i am 2. oktoba zu eich kumm. wenns so is wie de tog, donn pock i des nit gonz mit autofohrt und ollem. des is ma donn zu onstrengend. bringt jo nix, wenn i extra zu eich fohr, udn donn beim onkummen, leg i mi schon ins bett. oba wie xogt, schau ma mol, wie sich des entwicklt in de näxtn tog.....
muass jo bold wieda amol a ruhepause aa kummen von den schmorrn. nit lei a holba tog ohne schmerzn.

daweil a dickes bussale in olle richtungen.... *schmmmmmmatz*

mooooorgäääääääääääähnnnn!

gezeichehguatha???

i hoffs jednfolls.

@bea: wesholb muasst denn sovül lochn? dazöhl ma aa wos lustiges. mir schloft do herin eh schon des gsicht ein.

oba: i sigg wieda beim fensta ausse. plastikfolie is weg. juuuhuuuuu - kummt wieda luft in de heilign hallen des magistrats....

an scheenen, ruhign mittwoch winsch i eich ollen!!

dickes bussale

grias eich und an scheenen montog!

wetta konn i eich kaans sogn, weil i leida beim fensta nix ausse sigg. homse ma heite glott so plastikfolien vur die fensta gipickt. hiatzand konn i ma zumindest einredn, do scheint de sunn goooonz siha drausdn ;)

massage honi heite in da frih aa wieda kriagt. homse ma valängat, weil des guat is fir mi hot de ärztin gmaant letzte wochn bei da obschlussuntersuchung. is ma aa nuch nie passiert. passt schon! und wieda so a 3-monats-turnen. olladings diesmol in da kroftkomma. imma dienstogs und dunnerstos vier 1,5 stundn. weri echt bold muskln hobn wie da arni  

sodale, auf in de näxte orbeitsrunde....

morgen in olle richtungen!

winsch eich an scheenen freitag mit hoffentlich a bissl ana sunn.....

und i moch mi wieda on meine onzaagn, de sich do im computer und aa am schreibtisch tummeln. damit wieda a poor leit a bissle wos on strofgölda in de stootskassa stopfn kennen ;)

grias eich!

jo, de sunn scheint a bissle do. wos i holt so durch des baugitta durchsigg.
vlt kummt jo doch noch da summa retour, wer waaß ;)

gestan honi mi in da wohnung gschafftig gmocht. d.h. mehr im vurzimma. hob ausgmolt. 2 färbig. a richtig kräftiges lila auf zwa wondseitn und auf da deckn, und de restlichn wände a voll schrilles grün. is a bissle gewöhnungsbedürftig, oba schaut nit schlecht aus. steil holt.

wohnzimma kummt aa nuch dron. oba des wert a bissle dezenter. aa 2-färbig. olladings lei hölfte hölft. untn rum a dunklares orange-braun bis zur lichtscholtahöhe und noch obn hin donn a gölb-creme-forb. vlt find i aa nuch a scheene bortn zum dazwischnpickn.

irgendwie muass i de wohnung a bissle ondas gestoltn, damit i nit ibaroll de knabberspurn von mein baby sigg. sie hot sich jo untn bei de mauerkantn ziemlich guat ausgitobt ghobt

oba ans sog i eich. i bin voll hinig. gestan hob i nuch in da frih meine behondlungen ghobt, wo i wieder urdentlich hergnummen wurdn bin und onschliessend de kraxlarei auf da laata mit pinsl und wolzn. uuuuffff!!!

morgäääähn,

aus dem koltn, graun wean.
is jo schon wia im novemba. huuuuschiiiiiiibrrrrrrrrklapperfrier................

daweil tat mei bodekortn noch bis 9.9. laafn. wert wohl nix mehr gibraucht werdn ;)

winsch eich an scheenen tog!

grias eich noch ana wochn urlaub im koltn, feichtn burgnlond!

