morgen und fost mohlzeit!

bitte, i wor gestan schon wieda im kino. a freindin hot aa kortn gwunnen ghobt. und zwor fir die vurpremiere von "Sex and the City" und ICH war mittendrin. sooooooo cooooooolllllll!! i kennt mi deppertschaun mit so an mist. mir taugt des total. uuuund: i muass hiatzand unbedingt shoppen gehn. wos i do wieda on sochn xeghn hob, de i gern hätt. und sooooovül schuach.... maaahhhh....

i waaß, weiwakram. oba des hob i dazöhln miassn ;)

   oij, heite isa streng unsa herr lehra-professa-wöltmasta...

orma ruflo, muasst sovül strof schreibn. glei 200 mol. oba scheen schreibn, sunst werta nuch schiacha, da herr von und zu wöltmasta  kriagst vülleicht nuch a aufgob ibas wochnend...

grias eich!

@ruflo: kaa ongst, bist nit da letzte ritter do herin. bin eh i aa nuch do. oba mei schreibtisch is a bissle am ibagehn, drum kumm i nit gscheit dazua mi möldn unta togs.

und heite am obnd weri  aa nix do sein. i hob kortn firs kino gwunnen. do schau i ma irgend an fülm on: "das ganze leben liegt vor dir" 
mol schaun, wie des wird. wenns nix is, donn mochts aa nix, hobn jo donn zumindest nix gikostet ;)

an scheenen wochnbeginn! wenn aa um an tog späta. und i beginn sowieso erst murgn. i bin heite nämlich daham. hob ma gidocht, i nitz des scheene wetta aus. tjo, wert wohl nix. des scheene wetta losst auf sich wortn.....

grias eich!

na, i sog eich, des wor aa bleedsinn gestan, des clubbing. i waaß jo nit, wie sunst so clubbings send, oba so hätt i ma des nit vurgstöllt. do hätt i mi nit scheen onziagn brauchn, sondan do hätt a dreckige jeanhosn, turnschuach und a t-shirt mit lächa greicht. voll orge leit, donn durt olles voll vasaut und dreckig und nix los. und dafir homse werbung gmocht. olso des clubschiff hot sein nomen nit zurecht. schmuddl-kahn warat eher de richtige bezeichnung. und wie xogt, de leit, mah, i maan, auf an hardrock-konzert send se normala :D

homa uns holt so in da innenstodt herumtriebn. und spät bzw. fruah hamkummen bin i trotzdem ;)
hob i jo amol ausnutzn miassn, do mei gnack so holbwegs guat wor :)

oba ans waaß i, durt geh i siha neama hin. iiiiiiieeegiit. und i bin hiatzand nit so extrem ibapenibl. owa des wor ma echt zvül.

heite am nochmittog is pfingstfest bei uns in da pforr. do weri vlt a springal hinschaun. murgn honi ma eh frei gnummen, do konn i donn ausrostn ;)

an scheenen sunntog fir eich olle!

und i, folls mei gnack mitspült, wer heite mit ana freindin am obnd auf a clubbing gehn. aufs clubschiff donaukanal. mol schaugn, wos des durt is. wori jo nuch nie. 

pfiat eich daweil...

grias eich!
hallo!
und a fettes dickes BUSSALE in olle richtungen!

tschuldige, doss i schon so long neama herin wor. i hob eich nit vagessn. tat mir nie einfolln, eich zum vagessn. i hob lei aniges um de uhrn ghobt und dazwischn vül zeit im bett vabrocht mit mein üblichn problem - gnack!

de liabe schoba hot ma heita aa schon a sms gschickt und nochgfrogt.

und hiatzand muass i aa schon wieda flitzn, weil i nuch wos besurgn muass, weil i mittogs zum essn einglodn bin onlässlich eines geburtstogs. do wüll i nuch gach a poor blumalan besurgn. is nämlich mei ersotz-oma. a frau, de friha im haus von meine öltan gwohnt hob udn i wor ols kind imma bei ihr. sie is letzte wochn 87 gwurdn. a supa frau. i mog se total gern.

olso, kaane surgn mochn, olles is soweit o.k.

i hoff, bei eich is aa olles in butta???

