He Papa, was ischn los? Hoscht des Essen in da Seizeriya vergessen?
Spaghetti Peperoncini für etwa EUR 2,20.
Wor jo net so dass du lei Reis mit Curry gessen hoscht.

Und do sogt ma immer das Japan so teuer isch. De leut miassan holt schaugn wo se hin gehn zum essen.

Nochdems do in Japan jo de japanischen Alpen gibt und bei über 30 Grod im Schotten mit aner Luftfeichtigkeit jenseits von gut und böse de städtischen Gegenden net so lustig san bin i heit wieder mol noch Nagano in de Berg gforn.
Desmol woar i in oder besser aufm Happo-One. Schen kial durt obn und i bin ma sicher doss de masten den Berg kennen ohne doss ses wissn.
A klaner Hinweis: Da Maier hot durtn an Abflug gmocht doss des büldl in jeder Zeitung woar.  

@Ruflo
Es lebe die österreichische Baukunst. Zwor vielleicht bei am Erdbeebn nit die erschte wahl oba bei der Isolierung sands schon top.
In meina Wohnung erinna i mi oft an meine Urlaube in Jesolo im Wohnwogen. Der woar a so leicht gebaut und mit kunststoff.
Bei uns muascht nix wolln mit in da frua lieftn und nocha lei die fensta zua. Ohne Klima bringt de s gor nix.
Außen 33 Grod und Innen des gleiche! Lei gleich ob die Fensta offn sand oder nit.

Jo wida mol a kostboars wochenend vurbei. Oba es woar wieda mol ans mit guatm essen und desmol sogoar mit guatm wetta. De erst Kirschbliatn san a schon offn und wenns wetta mitspielt kema in ana wochen schen Hanami (Kirschblütenschau) mochen. 

I werat eich gern a bissal von da sunn schicken oba do hot a fir murgn a wieder regn gebrocht.
Doafir wors heit traumhoft mit vül sunn und über 20 Grad.
Oba murgn wirds wida zach. A saubars sturmtief isch ongsogt. Hast wiedermol mit typhoon ähnlichen wind mias ma rechnen.  Und wenn ma nid vur die tua muass soll ma lei liaba daham bleiben.

Karibik? Brasilien? I was net. Imma lei woarm is auf adauer a net lustig und grod in da karibik de hurrikan dazua.
Do blein I liebar im feuchten niigata. Im summar haß und feucht, im winta kolt und feucht. Long lebe der anti schimmel spray.

@martin
Auswondern? Deswegen wird des wetta a net besser. Ondre länder ondars wetta, oaba glab mr es wird imma a s**** wetter gebn.
Griaß von da ondern seitn

i was nit ob die menschen imma varuckta werdn. i glab eher dos ma durch dia neichen medien und dos intanet anfoch mehr fu dem gsterten zeig sigt. furher woarn de leit anfoch net so guat zum segn. oba do a jeda mant er muas sich im intanet groß zagn stulpart ma eftars driba.
oba vüle werns a no lernen weil im intanet is ma net so anonym wia viele glaben.

übrigens mir homa seit guat ana wochn echt traum weta. da schnee is scho so guat wia vagongen. oba des auto schaugt dafia aus wia sau. mol schaugen wia i des wida sauba kriag. sunsta muas a fochmon dron.

servus aus osten und donkschen für dia geburtstogswünsche. hob dia letzte zeit so vül zum tuan ghobt dos i goar net ins v net gschaugt hob.
weata is lei wechselnd. stirmisch und grauslig oba des zeiigt vom weata umschwung richtung friahling. Hoff i amol zumindast. 

schnee homa oba lei no gnuag do liegn. i denk des werat no a weil dauern bis der weg is.

So jetza wer i ma zersch mol an haßen tee mochn und des friahlings mochi essen des noch übrig is.

an schenen guaten oabend ausm fernen osten.
jetzta hob i endlich seit longm amol auf da webseitn der stodt de seiten mitm schneebericht gfunden.  hot bei mir lei 166cm. und des auf ana höhen von gewoaltigen 37m überm meer.
übrigens am meer hots gestern gonze 10cm geschniebn und de sond scho wieda weg.
sand lei eppa 20km mitm auto von meiner hitn bis ons meer.
a oarbeitskolleg wohnt a bissal in de berg bei dem hots guate 3m.

I werd narisch!!!!!!!!!!!!!!!!!!!!!!!!!!!!!!!!!!!! 
heit am Nochmittog hob i sie wieda gsegn. de komische gölbe scheibn am himmel. se hot sich wirklich durch de wolken gestzt. zwor net long oba se isch no do. se isch no net erloschen de sun.

@smokedinpeace - sushi hob i schon am samstog ghobt. heit woar ma wieda mol chinesisch essen. wenn i mabotofu hear donn laft ma des wosser im mund scho tsommen.
Do in meiner firma lei 2 richtig english kenen (ok mitm chef sans 3) und mei abteilungsleita a sogma mol "poetisches" englisch verwendet schlogt ma sich holt irgendwia mit japanisch english und gestikulation durch. wenn i de mails von meim vorgesetzen lias donn versteh i wenns guat geht zur hölften wos er schreibt und de ondern 2 de englisch kenen verstehn a nit mehr. De mails keman ma fur wia a mischung aus google überstezer und weatabuach oder i glba dos er des sölba übesetzt do meine orbeitskollegen imma sogn wenn der auf japanisch red verstehns a lei di hölftn.

an scheenen guatn moargn winsch i eich. bei uns is lei wieda mol a sau wetta. 
Regen, Schnee und a eisiger wind übers meer eina doas da ganze gatsch aufm auto einfriert.
jetza was i a warum da eiskrotza di furm von a schaufl hot. a guate 2 cm dicke eingfrorene schneematsch schicht zum oba krotzn is net so anfoch. 

so jetza werd i zerscht mol mit meina frau redn ob sie heit mittog wos kocht oder ob ma wieda essn gehn.  

eich an guatn morgn oder bessa scho mittog. I hob schon des obendessen hinta mir und werds ma jetzt mol fur da heizung gmiatlich mochn. Gschnibn hots heit wieder wos oba mog. 
Bin i da frua ause zum auto freich schaufln und a stund spater ols i gehn wullt konnt i gleich nochmol sauber mochn. 

werd sicha eftars mol was von mir gebn, blos jeden tog werd i sicha net dia zeit finden.
mit meine 31 johr doarf i lei noch oarbeiten und de zeiten san do in Japan a bissal länger oals daham.  

ma entschuldige, des hob i jetza fur lauter schnöll schnöll gonz vagessen zum sogn.
keman tua i ausm westen und wohnen tua i weit im osten. irgendwo auf dem weg dazwischen liegt a des schene kärnten. 
Ollles kloar? Na no nit? Olso donn de anfoche varianten.
Das Westen is dos Ländle und der weite Osten des is Japan. Und des schene Kärnten kenn i vo mein voter weil der is von durten (sevas martin  )

blaucher himmel und sun? waas schon gor nit mehr wia des ausschaugt. Bei uns is lei immer des gleiche wetter. Schnee, Regen, Sturm. I brauch scho gor kan wetterbericht mehr schaugn weil bei uns gibts lei de 3 wetter und des a ganz gern ols am selbn tog. 

10.02.2013 10:49:
Hot nit so hin ghaut mitm büldl. also a neicher versuch.
www.flickr.com/photos/89930801@N08/8461189028/
10.02.2013 10:50:
Nochmal ans dazua
www.flickr.com/photos/89930801@N08/8461188938/