hiatzand fongts grod zum schneibn on.
werts murgn in da fruah wieda scheen weiß sein, wenns so weita tuat.

i winsch eich daweil a guate nocht.....

 

an scheenen sunntog obnd winsch i eich.

i hob de 2te hölfte davon vaschlofn. bin glei nochn heim ins bett gfolln und hob mein kopf eingschläfat ;)
hiatzand gehts grod wieda a bissle und i sigg wieda aus meine augn aus.

aaaa, da bua von unsam vorarlberga martin. jo grias di. sixt, und i homa gidocht durt in japan is wärma. so konn ma sich teischn....

apropo:

@martin: deina barbara im nochhinein olles guate zum purzltog

und

@kuh: eich aa olles guate zum gestrign hochzeitstog! werts schon noch anige mitanond valebn. werts segn!

grias eiiiich!

heite scheint de sunn bei uns. wissts wia scheen :)

gestan honi mei beisserle getroffn. sie is so topfa und i bin soooo stolz auf sie.
vlt geht sichs noch vur dienstog aus, daas ma noch amol so richtig druckn kennen. donn is aus fir 3 wochn. donn konn i lei zum balkon aufewinkn.
olledings donn, jo donn, werma tonzn gehn und saufn und hupfn und und und...
jawoll!!

mitn papa wori heite aa schon lungenröntgn zmittog. des heim hot in da frih ongruafn es geht eahm nit guat. fiabat hoch und huastet stork. hiatzand hoff i, dass ka lungenentzündung is, denn do muass er wieda ins spitol. des mochn se nit im heim direkt de ärzte.

daweil sog i senen do drin schon seit wochn, daas er nit gsund is und vakühlt. und letztes wochnend wora aa schon so kurzotmig. honi senen aa ins zimma gruafn und gezagt. wor senen wurscht. oba wer glaubt schon an ongehörign. de wissns jo bessa. jetz homa den salot.....
gfrasta!

so und i moch mi weita on de orbeit, bin allan, mei kollega is aa kronk. muass i wieda in de händ spuckn. und nix funktioniert scho wieda bei dem klump von neien system.

hoff ihr hobts an scheenen tog!

bussaleeeee............

olso mia seima schneefrei. NOCH!
oba i glaab, se hobn bei uns aa gor nix onxogt. dafir is so aa düsta gnua und de leit varruckt ;)

an scheenen guatn morgn winsch i eich!

grau is, schiach is, kolt is. zumindest do bei uns in wien.
trostloses wetta. pfui teifl!
wert ma jo gonz depressiv. olso i gspirs zumindest total. mir fehlt schon sooo de sunn und de wärme und de spaziergänge mit mein beisserle und ausserdem und ibahaupt..... olles kacke im moment!
irgendwie konn wohl nie a ruh sein amol mit oll dem kronksein und wäh und jammer und raunz... ;)
oba es wert wieda olles guat gehn und guat werdn und wieda olle xund.
jawoll!!

hoff bei eich is zumindest olles so holbwegs im lot?

dix bussale

@kuh: jo danke. geht gonz guat. grippe is weg, wochnend steht aa vur da tir. wos gibts scheeneres?! ;)

und glei geh i gonz ham.

morgäääähn!

bei uns flancklts aa wieda a bissle. so leicht ongizuckert is schon wieda olles. und huschiwuschi kolt. oba es is jo winta. do passt des schon so :)

i winsch eich an scheenen freitog. da meine wert hoffentlich schnöll vagehn.

bussaleeee....

grias eich und hallo, wieda aus mein biro!

seit montog wurschtl i mi wieda durch de vawirrenden irrgänge in unsam neien birogebäude. aufe obe, hin her, fire zruck, ah na, folhsca stock, noch amol aufe. pooh! des wert siha noch a zeit brauchn, bis i olle und olles gfundn hob, wos i so brauch des gonze johr iba do in da orbeit. oba gott sei donk bin i nit de anzige, es laafn olle imma noch ziemlich vawirrt und unkoordiniert durchs haus. olles neich holt do! inkl. ondare orbeitsaufteilungen udn ondare onlaufstölln.
oba wert sich schon einspüln do herin.