@ruflo: wie gehts dein mietzale? is wieda olles in urdung mit ihr?

bis bold, dickes bussale,

eia phoebe

grias eich olle mitnond!

oij, wos muass i lesn, dem mietzale gehts nix guat?!?!?!
hoffentlich is sie bold wieda am domm.
i druck gonz fest de daam und winsch olles guate!!!!!!
dickes bussale on sie!!

und i wer mi hiatzand hamschleichn. wetta is eh zum schlofn guat. kolt und grau. do ghert ma sowieso ins bett ;)

@ruflo: jo danke, heite is schon wieda bessa. a bissle zwickts noch, oba wert schon. vlt is jo jetz wieda fir a poor tog ruah do hintn :) zumindest fir 2, 3... bis des nächste wochnend kummt ;)

grod hot noch scheen de sunn gscheint, schon is se hinta ana dickn, fettn schworzn vaschundn. gewitta homse grod onxogt. na hoffentlich nit *fürcht*

an guatn morgn und an scheenen wochnbeginn!

i hob mei wochnend im bett vabrocht. mit mein gnack. wos sunst...

muttertog is aa schnöll vurbei gwesn, weil mei mama nit feian wollt. se maant, es gibt bei ihr kaan muttertog, der zum feiern warat....

@schoba: mah, voll lässig dei wondgemälde. voll kreativ. taugt ma.
du tschuldige, oba i hob des erst heite glesn, wegn radlfohrn. oba kenn ma gern amol mochn. i muass ma lei "mei" radl wieda von da mama ausburgn. i hobs ihr nämlich vaerbt, weil i nix fohr und ihres hin is.
i hob ma ibrigns aa amol so söltsome steckn gikaaft, de nuch völlig unbenutzt in da originalverpockung steckn. folls du aa sowos daham host, zum umalatschn und nordischn walking ;)
sixt eh, des bleede is lei, dos i, kaum dos i frei und amol zeit hob, im bett umaliegn muass, weils mi meistns am wochnend ziemlich dawischt mit mein leidn...

aa schon daham. seit viertl 7e. und irgendwie hob i es gfühl, dos i nit long auf bleibn wer. i hob nämlich vur murgn noch amol brav zum sein. schau ma mol, ob i des schoff..... ;)

winsch eich a guate nocht, schlofts guat und stöllts ma nix on. i kumm murgn nochschaun!!

bussaleeeeeeeeeeeee.............

@schoba + on ruflo: dankeschöööön, so is guat, des her i gern! 

oba wos sein muass muass sein. i brauch plus auf meina gleitzeitkortn. schaut schon wieda ziemlich schlimm drauf aus. oba mit heite, bau i schon guat wieda ob....

no bittscheen, kaum is da regn weg und de sunn doch wieda do, blost schon wieda der grausige wind. tztztz. 

@schoba: werst oba draussn sitzn beim kopp. weil drinnen stinkt ma nochand so extrem schiach. des gwond werst weghaun miassn.... 
i geh do gor nit gern hin. ebn genau aus dem grund.

morgn konn i jo hiatzand neamma sogn, bei der zeit wos i heite schon im biro wor. nämlich uma 6 uhr in da fruah!!!!!!  so, und hiatzand wüll i fest gelobt werdn

pooh, dafir kennt i jetz einschlofn....

stimmt. genau a so a wetta is es!!! *grml*
i maan, heia werts nix mitn summa werdn, wenn des so weitageht...

<<good vibrations>> jo, de honi aa. des gonze biro vibriert eh schon. de baustöll bei uns weitet sich imma mehr aus. mittlerweile reissn se grod de aussnwond vom nebnzimma ob. de kriagn a neie fenstafront. pooh, do rüttlts....

@schoba: oij, nimm da zum schlofngehn a myolastan. des hülft schon a bissle. lei glei schlofnlegn. nix aufbleibn. sunst fongst ins singen on ;)