na, na, kuh, daweil bin i noch nit im burgnlond. i fohr jo erst am mittwoch. folls nit nur regnt. weil donn mochts kaan spass nit. konnst jo donn aa lei im haus in da kuchl sitzn und bleed schaugn.

an guatn morgn, winsch i eich!!
           

uuuuaaaaah, huschi. brrrrrrrrrrrrr, is mir kolt.....

@ruflo: i klatsch imma acrylforbn on de keilrohmen.
danke fir den tipp. weri mol schaugn gehn, ob i noich a poor rohmen kaaf. daweil honi zwor eh noch an haufn unbemolte daham wortn, oba wenns mi ibakummt, donn vaschmier i imm aglei a poor :)

i brauch holt leida imma so long, bis i waaß, wos i eigentlich moln wüll. i tua jo nit so frei von da seele. i suach ma imma irgend a motiv. so anfoch drauf los, des bring i nit zommen.
wenn i ma wos ausgsuacht hob, donn fong i amol on und im endeffekt schauts donn eh gonz ondas aus, ols des, wos i mochn wollt. oba de grundidee muass i ma imma fladan ;-)

i hob ma jo beim hofer aa so a packet gikaaft (9,90) wo 4 vaschiedene pastn drin send. do konnst donn so dicke konturn draufspochtln. des muass ma austrickan lossn, donn konnst mit ana forb driba gehn. sowos gfollt ma im moment so guat. 

wenns wetta bessa wert, donn fohri von mittwoch bis freitog wieda ins burgnlond/oberwart obe ins haus zu de freind mit de kinda. do konn i wieda auf mein heibolln sitzn udn den nochborsbauern sein stoll unsicha mochn ;-)
gfrei mi schon.

murgn is noch a klaana ausflug mitn papa ins kh lainz in de zohnklinik geplant. do muass i (mittlwerweile zum drittn mol) zu an gespräch mitn an anästhesistn. weil am 3. sep. is donn entgiltig de zohn-op.
da papa tuat ma jo schon so laad. hiatzand muass er in de letztn wochn schon sooft, unnätig durch gonz wien zu an zohnorzt. jedesmol schickns uns wieda unvarichteter dinge ham. beim erstn mol hot de station an folschn termin ausgmocht. des zweite mol, wors lei a onschaugn vom papa. des dritte mol wors lei des onschaugn vom papa und den hinign zähnt, murgn is des anästhesitngespräch, wo da papa aa wieda dabei sein muass und dann is endlich soweit.
wenns mi frogts, olles a bissle unorganisiert und schikane. an kronkn mensch so in da gegend umakutschiern. des is eh jedesmol a tortur fir eahm, weil er sich nit auskennt, wos mit eahm passiert.
sowos miassat doch mit zwamol zu erledign sein. 1 x onschaugn und glei gespräch, des nächste mol op.
oba na, do wert 20 x kronkntransport bezohlt, obwohl eh olles so teia is und de kronknkasse jo so sehr sporn muass, und an bettliegrign menschn zusätzlichn stress gmocht.
des system is schon a wohnsinn.

sodale, hiatzand honi mi wieda genug auslossn iba olles, hiatzand moch i mi wieda on de orbeit ;-)

winsch eich wos....

grias eich und halli-hallo!

i hoff bei eich is olles so holbwegs in butta.

@ruflo: a scheens büldl host gspochtlt honi grod gsegn.

i wer aa wieda ins pemschtln onfongen hiatzand wos wieda schlechts wetta geben wird. is imma mei herbst, winta-beschäftigung.
de birowänd do send eh noch so nockat. i red seit ma einzoign send davon, daas i wos moln wert udn donn de wänd damit tapezier. bis auf aa büldl bin i noch nit weotakummen. und sölbst des honi nochnit aufghängt.
oba hiatzand, wenn da herbst donn kummt, donn geh is on ;-)
daweil hoff i noch gonz fest, daas noch amol a letzta summaeinbruch stottfindet in de nächsten 2, 3 wochn, damit i de bodesaison longsom ausklingen lossen konn. nit so on an tog aufn ondren.

de letztn 2 tog wori in da therme laa. voll scheen durt. udn des hotel aa voll elegant. mah und des obndessn und in da frih des friahsticksbuffet. mah, i hob echt gfuattat wie a große :D
wor echt wieda a entsponnende zeit de zwa tog.

honi heite glei wieda voll elan in de tastn klopfln und onzeign vaorbeitn kennen ;-)

so, wochnende konn kummen. i bin praktisch fertig mit orbatn. pc obdrahn und furt bin i.