bin oba eh schon seit freitag wieda zruck. worm wors nit, trockn aa nit wirklich, oba scheen wors trotzdem. olles is bessa ols in da stinkign stodt do und in dem lautn von baustölln umzingltn biro.

i hoff eich gehts guat und es is olles xund und munta.

beim nochlesn honi ma schon gidocht, haaa, hiatzand kriag ma wieda nochwuchs do herinand, oba des wor wohl lei a kurzauftritt von de zwa. woher se aa imma kummen.

so, und i wer den erstn orbeitstog obschliassn und in prota nochfohrn zu de freind. de kinda hobn heite wieda schulbeginn ghobt und es is schon tradition, dos se mit senen am erstn schultog in prota gehn. muass i doch glott aa hinfohrn ;)

pfiat eich daweil und a dickes bussale mol wieda.....
wert eh vül zu wenig gebusslt

grias eich!

im moment stürmts gonz urdentlich do drausdn und regnan tuats aa.
wert wohl nix mit an scheenen sunnign urlaubswochn werdn wenn des so weitageht.

@schoba: wondaschuach konn i daham lossn näxte wochn. des i a so aa klanes nestl, do brauchst nit vül schuach zum wondan. liegt glei bei oberwart und haaßt mönchmeierhof. ungefähr 6 einwohner und 3 kiah. mehr is durt nit ;)
des anzige wos ma sich durt onschaugn konn is de burg schleining. oba de kenn i hiatzand aa schon auswendig :D

pooh, mir tuat heite wieda mei gnack weh. hob schon aniges on pulvalan eingwurfn. hülft nix. weri mi anfoch hamschleichn und schlofn. dirft a reaktion von meina hupfarei sein. am mittwoch bei da einzlgymnastik hot mi "mei" domina auf so a klettawond aufegstöllt. 30 minutn auf de komischn buntn gummiwöpis do umasteign und dabei a komisch, varenkte figur holtn. schon am obnd hob i des ibaroll gspirt und gestan in da frih hob i an potzn musklkota ghobt. bis heite hot sich des ins gnack aufezogn.
i maan, de wüll aus mir an schwarzenegger mochn....

grias eich in olle richtungen!

hoff es geht eich guat.

i hob mei vakühlung aa so guat wie ongebrocht, geh schon wieda brav orbeitn seit montog. huastn is holt imma noch recht stork. oba wos solls.

nächste wochn hob i urlaub gnummen und fohr a bissle zu freind ins burgenlond. hob ma den wettabericht grod ongschaugt, schaut jo nit bsundas aus fir näxte wochn. daweil hätt i mi schon so gfreit ghobt, doss i a bissle aus wien ausse kumm und luftschnoppn konn. weri wohl donn durt erst wieda lei im haus umasitzn miassn.
na guat, wenns echt nix is und lei regnet, donn fohr i holt wieda ham. send jo lei 120 kilometa zum fohrn. dos is donn nit so schlimm.

morgn in olle richtungen!

mei fiaba is weg. zumindest bis jetzt. schnupfn is aa schon leichta. lei da huastn is hortnäckig und stork. oba des is eh imma so bei mir. des dauert donn a poor wochn, bis der gonz furt is.

heite nocht honi oba nix guat gschlofn. gestan worns 2 wochn ohne meina supamaus.

bis zum 2. oktober is jo noch a zeit hin. und i waaß eh noch nit, obs gehn wert, dos i kumm....

morgeen!

wert glaab i schon a bissle bessa. fiaba is neama hoch, lei mehr temperatur, holsweh is weg, schneitzn tua i mi aa lei mehr 15 onstott 30 mol in da stund ;)
da huastn is olladings lässtig wurdn. mir tuat schon da gonze bauch weh, von da vüln huastarei. wert oba siha aa biold weg sein denk i.
und wenn i murgn kaa tempereratur mehr hob, donn wüll i ausse a bissle. donn weri an kollegen im gortn besuchn.