GRIAßEICH!!!
Ma, tuat ma echt lad, dass i mi die gånze Zeit iba nit gmöldet håb, oba i håb a poa tåg urlaub, woa in Kärnten bei da Family iba Weihnåchtn und huck jetzt schon wieda auf meina Datscha und tua des, wås i am liabstn tua: nix!
Håb a ka lust ghåbt in den bledn compiuta eine zum schaugn und erst jetzt eichare liabn winsche und postkoatn gsegn! Dånkschen, håt mi echt gfreit!
I winsch eich und eiren liabn natirlich a olles olles guate, bleibts xund und lustig, des is es wichtigste!!
I woa sogor 2x snowboadln...nåch 3 joa wieda mål! Am Verditz obn, weil durt woan kane leit und es is olles noch genau so, wie vur >30 joa, wo i durt zum schifoan ångfångan håb! Cool! Und die oltn Kulnig-Leit von da Gipflhittn gibts a noch, a wåhnsinn!
Sülwesta wer ma in klanen Kreis mit a poa freind faian. Vülleicht sogor eh bei uns auf da Datscha - einghatz homma und schen woam is... draußn in da Lobau fressn an dafir die Wüldschwein, wenn ma nit aufpasst!

Soda, an guatn Rutsch (folls i vurher niama ins Netz kumm, wås leicht sein kånn) und mir segn uns im näxtn Joa!!! Passts olle auf eich auf und kummts ma guat im 2009a ån!

da Wuhte

Sers Chrischtele!
Na, vagessn håb i nit, oba bei mir is in da Håckn vur die Weihnåchtn imma da Teifl los! Irgendwånn zwischn die Faiatåg wer i wohl dazua kumman!

Håbts ane Keks gebåchn? I nämlich nit, weil i dafir 2 linke Hånd håb. Mit meine Vanillekipfalan kånnst Pånzaglåsscheibn einschiaßn...

Griaß enk!
Wie gehts denn dem Cooley, håt ana von eich wås gheat?
Pfiateich & Bussale on die Mädels :)
da Wuhte

Hey, jetzt sig i jo erst
CHRISCHTELE, OLLES GUUUUUATE!!
Ana muaß jo da letzte sein zum kratulian, des oba dafirvon gonzm Herzn!
Pass auf di auf, schau mehr noch vurn und weniga zruck!
Mochs guat, bis zum näxtn mol!
da Wuhte

Griaßeich!!
So, hui, i bin jetzt a wieder zaus in da Bundeshauptstådt. Woa a Spaß am Freitåg, miaß ma auf jedn Fåll wieda måchn!
I woa jå noachan noch an Sprung in da City. Oba lei bis holba dreie... dånn håb i niama redn kennan und bin zaus. Am Såmståg homman dånn mit unsare Schottn die Genaralvasåmmlung und die Weihnåchtsfeia gmåcht... habidehre. Um dreiviertl Viere bin i zaus (håm se gsågt :-)
Gottsedånk woas Wetta beim außafoan holbwegs guat, weil so richtig zurechnungsfähig bin i jå ållweil no nit :O)
Jetz schaug i noch a bissl in die Gogglbox und noachan ob ins bettale!

Pfiateich, schlåfz guat!!
da Wuhte

hai folks!
da wuhte is wieda zaus! bin no a bissale gaga wegn da zeitumstöllung, hob ma oba a dosale melatonin gekaft und mit dem zeig geht des vüüül bessa als sunst. beim puckle woa i nit, bin liaba a eishockey-mätsch gongan - fressn konn i eh ibaroll oba die en-eitsch-el gibts holt lei durtn!

wie tuabts denn bei eich, olles rotscha?
wer kummt denn jetzt olles zu unsarem treffn? weil wenn mehr als zwa- dreihundat leit san, donn sollt ma im brauze an tisch bestölln...!?

pfiateich und an schenen sunntog noch!
da Wuhte

LEI-LEI!!
gehts eich wohl guat, ha? ihr stehts gråd auf und i geh båld ins bett. bin schon wieda voll gfressn, so wie jedn tåg då. heite håb i an kobe-beef-burger gessn... olta schwede, des woa wås guates. oba nit frågn, was der gekostet håt... kriagt ma a lei a poa mål då in LA. beim puck gibts des nit, weil in st. veit wåxn kane kobe rinda :-)
winsch eich an schenen tåg, stöllts nix ån und bleibts xund!
enka
wuhte

HOWDY!
jå, feifale, bin guat onkumman. bin oba noch bis sunntåg in san francisco, oba lei zum ummastiazln mit mein schef (der a supa-kerl is, nit lei schef). deswegn wohn ma a gånz schick im 4-seasons auf da market street, weil wenn schon dekadent, dånn ånständig :-)
so, jetzt muaß i oba, die gschäfte sperrn gråd auf und da äppl-store auf da ondaren stråßnseitn ruaft: "kuuuum, wuhte, kuuuuum!"
:-)
pfiateich und an schenen åbnd zaus!!

ruflo, wås mannst mit "påppmdeckl", vasteh i nit?
:-))
dånkschen fir den tipp mit'm herrn puck! kloa kenn i den, oba er mi siha nit!

pfiatenk und a schene wochn!
da Wuhte

Griaß eich Leitln und Pfiatgott gleichzeitig, i foa muagn noch los äntscheles den herrn obama treffn, oda so. waß noch nit, ob i dazua kumm, wolln tat a jo, da herr präse :)

auf jedn foll, wenns amål wås von eam brauchn tatets, sågts es lei mir. wissts eh: "kumpalan fias lebn", da wuhte und da barrack:



Pfiatenk, bis Ende näxta wochn!

da Wuhte

Sers Schnecki!
Mia kennen den burtztåg vom Chrischtele jå vur-feiern a... schåd a nit und des Bier geht gleich guat obe! Wås is mit dir ibahaupt? Kummst uns a am 28. hamsuachn?

WO måch ma denn des ibahaupst? Vülleicht im Brauhof des Separé resavian und nit gehn, bis ma des gånze Bier weggsoffn håm! Oda wås issn mit'm Fuhrmånn in Wernberg? Kåmma durt wieda essn oda is imma noch grauslig?

Fibi & Paule, wås'n mit eich eigentlich? Kummts a?

Habidehre, die Runde!

Ma, da 7.11. is supa, oba leida gor nit fir mi! weil i bin vom 6. bis 15. in da stådt mit die engalan (los äntscheles). i kennt oba amål nåchfrågn, ob se den kongress nit vaschiabn wolln, weil i muaß nåch karinthia :-)
i fråg amål gånz unscheniat: gingats nit wånn åndas? 28.11., 5.12. (am 12.12. geht nit, då spült da VSV in Wien :)

Guate Nåcht, Liacht aus!

>>>WARUM TUT ER DAS ???<<<
i tat sågn, damit er fit bleibt, huckt eh die gånze wochn im biro.
guat nåcht, liacht aus!
da wuhte

sers ruflo!
donkdaschen fir de büldlen! i woat lei noch, bis i a poa ondare von die restlichn bewerbe a hob, donn stöll i se auf unsare schottnseitn!
pfiateich, måhlzeit!
da Wuhte

sers rudiflo!
jojo, tua bitte lei schickn a poa büldlen! i brauch jå a material fir die schotten-homepaitsch!
dånkda & an schenen åbnd!
da Wuhte