winsch eich a scheenes wochnend,
dix bussale

aaah, i jamma nit, wenns zhass is. des worn schon meine temperaturn. aa wenn i gschwitzt hob wie a esl, scheen wors de letztn woch. lei in da nocht, do hätts kühla sein kennen, grod so, daas ma bessa hätt schlofn kennen. oba sunst - maaah -  scheeeen.... mir wor endlich amol nix mehr kolt :D
ob wochnend solls eh wieda guat werdn. do blia i wieda auf :)) und nix wia ob ins bod...

mei zahndal hot sich aa wieda beruhigt iba nocht dafir is mei gnack deppat. oba wos solls. de spritzn heite wern schon hölfn, damits murgn wieda leichta is.

am fenstatog muass i orbaitn. stert mi oba gor nit, weil olle ondren send daham. honi wieda sturmfreie bude. des taugt mah ;-)
wert party gmocht im omt

und näxte wochn, fohri fir zwa tog in de therme laa. de solln aa an scheenen summaaussnbereich hobn. weri mi durt wieda de zwa tog auf a sunnenliege schmeissn udn lei bleed schaun. frei mi schon.

sodal, i winsch eich hiatzand noch an scheenen mittwoch obnd und fir murgn an ongenehmen feiatog!
i pock aa mei klump ein und sperr de birotir zua.

lossts eichs guat gehn!

dix bussaleeeeee...............

grias eich meine liabn!

de odysee am vurmittog mit da zohnorztsuche is ibastondn. mei zohn provisorisch grichtet. haaßt, i hob so a komische gipsfüllung mit irgendwos drin kriagt. und in an monat muass i donn zu mein eigenen zohnorzt und der tuat ma donn a weiße plombn eine.
a dicke spritzn hob i kriagt und a gefühlte ewigkeit hots on mir umagibohrt. zohnfleisch wegbrennt und wieda umagibohrt.
bis vur ana stund wors aa noch schmerzlos. hiatzand losst de spritzn noch und  fongt zum werkln in mein mund. bist du narrisch. do hob i jo mit dem krota vurher kaane schmerzn ghobt....pfff.....
und hunga honi aa schon so.
oba hiatzand is genug mit wortn. i denk des ding muass schon hort genug sein. seit ans is des zeigs drin.

schluss aus, i geh ham und donn wos essn. folls is dabeiss ;-)

grias eich!

mah, wors heite in da nocht scheen ongenehm, ha!?
hätt direkt guat schlofn kennen, wenn i nit so schädl- und gnackweh ghobt hätt und imma noch hob. kaum ändat sich a bissle wos, spinnt mei schädl shon wieda.
daweil miassat i heite am nochmittog auf a begräbnis.
oba i waaß nit, ob i des donn schoff. i wer holt amol zmittog a lodung spritzn holn gehn, donn schau ma mol, wias hülft.

total schlimm, de schwesta von ana freindin is seit onfong juni, wie des große hochwossa wor vaschwunden gwesn. olle homa giglaabt und gehofft, daas se anfoch lei ihr ruha wollt und irgendwo untagetaucht is. oba nit im wossa. donn homsas gfund in hainburg. und vurige wochn hot de dna-analyse de traurige gewissheit gibrocht.

warum, wesholb.....werma wohl nie erfohrn.... :(
wenn ma nur vurher wissat, wos in so an kopfal vurgehn konn...

soda, meine liabn, i winsch eich noch an scheenen tog, lossts eichs guat gehn.
dix bussale....

09.08.2013 10:59:
hihihi, schau mol ruflo, in de top 15 listn. des is a zufoll. de voll scheene glotte zohl! genau auf 10000

grias eich meine liabn!

i hoff eich gehts ollen guat und ihr seids noch nit gonz davongrunnen und gschmolzn bei der hitzn.

i wor 2 tog in loipersdorf in da erlebnistherme. voll scheen durt. oba schon vül leit. und noch mehr wespn. mah, des wor a plog. oba i bin ohne an stich, weder von ana wespn noch von da sunn wieda gsund retour und hob mi echt wohl gfühlt durt. hot voll gepasst de zwa tog. obwohl i, wie imma, wenn i a lei an oda zwa tog wo bin, glei gor nimma ham hob wohl. vielleicht fohri im septemba noch amol, wenns noch wettamässig passt fir 2 tog hin und plansch durtn uma. de hobn de voll lässign rutschn. miassts schaugn im intanet. do gehts voll obe. ma sitzt in so große schwimmrafn drin und schmeisst si damit in de röhrn. huiii, und schon bist untn, völlig vadraht ols wiesd obn eine bist :D

http://www.therme.at/lebenstherme/fun-park/?video_id=10#rundgang

mir hots echt spass gmocht. aa wenn i a bissle ongst ghobt hob, bevur i bei der an rutschn eine bin, (wirbelwind haasst se) wo ma in da mittn auf amol in so an strudl kummen is, der die donn ins nächste loch eineziagt. soooooo lässig! echt!

