do hot der tierorzt nix xogt davon. er hot gestan am telefon lei gmaant, er hätt a medikament gegn e.c. in da praxis (i nimm holt on, dos es des "panacur" is, wos ibaroll im internt steht) oba er hot xogt, er muass sich sölba erst erkundign (wo aa imma) wie ma ihr des gibt und wie long. i hob leida nit sölba mit eahm telefoniert sondan mei freind.
und am freitog eben sollma des donn in da tierklinik sogn. i hob hiatzand eh grod an haufn zeig ausn intanet ausgidruckt, damit i des glei am freitog mitnimm. do steht nämlich ibaroll, dos ma nit antibiotika gebn soll, sondan so a wurmmittel, wie es aa die hund kriagn.

grias eich noch de poor tog pause!

scheen wornse de wormen tog bis somstog. und i hob kaan auslossn. am somstog am obnd wor olladings donn des laute ende. na sewas, do is zuagongen bei uns. wor oba donn doch schnöll wieda vurbei. olso nix mit wöltuntagong aa wenns so a stimmung wor...

gestan homa erfohrn, wia da bluatbefund  wegen "E.C" von mein hasale ausschaut. wos soll i sogn: mei klaane maus muass wohl echt ibaroll aufzagn. test is positiv ausgfolln :(
da tierorzt sogt olladings, es reicht, wenn ma des glei jetzt am freitog in da tierklinik mitbesprechn, wo sie eh zur nochuntasuchung wegn ihrn kiefa hin muass. de 2 wochn send jo hiatzand um, wo sie drin wor. daweil brauch ma nit zu eahm aa hin.
i kenn mi sowieso grod nit so gonz aus. er hot nämlich xogt es is nit akut, sunst hätt ma nämlich a sterbendes kaninchen daham. sie hot ongeblich aa antikörper gebildet oder so. i waaß hiatzand nit wos des haaßn soll. hot sie den schmorrn hiatzt oda nit?! positiv is doch positiv. olso hot sie den dreck doch oda?
i blick do nit durch....

schauts es fest fuassboll ha?
i muass gestehn, dos i doch schon so 2, 3 spüle gsegn hob ;)
gestan z.b. hob i ma schon italien gebn miassn. i wo i doch a bissle a italienisches bluat in mir fliessn hob :D

@ruflo: des her i gern, dos da guat geht. und des mit dem kompostigrufti, wüll i ibahert hobn jo!?!?! tztztztz..... ;)

@schnecki: wie gezda auf deina kur? olles in da urdnung?

sodale, i wermi longsom geistig, seelisch und sunst noch wia auf mein frein nochmittog vurbereitn ;) 

moooorgeeen!

scheen worn de drei tog daham. i wor bodn und hob ma de sunn am auch scheinen lossn. traumhoft. und heite weri wieda friha obreissn udn am nochmittog wieda ins bod gehn....
de fliegabombn gestan hot ma jo mein nochmittog im bod gstohln. is olles evakuiert wurdn. oba ind luft is nix gongen...

i hoff eich gehts guat?!?!

bussaleeee.....

an scheenen dienstog winsch i eich!

juuuhuuuu, i bin 3 tog daham. hob ma gestan gidocht, des scheene wetta muass ma ausnutzn und hob glei an urlaubszettl ausgfüllt. udn schwups, bin i ob heite schon daham. fir heite hob i mi aa schon bei ana freindin im gortn einglodn. weri ihr a bissle beim umgrobn und gartln hölfn. i hoff lei, dos des wetta nit umschlogt. gewitta homse fir heite onxogt.

da klaanen phoebe gehts soweit guat. hot nuch a bissle schmerzn beim kauen, oba fressn tuat se deswegn nit weniga. und bauchweh von de antibiotika hot sie aa a bissle. sie tuat sich imma so umadruckn, mei brave topfare maus!
oba im großn und gonz dirfts passn bei ihr.

so, und i schwing nuch a bissle mein putzfetzn buvur i de reise in den grünen gortn ontritt....

pfiat eich!!

morgeeeeeeen on dem scheenen und sunnign tog!!!

schon 2 tog hinteranonda de sunn. i glaabs jo gor nit ;)

morgen in olle richtungen!

de sunn scheint heite soooooo scheen. endlich!!

de klaane phoebe is glaab i aa schon wieda so holbwegs beinond. sie frisst auf olle fälle brav. aa wenn i ihr des meiste fiattan muass. oba kronke derfn jo auf leidend mochn und miassn vawähnt werdn ;)
hob aa wieda in da nocht bei ihr herausdn gschlofn, damit i glei merk, wenn wos nit passn sollt.
sie is holt seeeehr vursichtig uns gegniba. denkt wohrscheinlich dauernd dron, doss de beeeeesn menschn sie wieda einpockn und zum tierorzt schleppn.

de erste portion antibiotikatropfen send aa schon in ihr drin. sie hot sich mit lautn grantign knurrn dafir bedonkt :D

mah ruflo, voll scheen. danke! do kriag i schon wieda lust mi ins auto zum setzn und ob am faakasee....

olso: mei phoebelein is schon wieda daham seit 3 am nochmittog. und es worn doch de zahndalan und des bleede kiefaeita. send ihr wieda wölche gschnittn wurdn und a bissle von dem eita ausgschobt wurdn. 2 wochn antibiotika muass i ihr wieda gebn (wert wieda a kompf werdn jedn tog) und donn wieda kontrolle.
den bluattest auf E.C. wert erst nächste wochn fertig ausgeorbeitet sein. oba sie denkn, dos es fehlalarm wor. hoffentlich.

ajo, und sollt in 2 wochn bei da kontrolle noch eita do sein, do miass ma uns nochamol ibas aufschneidn untaholtn. so wie im herbst. wos jo eigentlich aa nix gholfn hot.