gestan am obnd hob i wieda amol meina kreativität auslauf gegönnt und hob firs theata in da pforr de bühne hergrichtet. 3 stund hob i umagezanglt und tapeziert und dekoriert.
wenn i schon nit mitspül heia wieda (hob wieda gestreikt), doss i senen zumindest des bühnenbüld moch. i denk, es is gonz guat wurdn, mir dem, wos on material vurhondn wor. (mah, hobn de schiache tapetn eingekaaft *kotz*)
hot oba spass gmacht amol wieda wos zum tuan, wo ma donn aa a ergebnis siggt. nit so wie do im biro. hacklst und hackslt und kummt zu kaan ende.

winsch eichnoch an scheenen dunnastog,

dix bussaleeeeeeeeee..........

urdentlich gschniebn hots heite bei uns. und wies so üblich is, is wien im chaos vasunkn. oba mir wors wurscht, i bin daham gwesn.
obwohl i heite gern amol a klaane runde auf da frischn luft gmocht hätt.
oba bei der költn und wenns so feichtlt honi mi mit mein kronksein nix gitraut.
wort i holt noch a poor tog.
firn kreislauf warats holt schon guat, amol wieda ausse gehn.
vlt murgn a klaane runde dick eingipockt und mit meina plüschhaubn :)

schau ma mol.

i winsch eich daweil a guate nocht.
schlofts guat!

sewas kuh!
na, na, schreib eh, von mein computa daham.
der in der orbeit is a zeit long nix gongen, wegen dem gonzn ibasiedlungschaos. homa noch kaane onschlüsse ghobt. oba aa der geht schon wieda. und de orbeit türmt sich bis on de zimmadeckn. oba solong i daham bin, wert da turm noch nit klaana werdn :/
fircht mi eh schon wieda vurm hinkummen.

jo waaß i eh, daasd an kota host. host ma jo schon am telefon dazöhlt und a büldl host ma aa schon gschickt ghobt. vom klaanen rotn mit de blaun augn. lei dos er hiatzand aa kronk is, des honi heite erst do herin glesn.

sodale, i kletta wieda in mei bett zruck. draaht mi schon wieda so bleed uma.

pfiat eich....

grias eich und an scheenen sunntog in de runde!

hoff es geht ollen so holbwegs.

@kuh: tuat ma so laad fir dein pezzl. der orma :(
hoffentlich wert er bold wieda xund.

i hob meine 2 wochn urlaub guat ohne orbeit ibalebt. donn wori 2 tog im biro und schon wori kronk. nix orges, lei a vakihlung und a bissle fiaba und mei leidiges schädlweh. oba grod aso, daas i nit hätt weita im biro sitzn hätt kennen. so bin i holt wieda a poor tog daham, und hoff, doss mei schlappig-gfühl bold wieda weg is. weil schlofn kennt i wie a murmmele. fost de gonze zeit. murgn geh i wieda um spritzn, donn schau ma weita.

a strickliesl honi ausgipockt und moch grod a bissle wos hondorbeitsmässiges :D und des i. gebts ma a stickl holz, an homma und a sagl und i bin in mein element. oba woll und stricknodl oder ähnliches, und i brich ma meine finga - hahahaa...
is oba schon a recht a longes wollwirschtl aussekummen bis jetz.
muass nur amol nochschaugn, wos ma ibahaupt damit olles mochn konn. außa wollwirschtln ;)

sodale, donn wirschtl i wieda weita...
bis späta...

grias eich meine liabn!

schwups, schwups zwischn 2 heimbesuchn a bissle gefacebookt und hiatzand zu eich. donn gehts wieda ob zum papa zruck ins heim, durt a bissle sülvesta"sitzn" und onschliessend zu freinden (do wo de klaane anna is) zum raclette-grülln und onstossn.

eich winsch i daweil

a wochn schon urlaub ghobt. mah, wie de zeit vageht. und a zweite wortet noch auf mi :) scheen!
donn gehts wieda frisch ons werk im neien biro im neien johr mit olte gsichta ;)

UNSAM FROUNZ winsch i aa auf dem Wege nochmol 

OLLES OLLES LIABE UND GUATE ZUM PURZLTOG!

ollen ondaren hiatzand nochmol guatn rutsch und aufpassn, damits nit zweit rutschts.

dicks sülvestabussale und bleibts ma gewogn,

eire phoebe

schwup di wup und vobei is wieda des wochnend.
auf gehts in a neie onstrengende wochn...

winsch eich an scheenen wochnstart fir murgn.

gn8 und pfiat eich

wieda a wochn um.
paaßt!

i winsch eich jetzt schon amol a scheenes wochnend!

dicks bussale eich ollen.......