do bei dem video, siggt ma mehr vom da innenseitn da rutschn ;-)

http://www.youtube.com/watch?v=YVlAq2qwPQ4


donkscheen ruflo, fir des scheene  bleamle :)

na, na, ka ongst, i loss mi eh nit ärgan. aa wenn sies probiern tatn do herin bei uns.
oba i hob an braatn buckl, i holt holt schon so aniges aus :)

na, mit bodn werts heite nix. so scheen is heite nit zum planschn. i moch heite brav mei orbeit, aa wenn i longsom einschlof. hiatzand druckts mi grod bsundas.

am dunnastog fohr i wieda mit ana freindin fir an tog am neufeldersee. hot ma letzte wochn so guat gfolln, dos i de wochn glei wieda aussefohr. soweit mei gnack mitspült. weil des togatzt schon wieda recht fest seit somstog.

grias eich und an kühln erfrischendn guatn morgn eich olln!

worts schon fest am kirchtog in villach?
do werts siha wieda urdentlich heftig zuagehn.
i wor jo erst on zwa johrn. do is rund gongen, na bum. so vül leit in da nocht.
oba guat, des is holt a richtige obwechslung.

i hob heite echt guat gschlofn. schön kühl wors heite in da nocht. a bissle honi de temperatur in da wohnung obagibrocht. stott 30 honi lei mehr 26,7. paasst! ;-)

gregnet hots olladings nit. nit amol a tropfal. zumindest nit bei uns im bezirk. de luft hot zwor guat noch regn grochn gestan am obnd - olso irgendwo muass obaghaut hobn - da wind is stork gongen, kohlschworz am himml und des wors schon wieda mit unwetta.
mir eh liaba. i hätt mi eh lei gfurchtn :)

sodale, frisch ons werk udn on meine onzeign.

winsch eich noch an scheenen tog!

bussaleeee......

@kuh: siha is onkummen. host nit auf dei wongen klatschn gspirt!?

puuh, a stund noch, donn is aus fir de wochn. donn haaßts ob ins bod und eine ins wossa!
juhuuuu....

Adickes sonniges Bussale schick i eich aus Wien!

Bei dem scheenen Wetta weri heite mittogs Schluss mochn und mi ins kühle Noss begebn.

Am Dienstog worma fir an Tog am Neufeldersee in Burgnlond. Kummt noch vurm Neusiedlersee. Is grod 40 Minutn zum Fohrn von uns daham. Na der is aa scheen. Der wirkt so scheen klor, wie mei geliebta Faakersee. Bin ma vurkummen, ols hätt i grod Urlaub in Kärntn, wie i auf meina Matrotzn im See umapaddld bin :)

Heite is holt wieda Strondbod mit da olt Donau onxogt. Oba kühl is des genauso!

Winsch eich an scheene Tog!

Morgääähn, meine Liabn!

Mah, is mir des heite schwer gfolln, endlich in de Schuach z'hupfn und do her z'gehn. I bin nit und nit aus da Wohnung kummen. Irgendwos hot mi festgholtn. I tipp jo auf a unsichtbores Schnirdl...
Oba i hobs gschofft, des Schnirdl obgrissn und hiatzand sitz i do und hoff, dass der Tog schnöll vageht.

Sunn scheint schon volles Rohr. Und es is blau. Eigentlich a guates Zeichen....

I winsch eich an scheene Tog. Dix Bussale!

an guatn morgn winsch i eich!

i hoff bei eich paast olles so holbwegs bis gonz.
i wink eich rechtfreindlich aus mein biro zu.

bussaleeee.......

i vaobschied mi aa von eich fir heite und geh ham. olso zumindest ausn biro ausse. ham geh i nit. i geh mei mama im heim oblösn und untaholt stott ihr mein papa.

pfiat eich!
und a scheenes wochnend winsch i eich!

bussleeeeeeeeeeee..........

winke winkeeeeeeee...

a dix bussale von do zu eich.
winsch eich an scheenen tog!