oba firs erste bin i amol froh, dos i mei klaane laus wieda daham hob und sie bis auf a bissl grantigsein wieda fost de olte ist :)

wos hob i xogt, eier daamholtn hülft imma ;)

bin nit ins spitol gfohrn. mei freind hot mi ongruafn, dos sie fir de gonzn untasuchungen durtbleiben muass und erst am nochmittog fertig sein wird. sie sogn, se ruafn on, wenn olle befunde fertig send und fest steht, wos es nun is. die ärztin, die sie heite ongschaut hot in da frih hot wieda gmaant, dos es doch vom zohn kummen wert. oba zur sihaheit mochns nuch a bluatbüld wegen dem E.C. oba wie xogt, vur nochmittog homse kaane ergebnise.

hiatzand lenk i mi holt a bissle mit orbeit ob....

danke eich, firs daumendruckn.

mei freind is grod untawegs richtung tierklinik mit ihr. i hob nuch kurz ins biro fohrn miassn, weil heite kaana do is und i nuch aufdrahn hob miassn, damit meine leit orbeitn kennen. oba hiatzand moch i mi aa donn auf den weg eine ins spitol.

wor die gonze nocht bei ihr draussdn und sie hot bei mir auf da couch gschlofn. gfressn hot sie aa normal. oba da kopf is ihr imma wieda zur seitn gfolln. in da fruh wor er wieda grod. i waaß aa nit...

vur ollem waaß i nit, wos mir liaba sein soll, wos aussa kummt bei da untasuchung. dos es vom zohn kummt oda des komische E.C. 
der zohn bedeitet siha wieda a oparation so wie im herbst mit klinikaufentholt. des E.C. bedeitet vülleicht lei medikamente fir a zeit long und donn konns wieda guat werdn laut dem informationsblott oda aa nit. ma muass es lei rechtzeitig dawischn...

najo, wort ma mol ob, wos de in da uniklinik sogn. werdn wieda a haufn untasuchungen sein...

pfiat eich daweil...und tats bitte fest weitadruckn. des hülft jedesmol, wenn ihr des tuats :)

bussale, manuela

i holt heite nochtwoche bei meina klaanen phoebemaus. seit mittog/nochmittog hot sie den kopf so komisch schief gholtn. und i büld ma aa ein, dos de wongenseitn, wo sie des zohn-eita-problem hot a bissle dicka is ols sunst. sie frisst olladings und moch aa sunst fost olles, wos sie holt so tuat. oba a bissle komishc is sie trotzdem. hobi in da tierklinik ongruafn. de maanen is muass sie unbedingt in da nocht beobochtn, ob sich wos vaändat udn murgn muass i auf olle fälle in die klinik kummen. sollte in da nocht noch wos ondas werdn mit ihr, donn muass i sufut mit ihr ins spitol.
i hob zerst gidocht, es kummt siha vom zohn, weils eben auf der seitn gschwolln is. de tierärztin am telefon maant oba, es kennt aa a virus sein, wos monche kaninchen kriagn. der schiefe kopf tat dafir sprechn. irgendwos neirologisches. enzeo....irgendwos. wos mit parasitn oda so. do muass ma sufurt hondln.
i bin schon wieda voll am flippn. do is echt nie a ruah bei dem ormen viechal hob i des gfühl. kaum gehts ihr a bissle bessa, kummt schon wieda da nächste scheiss.
naja, jednfoll söll i mi hiatgand amol auf a schloflose nocht ein. weil einschlofn konn i sowieso nit. i hob ma holt mei bett im wohnzimma auf da couch grichtet und werd von der eckn aus immer a aug auf sie werfn. gonz normal benimmt sie sich nit. oba vülleicht spirt sie aa lei de aufregung von uns udn dos ma se dauernt beobochtn. und um sie umaschwanzln.... des wert wohl aa nit so gscheit sein. wert jo gonz deppert des orme viech, wenn ma mir uns so benehman...

naja,.... schau ma mol.....
 
03.06.2010 23:15:
na super. hob mi grod in an kaninchenforum schlau gmocht. wenns des wirklich is, dann steht uns jo wieda wos bevur...

"Enzephalitozoon Cuniculi kurz E.C"

http://www.diebrain.de/k-cuni.html

des kopfal is schon wieda a bissle schief grod eben....

@coolati: fohrn oda fliagn?!?! weil se hobn ob 5.6. wieda streik onxogt firs flugpersonal. a freind von mir fliagt am 6.6. noch london und der is schon gsponnt, ob er wirklich aa hinkummt.

@schoba: oij, des send jo kaane so guatn nochrichtn von dein orzt :( wos wertn hiatzand gmocht dagegn? konn ma do wos tuan? imma mit schmerzn lebn is jo nix. i waaß, wia du de fühls. i hob jo aa mei gelenkproblem...

hihi, cool, da "homer simpson"....

hihihi, jo. sogor mit goooonz vül  :)

grias eich und scheenen montog!

na, do locht gor nix. und schon gor kaa sunn. schod. mir reichts schon von dem vüln wossa rund herum. und von obn und untn. dasauft jo eh schon olles egal wosd hinschaust....

jo. shoppen wori am somstog am nochmittog mit da klanen tochta von meina freindin (11 johr) de is echt vül schlimma ols i. oba mir worma baade brav und hobn nit vül göld ausgebn. oba mehr, weil ma nix gfundn hobn, wos uns wirklich gfollt. worma sooooo frustig, dos ma uns donn in a konditorei gsetzt und uns mit turtn belohnt hobn :)
wenns nix gibt zum kaafn, wo ma einepassn miassn, is jo wurscht.... ;)