an guatn!
's chrischtele is wieda då, des muass gfeiat wean! i winsch deina bappn olls guate, dass se nit zvül weh tuat. und måch da nix draus, dass es klanhirn wek is... des is nit so schlimm. lei beim links obbiagn muasst aufpassn (oda woa des beim rechts obbiagn...?)!
gestan håb i g'streikt! bei 33° und 260% luftfeichtigkeit im biero håb i di flucht agriffn und bin ins wåssa gongan. des is jå unmenschlich, so ohne klimaonlåg. den gånzn tåg muass i besprechungen mit mein scheff håltn, wei der håt in sein biero ane (der stirzla)... und mir klanen wirschtln dirfn schwitzn... sauba!
heit weat jå wohl nit so schlimm wean.
an recht an schenan eich ollezåm!
da wuhte

marijaundjosef... wenn i aussm fensta schaug weat ma ångst und bång. i glab, die KELAG sollt heite den stecka aus da grossn dosn ziagn, bevua da blitz einewamst. då kummt jå a wetta ibas drautål eina... heeeea ma auf!
wånn kummt'n's chrischtele wieda daher? montåg håts ghasn... oba woascheinlich erst nåch da visit. und de is in bayan sicha erst nåch da brotzeit!
i steck jetz' a mein peze aus, wal de wolkn samma niama wuascht.
pfiateich, vül glick!
da wuhte

@ruflo, coolati und sowieso olle:
schen, dass eich die ausstöllung in villach gfåll håt! seit gestan gibts a den ausstöllungskatalog zum kafn! då san oba nit lei a poa büldln von da ausstöllung drin, sondan an hauffn beiträge de murds intressant san.håt iba 270 seitn des drum! kafn, weil's gibt lei 1.000 stuck davon und de wean schnöll wek sein!
(i muass jå a bissale a werbung fia mei schotzale daham måchn :))

JUHUUU! DE SCH*** WOCHN IS VABEI!
i håb's oabeitn fia de wochn eingstöllt. es långt heiffig! jetz hau i mi irgendwo am see und zisch ma amål a bierle eine, weil des håb i ma va'dient :)
wås werzn es olle treibn am wochnend? i wüll lei ausse aussm templ, hoffntlich denkt sich des di sun a... nåss von obn woa jetz gnua!
pfiateich, brav bleibn!
da wuhte

hmnpfnmmnhhschpff!
so håb i gestan dahingredet... eh nit ondas als wie sunst :)
olls kloa bei mir im goschale! die neichn zehn't schaun fül bessa aus als die oltn. eigentlich nix zvül valångt. kostn jå a a lawine... die oltn woan gratis!
@chrischtele: wås tuast'n a wochn im krånknhaus ingottswülln? a gstanzl sing i da olleweil auf dei gsundheit!
@ruflo: guate idee des mit da suppn... håt genau gepasst :)
@coolati: wievüle villacha håstn obegezischt, dasst erst um 12e wieda då bist? :)
@wåldschneck: dånkschen fias liacht ausmåchn!

pfiateich!!

griaßeichkindalan!

so språchlos heite ollezåm, ha?

in a poa stund werd i a schen die pappn håltn (miassn), weil i nåch graz zum zåhnoazt foa. nåch graz nit deswegn, weils bei uns kane gscheitn gebn tat... oba da eigene onkl måchts hålt umman hålbn preis. und wenn an 2 bruckn eingebaut wean, dånn gibt des schon aniges aus!
i hoff lei, dass ma noachan kane sandla unta da bruckn schlåfn... wää.

wo bleibtn echt da gölbe murgl?

pfiateich!

griaßeich ollezom!
und, wås woa los bei eich? bei mir, wie gsågt, nit lustig, oba geht schon wieda. an "neichn" håmma a herin, håb i gsegn. sers clausi! ålls is politisch in dera wölt, oba ma wüll oda nit :)
also, schwammaleklaubn brauch i noch nit gehn, wie i sig. nå jå, wenn die sun wieda amål aussaluckt, dånn wean se lei so aussaschiassn... und sich vasteckn, sobåld i ums eck kumm... luadan. letze.
i geh jetz wås fia mein köapa tuan (essn, wåschn und dånn schönheitsschlåf). eich olln a schens wochnend noch!
pfiateich,
da wuhte

's Eich!
i muass mi schon wieda fia a poa tåg åbmöldn, diesmål åba leida nix zum feian, sondan wås trauriges in da familie. am wochnend oda am montåg bin i wieda zruck... also stöllts ma nix ån dawal! jetz muass i mi eh schon tummln...
pfiateich,
da wuhte

griaßeich, es långschläfa!
mi wundats oba eh nix, dass eich oft amål letz geht, wenns kerschn mit villacha zum åbndessn håbts! des håt schon mei mutti 1000 mål gsågt, dass ma des nit tuat! kotte oda bråtwirscht und villacha is ok, kerschn und villacha: finga wek!

ma. weil ma gråd davon redn... i geh zum adeg auf an erstn kosta....

