salve!
ma, satz ihr olle dafruan, tztz. soo kolt is oba a no nit :)
ey, ruflo, schen dass ma uns gestan wieda amål gsegn håm! du håst jå fleisig fotokrabüldlt - weast wås auf flickr stölln?
i winsch eich olln zåm noch an schenen sunntåg! i oama teifl bin strohwitwa und des noch bis ånfång oktoba. jetz muaß i gånz alan fir mi kochn. a långweilig. vielleicht hau i ma anfåch ane nudl in topf, a poa zachn knofl aufe und a viatale olifnöl driba... schmusn brauch i noachan oba niama... wen denn a?
:-)

heee - kum, cooley - sei ka spülvaderba! da ruflo klaubt di auf und zum eiawixn satz scho då in neihaus! bin gråd vur ana stund onkumman und håb des beste gulasch olla zeitn gessn! de frau oitzl håt sich då echt sölba ibatroffn. se håt gmant, den bio-stier håm se sölba "gschlågn"... nå jå, dafir, dass se des oame viech getipplt håm, håts supaguat gschmeckt :)
des solltast da nit entgehn låssn, coolati! bist eh ka kostvaächta, also, auf gehts!

bis murgn!
da wuhte

SLONTSCHE!
Sodawassa, i moch mi jetz auf die Sockn nåch Neihaus zu unsare Games.
Wie schauts aus, Ruflo, seg ma uns murgn? I tat mi volle gfrein! Kånnst jå vülleicht an klanen Umweg iba Wernberg måchn und den Coolatling aufklaubn! Dånn ziagts eich bade ane kariertn Recklan ån und spülts a mit... wenigstns beim Bierlezupfn!
Si ju 2morro!
da Wuhte

paule, wenn da fad is, donn ziag da an kült ån und fång schon amål zum trainieren fir die games am 20.9. ån! wås håltest davon, dasst mitspülst?

seawas leitln!
na sowos, des mit'm chrischtelen. i tua amål råtn.wenn de gånzn mails ihr månn kriagt und sie oba per mail nit arreichbor is, schätz i amål, dass se in zukunft niama in da nähe vom christian sein weat. tjå. sowås kummt in die bestn famülien vur. sågts ihr hålt ålles guate von mir, wenn se's segts oda heats!

Phoebele, måch da nix draus, aus dem autolen! wer was, wozua's guat woa! vielleicht håst jå ka pech sondan a GLICK ghåbt. de autos von heite san eh imma lei hålb so guat wie se an im erstn moment vuakumman. und sei tåpfa, a so a scheiss lauf geht a wieda vabei! håb i a schon anige ghåbt. i wor schon so danieda, dass i aus vazweiflung sowås wie des villacher.net gmåcht håb... und wås is passiert? aufe is wieda gången ;-)

mariana... schon holba zwa...
n8 - liacht aus!

Griaßenk Leitln!
Ma, jetz håb i oba echt schon a schlechts Gwissn, weil i mi so lång niama gmöldet håb... tschuldign, in letzta Zeit woa bei mir wiedamål da Teifl los! Oba nix schlimmes, lei vül.
Ruflo, såg amål, s'n los? Schaug, dasst ma wieda auf de Fiaß kumst.

Ajo: am 20. Septemba san wieda unsare klassischn Highland-Games (nix de schicki-micki-adabei Partie, sondan de originaln, lustign)! I hoff, ihr kummts vabei auf an Sprung und auf a Bier mit'm oltn Wuhte!
I foa ibrigns am 19. mit'm Auto von Wien obe, wenn wer mitfoan wüll (Fibi, Paule), Plätz' waratn noch frei! Und bei da Oitzl in Neuhaus gibts Zimma um an Schlapf!

www.dieschotten.com

Pfiatenk daweil, håltets die Uhrn steif und måchts eich kane Surgn... i bin eh då :-)
Bussale,
da Wuhte

Jo griaßenk!

@Irmi, Phoebe und'n Paule: wie schau ma aus am dienståg am Åbnd? Gehma wås fuatan und an, zwa bierle obe glingan? Gingat am Montåg a, håb i gråd gsegn!

'te nåcht!
da Wuhte

sers coolatling!
i bin dabei! muass es lei fria gnua wissn.... waßt eh, mei hockn...
gfrei mi schon drauf!

@phoebe & paule: kemma jo a foagemeinschoft mochn und schon a bissale "aufwäamen" :-)

pfiateich - olln ondan natirlich a!

