Hee, Wuhte, ähemmm, tjåå -is dei Ångebot oiwei no aufrecht mit'n koid'n Bia fia des kineserische "Land der Berge".... ? Aaaa fia de Långschläfer im Intanet ? ( Jååå - trotzdem eich griabige Fielaha, Kreitz'na, St.Fighta und ummmadum, oi mitanand no a guat's neich's aus'n Königreich vo de Thais! ).

Oisdånn - wånn's as echt wissen mecht's, des Gsangl geht a so an:
"Erhebt euch!
Ihr, die ihr euch weigert, Sklaven zu sein !
Mit unserem eigenen Fleisch und Blut lasst uns unsere neue Grosse Mauer bauen
Die Völker Chinas erleben die kritischste Zeit " usw usw.

Sodann, Wuhte, hiatzt mecht i's scho sehgn, wias'd ma's Fielaha-Kriagl uma"beam"st, ohne dass z'wårm werd untawegs ...

Ois guate eich ålle mitanand und måcht's weida aso

@ ruflo, haxe & Co.: wei's as då a paar seiten davor mit'n Bier zuzl'n aus'n Fingerhuat g'habt habts: Is mir echt passiert in Boarischen drauss't (wo i scho beinah' dahoam bin):
huck I mit ane freind on an haass'n Summertåg in Biergartn. Jå mei, so a zwoa, drei Måß in Schatt'n werd's scho g'habt ham. Is hoit's Bier von Fåss gach goar g'wen in da Schånk. Huckt am nextn Tisch a so a richtiga boarischer Biadimpfe, so ana vo da 0,1-tonnen-Klass' und no mehra. Kimmt d'Kellnarin und er b'stöllt "Nuu a Maßßß"!! Auweh, zwick, då håt's a havarie: S'Fassl is laar, s'gibt lei ane Dosen! Fragt sie, ganz vuasichtig, jå mei, deafat I eahna aa a Dos'n bringa ? (bekanntlich nur 0.33 Liter). Er, går nit grantig: "Jå mei, Diandl (eppa 60 Jåhr war se), wånnst'as dalaffa kånnst !!"
(für weniger Sprachkundige: "wenn du so schnell laufen kannst, dass du mit den kleinen Dosen meinen Maßkrug gefüllt halten kannst, dann gilt der Handel")

qwertyuiop8616575@16 123 21.08.2004 04:46:10
wo shi xiao hui where :
wås is denn des nåchat, is da a echta Fielaha Kines dabei oder wås ?? Wann's stimmt, nåchat helft a ma fileicht aa weita: wås is mit de fuffzig klaana .... ja wås nachat ? (is des hui where a schmää oder hob i scho zvül vagess'n vo dera Språch ?)

Teifl eine ! HAXE. Es Filaha (oda bist eppa koana ?) saz åba intanational ! Da bist ois Karntna Expatriate schia goa boid a Nåchbar vo mir (wånn I zuafällig amoi dahoam bin und nit in da Wölt umanandziag). Håst scho amoi was vo Gauting g'heart ? Unser Bachal, de Würm, de kimmt ja beinah no bei eich in Freising vuabei !
Und was tuast denn nachat durt ? Eppa s'Bier machn leana - und des bei den weltberühmten Villaha Bier ?

Sawaadee-khrap, Lufro, a neiche weamflasch'n mext ? Ane mit Ohrwaschl'n ?
Då kån da gholf'n wearn ! Schaug lei in dei Email eine. I schick'da oane - a gånz a neiche, thailändische. Richtig liab, grad bei uns auf da Baustöll hinta'n Containa auf'd Wölt kemma. Åba pass' auf, die braucht fei a gscheite Wärm' zan übalebn (Tiefsttemperatur in Winta: +20 °) - nachat passt's scho zsamm'. Und jedn dog an Hauf'n Reis. Koa Schmää!

... und recht host aa scho wieda mit'n nåm. S' wår lei a "typo" wia mei Thai-Tipps'n sogn tatat, gfållt ma aso dengascht besser. (denk'da nix mit meiner Sprach, bin hoit a Ausländer vo drent - oba s'Karntnerische hear I scho recht gern).

Vo wegen mei Bia: des is koa Notstand da herent: wann's sei muass, kriagst an a paar Eck'n in Bangkok aa a Erdinger Weisse und so a Zeigl. Nit grob ! Aber a Singha is aa nit schlecht. Siagst - I håb's scho mehra ois zwoa Jåhr übalebt, und d'Wampn is aa nit kleana wor'n.

S'Weda mext wissen: då gibt's koan Somma und koan Winta. Lei a weng weniger hoass fir a pår Monat. Net g'logn, in da Zeitung war scho amol a Wettermeldung in "Winta", de hat ghoassen: "Bangkok - COOL" - und was moanst, was des wår nachat: in der Nacht grad amol 19 grad (grad beitl't hat's de dåsigen vor lauter kalt ;-))!), bein Tåg is wieda g'müatlicher, s'ganze Jåhr nia nit unter 32, 33 grad. Grad scheeeee ...
(Wer's mog)
Pfiat enk