GRIIIIIASSSSEIIIICHHHHHH!
tschuldign, dass i so schrei, oba i hea noch imma nix. i woa am wochnend bei U2 ("juu tuu") in happl sein stadium und bin davon imma noch terisch. oba nit vom bono und seine habara, sondan von die dirndlan und senre schrei in ana tonhöhe und lautstärke, dass olls z'schpot is! da kopf tuat ma a weh, als ob i 3 tåg durchgsoffn hätt. nå jå, kummt jo a nit von ungefähr.

wås is bei eich los gwesn am wochnend? di sun hått sich jå noch a bissale vasteckt... wie issn des heite? weat des noch wås oda muass i unta dåch grülln?

apropoo.

da hunga påckt mi gråd den moment... i geh amål wås fruastuckn und wenn i den lebakas und des reparaturseitl untn håb, ria i mi wieda!

bis noacha!

brrrrrrrr....
hetzt bin i oba wieda aussa aussm auto, weil mia san jo schon die eiszapfalan von da nåsn obagståndn. und dånn håb i gmerkt:es is jå goa niama so hass herausn, es håt jå gregnt! is oba a zeit wuan!
jetzt muass i gschwind zum adeg, weil im kühlschrånk is olls schimplat wuan. wää. i brauch sekündlich an gegrülltn fåck oda wås åndas fettigs, sunst bringt mi da gusto um! graussig, wemma auf fettentzug is.

chrischtele, wås tuast denn ollweil? quetscht sich di måndln beim gartln und låsst sich den dauman aussanehmen... tztztz... wo weat des noch endn :-)

an schenan regntåg winsch i eich und a feine obkialung!
pfiatenk,
da wuhte

hei ihr! i bin wieda im lande, wie ma sågt.
wie gehts eich? is eich a lei mehr hass? bist gscheit, heit håb i gschwitzt wie a fåck beim schåchta. dånn eine ins auto, klima auf "volle" und rucke zucke bist im gfrierschrånk! oba gleich rucke zucke rinnt da da galz ausm hemd, wennst ånkummst und di tia aufreisst. jedesmål a schock... "ma, imma no so hass". des is a graus mit da klima, wemma sich nit zruckhåltat.
oba jetzt håb i eh a supa idee: i ziag um! ins auto! weil zaus und im biero håb i ka klimaånlåg und den gånzn tåg im supamoakt is a fad.
also, pfiateich, ihr findats mi am pakplåtz!
da (frosti) wuhte

moooooagn!
nå supa, i wieda ersta aussm gulta ausse eine in tåg! jetz' werds nix dauan, dånn fångan endlich die summaferien ån. nit, dass mi des wås ångingat (i håb jå nit frei), oba in da oabeit is dånn imma vüüül weniga zum tuan. ma, gfrei i mi fia ondara leite urlaub... is des nit nett von mia?
soda. jetz' oba die fensta aufgrissn (klimaånlåg håb i kane *schwitz*) und obagebogn den tåg!
pfiateich, bis schpäta!
da wuhte

HA - noch kana auf, i amål da erste :)
wås weat'sn måchn am wochnend? i geh jetz amål a bissl wås zum grülln einkafn damit da kolestarinspiegl nit zweit obefållt! weil wer sich im summa kane fettreservn onfrisst, dem is im winta lei kålt!
in dem sinn, simbolische kizzes, bleibts xund und låssts eich von kieslstandlan und schnecknfiecha nit z'vül pflanzn :))
enka wuhte

bin eh då!
griaßeich!
i fråg mi, wieso schon wieda vom wochnend die red is. in da håckn heite a... i glab 3 leit håm sich mit "schens wochnend!" vaåbschiedet. is murgn feiatåg und i da anzige, der nix was?? klärz mi bittschen auf, sunst geh i angach umsunst oabeitn.
tschuldign, dåss i niama ibaråll an senf dazua gib... oba bei eichra performenz kumm i niama gånz mit :)
pfiateich! (i geh wieda wås fuatan)