:-(
Tuats unsam Cali a poa liabe Gedånkn auf seina letzn Reise mitschickn, de er heite am Vumittåg ångetretn is. Am Mittwoch Niernvasågn und heit is a zaus in meine Händ gsturbn... 14 Joa warat a im Juni wuan.
Danke, Cali!

Tarrraaaa... da wuhte is wieda zruck aus'm Oman. Oh mann oh man. Des woa wås, i kånns eich sågn! Und imma no net fertig. Also, wenn i des kan von meine Kollegas aus Dubai oda Riad umma dahenk, dånn kånn i am Sunntåg schon wieda obefliagn! Urlaub måchn kennt i ma durt schon guat vuastölln, oba durt Oabeitn, na bittschen dånkschen - siha nit.
So, bin oba eh schon wieda volle am Hackln (als ob i då untn nix gmåcht hätt) und geh noachen zum Tauchkuas - vülleicht muass i jo amål untatauchn, då kånn des nix schådn!
Soda, måchts es guat, måhlzeit und schenen åbnd!
da Wuhte

Griaßenk liabe leit!
wollt mi lei amål zwischndurch möldn dass mi noch gibt. noch! leida is mei trip diesmål eha oasch, weil a bissale extrem olleszåm. de hitz (um die 40° unta tåg), die leit (san sofurt eingschnåppt wenn ma wås fålsches sågt) und die oabeit (vül mehr als awortet) någn schon volle wäsch auf da substanz. am såmståg gehts oba allahseidånk wieda zaus - sunsta wurat i eh narrisch!
i hoff enk gehts guat!
pfiateich! da wuhte

Griaßenk!!
maaa, då is haaaaaß.... 35° unta tågs, oba wenigstns a bissl a wind... der an den sånd so richtig schen in die eigalan waht :)
na, is eh supa! i bin ibrigns gråd då: http://www.jalfujairahresort.ae
momentan mit an tschippl kollegn aus dubai auf fress/sauf tour :) oba åb såmståg bin i in muscat zum hackln... bää.

winsch eich olles guate, håltets die ohrn steif!
da wuhte

SUPA COOLEY-OPA!!!!! GRATULAISCHN!!!!
des is jå a wåhnsinn, heast! glei dreie aufamål, nå hawidehre, des zåhlt sich aus! i gfrei mi fir di - und natirlich die stolzn öltan - und winsch eich nur des ållabeste!
ma, hoffntlich bleibst du uns då herinnen ahåltn und tuast åb jetz' nit lei mehr buzzale hoppan! tuabts noch schen faian, i reiss jetzt a flaschale auf dei wohl auf! prost!!!

Griaßenk leitln!
Da i bis Dienståg woascheinlich niama ins Netz kumman werd, winsch i eich jetzt schon schene Ostan, a guate Jausn (oda zwa) und fesche Aia!



enka Wuhte

hey es villacha-nettla, da wuhte is wieda zaus!
bin vor 2 stund onkumman und ziemlich k.o., wor jo a a longe reise.

oba i håb wås gsegn, i schwörs eich: am letztn freitåg wår i jå im kennedy space zenta raketn ånschaugn. då håb i dånn afåhrn, dass in da nåcht von montåg auf dienståg um holba dreie a space shullte auffe gschossn weat. de leit håm ma dazöhlt, dass des a wåhnsinns alebniss sein soll und dass ma sich des ånschaugn sollt, wenn ma in da gegnd is... jå, und des woa i jå! also mir (i und a kollege) schon 12 stund vurher nåch Titusville plåtz resavirn gången... erste reih' fußfrei. mit a poa six-päck bier håmma uns die zeit vatriebn und wia die dunklheit eingebrochn is... wow! de håm de åbschussrampn so höll beleitet, a wåhnsinn!
då is a foto davon (von mir)
und um holba dreie... drei... zwa... ans... aufe-mit-enk! irrrrrrrrrrrreeeeeeee! geht åb wie raketn des ding! no na, is jå ane. es is tåghöll und a minutn späta geht da donner los und die erdn zittat wie bei an klanen erdbebn. unglaublich!
so ungefähr hob i des a gsegn
als kind hätt i olls dafir gebn, und jetzt håb i's gsegn! geil, i sågs eich!

oba jetzt hau i mi a runde hin, mei innare uhr spült a bissale ramba-zamba!